Nyuutɩna Wɩɩsɛ wɩ́bʋlɛ́ mɩŋ duníé ná há wɩ taŋá có sɩɛrʋ
12
1 Davidi yɩl ná há mɩŋ yɩɩla nyúútɩ́na yɩɩla kɛnɔ sɩɛrʋ. Ɓa yɩ́ʋ́ rɩ́ gɔkcɩka ná há kéŋ ŋmɛ́sɛ cori ní.
2 Nyuutɩna Wɩɩsɛ, fá búŋse! Nɩtaŋáwa ná wuu ní sʋsɛ cɩ tenne mí,
yarda nɩɛ baa tó.
3 Nɛrɔ wuu nyɛ́ nyɩ́ɛ́rʋ nɛ́ aá pɔ́ʋ́ nɔ́ŋɔ;
ɓa nʋʋsɛ có naŋá nyɩsɛ́, ká ɓa sɩɛnnɛ má a bɛllɛwa náŋá rɩ́.
4 Rɩ Nyuutɩna Wɩɩsɛ a rɩ nɩɛ ná wuu háá nyɩsɩ́wɔ́ naŋá nyɩɩkɛ,
a a rɩ nyʋktɩ́ɩ́na má wuu nyɩɩkɛ.
5 Ɓa sɛ́: «A ɛ̃́ bʋl lɛ́,
a ɛ̃́ bʋlɛ́ werí, a wɩ nɛ́ŋ wuu fa.»
6 Amá Nyuutɩna Wɩɩsɛ sɛ́: «Mʋ́l né mí, ŋ sɩ́ nyɩ́ɩ́sɩ́ŋ tɩɩ,
a tɩŋ nɩyaara ná bɛ́ŋsɛ́ wɩ́ɛ́,
arɩ́ summe ná háá hííne wɩ́ɛ́.
Ŋ sɩ́ pɛ́ nɛrɔ ná ɓa gbesé aá tá mɛ́.»
7 Nyuutɩna Wɩɩsɛ wɩ́bʋlɛ ká pʋmmɩ́ anɛ warɛ,
ɓa há cʋɔrɛ́, a lɩsʋ́ busunnú naasɩ́ balpɛ.
8 Nyuutɩna Wɩɩsɛ, ɩ é ní sɩ́ pɔ́ nɩɛ ná ɓa háá fɩ́ɩ́sɛ́ mɛ́,
ɩ nɛ́ sɩ́ kɛrɩrá mɛ́ a kaá mʋ́ wuu
a tɩŋ nɩɛ nyaŋ wɩ́ɛ́,
9 rɩ ɛ́ nɩɛ há ká yarda rɩ́ kisó tó nɩɛ nɛ́ có rɩ́wɔ́ úúri aá kilrá má,
ká rɩ tɔ́ɔ́ má ɔsɛ aá bɔ́ŋsɛ.