Ɩsakaarɛ dunɩɛ wɩ́ɛ́
7
1 Ɩsakaarɛ bɛlɛ nɛ́ baná, nówó yɩra: Tola rɩ́ Pua rɩ́ Yasuubi rɩ́ Sɩmɩrɔŋ. 2 Tola bɛlɛ nɛ́ ká: Uuzi rɩ́ Refaya rɩ́ Yeriyɛl rɩ́ Yamayi rɩ́ Yibsaŋ rɩ́ Samʋwɛl. Ɓa nyáŋ nɛ́ fa ká Tola jɩtɩ́náwa, ɓa fa ká lalyóóríbibara rɛ́ ɓa woowa sɩɛrʋ, ɓa yɩra lɛ́ weri. Davidi tɛ́ŋ mɛ́, ɓa nʋɔ fa ká bʋ́ɩ́ mɛrɛ́ rɩ́ bɛllɛ arɩ́ zɔwalgo ní (22 600). 3 Uuzi bio ní ká Ɩzirahiya. Ɩzirahiya má bɛlɛ nɛ́ ka: Mikayɛl, Abdɩyasɛ, Zʋwɛl, rɩ́ Ɩsɩya; ɓa wuu bɔmmʋ́ɔ́ ká jɩtɩ́náwa nɛ́. 4 Ɓa duo sɩɛrʋ, báála ná há ɛ̃ lal yoe nɛ́ bʋ́ɩ́ mɛrɛ́ rɩ́ fí rɩ́ balgo (36 000) a lɛ jaá jaáwa. Bee wɩ́ɛ́, ɓa háála rɩ́wɔ́ bɛlɛ fa kánɔ́.5 Ɩsakaarɛ duo sɩɛrʋ, ɓa maábináŋa ná há lɛ́ jaá jaáwa ɓa pʋ́ŋsɩ́wɔ́ yɩra, nɛ́ lalyóóríbibara bʋ́ɩ́ mɛɛ́sɩbaná rɩ́ balpɛ (87 000).
Bɛŋzamɛ dunɩɛ wɩ́ɛ́
6 Bɛŋzamɛ bɛlɛ ka botoro, nówó yɩra: Bela rɩ́ Bekɛɛrɛ rɩ́ Yedɩyɛl. 7 Bela bɛlɛ ká bɔmmʋ́ɔ́, ɓa yɩra ní nyɛ́: Ɛsɩbɔŋ rɩ́ Uzi rɩ́ Uziyɛl rɩ́ Yerimɔtɛ arɩ́ Iri, ɓa nyáŋ nɛ́ kɔ́wɔ́ jɩtɩ́náwa a a lalyóóríbibara ɓa há díísɛ hé kɛnɔ mɛ́, nɛ́ nɩɛ bʋ́ɩ́ mɛrɛ́ rɩ́ bɛllɛ arɩ́ mɛrɛ́ rɩ́ fí rɩ́ baná (22 034). 8 Bekɛɛrɛ bɛlɛ nɛ́ ká: Zimira rɩ́ Yohasɛ rɩ́ Elɩɛzɛɛrɛ rɩ́ Elionayiŋ, Omiri rɩ́ Yeremɔtɛ rɩ́ Abiya rɩ́ Anatɔtɛ arɩ́ Alemɛtɛ. Bekɛrɛ bɛlɛ nɛ́ kɔ́wɔ́ wuu. 9 Ɓa ká jɩtɩ́náwa a a lalyóóríbibara ɓa dɩ́ɩ́sɩ́wɔ́ a tɩŋ duó duówa a hé kɛnɔ mɛ́, ɓa ká nɩɛ bʋ́ɩ́ mɛrɛ́ rɩ́ zɔwɛllɛ (20 200). 10 Yediayɛl bio ní ká: Bilhaŋ. Bilhaŋ bɛlɛ nɛ́ ká Yehusi rɩ́ Bɛŋzamɛ rɩ́ Ehudi rɩ́ Kenana rɩ́ Zetaŋ rɩ́ Tarsiisi arɩ́ Ahisahaarɛ. 11 Ɓa nyáŋ wuu nɛ́ ká Yediayɛl dunɩɛ, a a jɩtɩ́náwa, a a lalyóóríbibara: Nɩɛ bʋ́ɩ́ fí rɩ́ balpɛ arɩ́ zɔwɛllɛ (17 200) a wólli lal aá yo.
12 Iir bɛlɛ nɛ́ ká: Supiimi rɩ́ Hupiimi. Ahɛɛrɛ nɛ́ lʋl Husiimi.
Nɛfɩtalɩ dunɩɛ wɩ́ɛ́
13 Nɛfɩtalɩ bɛlɛ nɛ́ ká: Yasɩyɛl rɩ́ Guni rɩ́ Yesɛɛrɛ rɩ́ Salummi. Nɛfɩtalɩ maá nɛ́ ká Bila.
Manase dunɩɛ wɩ́ɛ́
14 Manase bɛlɛ nɛ́ ka: Asɩrɩyɛl rɩ́ Makiir, ʋ háwie ná há lɛ́ Aramɛ bɛlɛ nɛ́ ɛ́. Makiir nɛ́ lʋ́l Galaadɛ. 15 Makiir já háálɔ pá Hupiimi, a já pá Supiimi má. Makiir nátoló ní ká Maaka. Makiir bʋllɛ bio yɩr ní ká Selofaadɛ. Selofaadɛ lʋ́l tolé dʋŋɔ. 16 Makiir háálɔ Maaka lʋ́l heŋbólli bɛllɛ, a pá dʋ́ŋdʋ́ʋ̃́ bio ná yɩr Perɛsɛ, ká pá bʋllɛ bio ná má yɩr Sɛrɛsɛ. Sɛrɛsɛ lʋ́l Ulaŋ, rɩ́ Rekɛmɛ, 17 ká Ulammɛ má lʋ́l Bedaŋ. Galaadɛ há ká Makiir bio ká a Manase nihĩ dunɩɛ nɛ́ ɛ́.
18 Galaadɛ nátoló Hamɔlɛkɛtɛ bɛlɛ nɛ́ ká: Ɩsɔɔdɛ rɩ́, Abɩɛzɛɛrɛ arɩ́ Mala. 19 Semida bɛlɛ nɛ́ ká: Ahiyaŋ rɩ́ Sekemmɛ rɩ́ Liki, rɩ́ Aniyammɛ.
Ɩfɩrayɩŋ dunɩɛ wɩ́ɛ́
20 Ɩfɩrayɩŋ dunɩɛ nɛ́ ká: Ɩfɩrɩyɩŋ bio ní ká Sutela, Sutela bio ní ká Berɛɛdɛ, Bɛrɛɛdɛ bio ní ká Tahatɛ, Tahatɛ bio ní ká Elada, Elada bio ní ká Tahatɛ, Tahatɛ bio ní ká 21 Zabaadɛ, Zabaadɛ bio ní ká Sutela. Ezɛɛrɛ arɩ́ Elaadɛ má ká Ɩfɩrayɩŋ bɛlɛ nɛ́. Ɓa nɛ́ fa ísé mʋ́ rɩ́wɔ́ la Gatɛ nɩɛ ná ɓa há lʋ́l tɔ́ɔ́ ná sɩɛrʋ pʋsɛ, amá Gatɛ nɩɛ ɓʋ́ʋ́sɩ́wɔ́. 22 Ɛ́ nɛ́ ɓa áná Ɩfɩrayɩŋ wíwó wɩ́ɛ́ tápʋlɛ ɓɩkana; kɔ́ʋ́ maábináŋa ko rɩ́wɔ́ bʋ́ɔ́lʋ́. 23 Ʋ ɛ́ har mɛ́, Ɩfɩrayɩŋ zʋ́ʋ́ háálɔ rɩ́, ʋ ká puo, a lʋl bio. Ɩfɩrayɩŋ pá bio ná yɩr Beriya, bee wɩ́ɛ́, wɩhala fa zʋ́ Ɩfɩrayɩŋ jaa. 24 Ɩfɩrayɩŋ toló Sera; ʋ nɛ́ sɔ́ Bɛtɩhorɔŋ há mɩŋ mʋ́l rɩ́, Bɛtɩhorɔŋ ná há mɩŋ nyúú rí arɩ́ Uzeŋsera. 25 Beriya dunɩɛ náŋa nɛ́ ká: Beriya bio ní ká Refa, Refa bio ní ká Resɛfɛ, Resɛfɛ bio ní ká Tela, Tela bio ní ká Tahaŋ, Tahaŋ bio ní ká Ladaŋ, 26 Ladaŋ bio ní ká Amihuudi, Amihuudi bio ní ká Elisama, Elisama bio ní ká 27 Nuŋ, Nuŋ bio ní ká Zozie.
28 Tíé ɓaalɛ ná Ɩfɩrayɩŋ bɛlɛ há lɛ́, a kéwó mí ní nyɛ́: Betɛl rɩ́rʋ́ kílo tɔ́wɩɛla, Naaraŋ há mɩŋ wɩɩsɛ dɩpomí, Gezɛɛrɛ há mɩŋ wɩɩsɛ dɩzʋʋlɩ́ rɩ́rʋ́ kílo tɔ́wɩɛla, Sɩsɛmɛ rɩ́rʋ́ kílo tɔ́wɩɛla, a kaa mʋ́ peri Aya rɩ́rʋ́ kílo tɔ́wɩɛla mɛ́.
29 Tɔ́nɛ ná há ká Manase dunɩɛ tɩ́llɛ nɛ́ nyɛ́: Bɛtɩsaŋ tɔ́nɛ rɩ́wɔ́ kílo tɔ́wɩɛla, Tanakɛ rɩ́rʋ́ kílo tɔ́wɩɛla, Megido rɩ́rʋ́ kílo tɔ́wɩɛla, Dɔɔr rɩ́rʋ́ kílo tɔ́wɩɛla. Tɔ́nɛ nyáŋ sɩɛrʋ nɛ́ Ɩzɩrayɛl bio Zozɛfɛ dunɩɛ ké.
Asɛɛrɛ dunɩɛ wɩ́ɛ́
30 Asɛɛrɛ bɛlɛ nɛ́ ká: Yimina rɩ́ Yisiva rɩ́ Yisivi rɩ́ rɩ́ Beriya, a píwó nátoló Sera. 31 Beriya má nɛ́ lʋ́l: Hebɛɛrɛ rɩ́ Malkɩɛl; Malkɩɛl nɛ́ ká Bɩrzayiti tɔ́tɩ́na. 32 Hebɛɛrɛ bɛlɛ nɛ́ ká: Yafɩlɛtɛ rɩ́ Semɛɛrɛ rɩ́ Hotammɛ arɩ́wɔ́ nátoló Suwa. 33 Yafɩlɛtɛ bɛlɛ nɛ́ ká: Pasakɛ rɩ́ Bimallɛ rɩ́ Asɩvatɛ. Ɓa nyáŋ nɛ́ ká Yafɩlɛtɛ bɛlɛ. 34 Semɛɛrɛ bɛlɛ nɛ́ ká: Ahi rɩ́ Roga rɩ́ Huuba arɩ́ Arammɛ. 35 Ʋ maábinɔ́ŋɔ Helɛmmɛ bɛlɛ nɛ́ ká: Sofa rɩ́ Yɩmɩna rɩ́ Selɛsɛ arɩ́ Amal. 36 Sofa bɛlɛ nɛ́ ká: Suwa rɩ́ Harnefɛrɛ rɩ́ Suwal rɩ́ Beeri rɩ́ Yimra, 37 Bɛsɛɛrɛ rɩ́ Hɔɔdɛ rɩ́ Samma rɩ́ Sɩlsa rɩ́ Itɩraŋ arɩ́ Beera. 38 Yɛtɛɛrɛ bɛlɛ nɛ́ ká: Yefune rɩ́ Pisepa rɩ́ Aara.
39 Ula bɛlɛ nɛ́ ká: Aara, Hanɩɛl arɩ́ Risiya.
40 Asɛɛrɛ duo sɩɛrʋ, ɓa nyáŋ nɛ́ fa ká jɩtɩ́náwa, a a nɩyɩ́rá, lalyóóríbibara, sɩ́dííre nɩhɩɛ̃́sɛ, ɓa dɩ́ɩ́sɛ hé kɛnɔ sɩɛrʋ; a kaŋwɔ́ tɩɩ rɩ́wɔ́ yo lal. Nɩɛ bʋ́ɩ́ mɛrɛ́ rɩ́ balgo (26 000).