Sayul báá to kuór
15
1 Samɩɛl bʋ́l Sayul rɩ́ bʋlɛ́: >>Ŋ nɛ́ Wɩɩsɛ tʋŋ ŋ ko pi kuorí nʋʋ héí mí, a bílí ɩ a kuór ʋ Ɩzɩrayɛl nɩɛ nyúú. Sɩɛ́ zesi liŋó ná Wɩɩsɛ há sɩ́ŋ pɛ́ɩ́. 2 Ná wɩ́ɩ́ ná, Nyuutɩna, Wɩɩsɛ ná há kɛ óŋ wuu há bʋlɛ́: >>Ɩzɩrayɛl nɩɛ há lɛ́ Ɩzipiti mí aá col, Amlɛkɛ nɩɛ púú ná ɔ́wɔ́ mɛ́, a pɔ́ rɩ́wɔ́ sɩ́ dáárʋ́ ɛ́, ɓa sɩ́ túŋ ɛ́ wɩ́ɩ́ kɩŋ.› 3 Ɛ́ wɩ́ɛ́, mʋ́ ŋmɔwɛ ɛ́ Amalɛkɛ tɩ́náwa, a zɔ́kɩ́wɔ́ onni wuu. Sɩ́wɔ́ susu fá. Ɓʋ́ʋ́sɛ nɩwómme wuu: báálá, háálá, heŋbiisí, rɩ́ bipʋllɛ. A ɓʋ́ʋ́sɩ́wɔ́ nɛsɛ, ɓa piẽse, ɓa nyʋ́kmawa, rɩ́wɔ́ kokúsi má.> >> 4 Sayul yɩ́rʋ́ sóójiwa hé náŋá mɛ́, a dɩɩsɛ Telayimi mí. Sóójiwa tívalla bʋ́ɩ́ zɔwɛllɛ, a pi Zida má nɩɛ bʋ́ɩ́ fí. 5 Sayul káŋwɔ́ mʋ́ peri Amalɛkɛ nɩɛ tɔ́ɔ́ nɔ́ŋɔ, a a ɓa féŋsi polo sɩɛrʋ. 6 Ká tʋŋ bʋl Kenitiwa rɩ́ bʋlɛ́: >>Ɩ́ lɛ Amalɛkɛ nɩɛ sɩɛrʋ, ɩ́ jɛ́ɩ́wa tɩɩ. Ŋ waá ja rɩ́ŋ pɛ́ ɓʋ́ʋ́sɩ́wa rɩ́ Amalɛkɛ nɩɛ hé náŋá mɛ́. Bee wɩ́ɛ́, tɛ́ŋ ná mɛ́ Ɩzɩrayɛl nɩɛ há lɛ́ Ɩzipiti mí aá col, ɩ́ wʋ́ɔ́ naa gbɛ́, ká a wérí pɔ́wɔ́.>> Ɛ́ nɛ́ Kenitiwa tʋ́ɔ́sɩ́wɔ́ tɩɩ, a lɛ ká tá Amalɛkɛ tɩ́náwa. 7 Ká Sayul sɩɛ́ pɔ́ Havila mɛ́, a ŋmasɛ Amalɛkɛ nɩɛ, a kaa mʋ́ lɛ Suur ná há cɩ́nɛ́ cɛ́rɛ Ɩzipiti. 8 Sayul rɩ́rʋ́ nɩɛ ɓʋ́ʋ́sɛ Amalɛkɛ nɩɛ wuu ní, ká káŋwɔ́ kuóro Agaagɛ é ɓɩwómmi, a kaa col. 9 Sayul rɩ́rʋ́ sóójiwa wɩ Agaagɛ ɓʋ́ɛ́. Pʋsɛ ná má wuu há vʋ́ɛ́ a cícólli, ɓa wʋ́ɔ́ má ɓʋ́ʋ́sɛ. Pʋsɛ ná há kóŋŋé a wɩ cícó dʋŋɔ nɛ́ ɓa ɓʋ́ʋ́sɛ.Wɩɩsɛ lá Sayul kuori
10 Ɛ́ nɛ́ Wɩɩsɛ bʋl Samɩɛl rɩ́ a bʋlɛ́: 11 >>Rɩŋ ɩ́ɔ̃ ŋ wɩ Sayul lɩ́sɛ́ ʋ a kuór; nóú ní, ʋ vɛ́ŋtá, a wɩ́ŋ wɩ́bʋlɛ́ zíl.>> Samɩɛl sɩɛrʋ wuu zɔkɛ, ʋ wii, a sʋl Wɩɩsɛ tɩ́taŋ wuu tɔ́ɔ́ pʋl. 12 Ʋ cɔŋ fól a mʋ́ rʋ́ʋ́ ná Sayul. Ɛ́ nɛ́ ɓa bʋl pɔ́ʋ́ bʋlɛ́: >>Sayul mʋ́ Karmɛl a cɔ́ŋsɛ dɔ́wɩ́ ráŋ, ká isi daarɛ tuwi Gilgal.>> 13 Samɩɛl mʋ́ɔ́ peri Sayul ɛ́ nɛ́ ʋ sɛ́: >>Rɩ́ Wɩɩsɛ hé bárka pɛ́ɩ́! Ŋ zíl Wɩɩsɛ wɩ́makɛ́.>> 14 Ɛ́ nɛ́ Samɩɛl bɔ́sʋ́: >>Piẽse wííle rɩ́ nɛsɛ wííle nyáŋ lɛ́ nɛ́ɛ́ rɛ́> >> 15 Sayul sɛ́: >>Amalɛkɛ tɩ́náwa nɛsɛ rɩ́wɔ́ piẽse sɩɛrʋ ɓɩvʋ́ʋ́lɛ nɛ́, sóójiwa tʋɔsɩtá, rɩ́wɔ́ kaa ɔsɛ vʋk pá Wɩɩsɛ. Á ɓʋ́ʋ́sɛ káánɛ é wuu ní.>> 16 Samɩɛl sɛ́: >>Lo ɛ́, ʋ mɔhɔ̃́. Zesi wɩ́ɩ́ ná Wɩɩsɛ há bʋ́lɛ́ páŋ tɩ́táŋ.>> Sayul sʋ́ʋ́ bʋl.
17 Ɛ́ nɛ́ Samɩɛl sɛ́: >>Ɩ fa wɩ wɩ́ɩ́ mɛ́ sákɛ́, ká zaá a Ɩzɩrayɛl dunɩɛ kuóro. Wɩɩsɛ nɛ́ pí Ɩzɩrayɛl nɩɛ kuorí pɛ́ɩ́, a ɔ̃́ɔ̃́sɛ kuónʋʋ héí mí. 18 Wɩɩsɛ tʋ́mɩ́ɩ́, a bʋlɩ́ mʋ́ yo Amalɛkɛ tɩ́náwa há ká wɩ́bɔŋ áárá, a ɓʋ́ʋ́sɩ́wɔ́ wuu mɩ́ɛ̃́ mɩ́ɛ̃́. 19 Beérí ɩ wɩ Wɩɩsɛ nʋɔ zílé>> Beérí ɩ dee cúŋ ɓɩɛ ná ɓa há yó lal la mɛ́, a aa zɔkɛ Wɩɩsɛ mɛ́> >> 20 Ɛ́ nɛ́ Sayul sɛ́: >>Ŋ zíl Wɩɩsɛ nʋɔ rɛ́. Ráŋ ná Wɩɩsɛ há sɩ́ŋ mʋ́ yo lal nɛ́ ŋ mʋ́. Ŋ ɓʋ́ʋ́sɛ Amalɛkɛ nɩɛ wuu ní, ká káŋwɔ́ kuóro Agaagɛ ko rɛ́ɛ́. 21 Ŋ sóójiwa má nɛ́ bɛ́llɛ́ tʋ́ɔ́sɩ́wɔ́ pʋsɛ sɩɛrʋ ɓɩvʋ́ʋ́lɛ tá, rɩ́wɔ́ kaa ɔsɛ vʋk pɛ́ɩ́ Wɩɩsɛ, Gilgal mɛ́ rɛ́ɛ́.>> 22 Ɛ́ nɛ́ Samɩɛl sɛ́:
>>Wɩɩsɛ có pʋsɛ vʋka ɔsɛ́ nɛ́, a kɩ́llʋ́ nʋɔ saŋɛ́>>
Aɩ́! Ʋ cóú nʋɔ saŋɛ́ nɛ́ kɩ́llɛ pʋsɛ vʋka.
ká, waá sáŋ má bɔŋ a nɛ venni ɓaarɛ́.
Ɩ sɩɛ́ há vɛ́ Wɩɩsɛ nʋɔ zíle,
Ʋ má vɛ́ɩ́; ɩ báá to kuór.>>
24 Sayul bʋl Samɩɛl rɩ́ bʋlɛ́: >>Ŋ zɔ́kɔ́! Ŋ wɩ Wɩɩsɛ nʋɔ zílé, a wɩ́ɩ́ má wɩ́makɛ́ tɩ́ŋɛ́. Jamáŋ ná héwíŋ ní keníŋ, ɛ́ nɛ́ ŋ ɔ́ʋ́ ná ɓa há sɩ́ŋ a. 25 Ɛ́ wɩ́ɛ́ ŋŋ́ sʋ́lɩ́, héŋ wɩ́bɔmɔ suúri mʋ́lnémí. Bɩrkanɩ́ŋ mʋ́, rɩ́ŋ wólli Wɩɩsɛ cʋɔlɛ.>> 26 Ɛ́ nɛ́ Samɩɛl sɛ́; >>Aɩ́! Ŋ wɩ́ɩ́ káámʋ́; ɩ vɛ́ Wɩɩsɛ nʋɔ, ʋ má vɛ́ɩ́́ tá. Ɩ báá to Ɩzɩrayɛl kuór.>>
27 Samɩɛl há bɩ́rɛ́ rʋ́ʋ́ col, Sayul cɔ́ʋ́ gɛsuo nʋɔ mɛ́, a pɔŋ ʋ cɔ́rɛ. 28 Ɛ́ nɛ́ Samɩɛl bʋl pɔ́ʋ́ bʋlɛ́: >>Wɩɩsɛ zaa lá Ɩzɩrayɛl kuorí ɩ rɩ́, a piipá nɛrɔ ná há wérí. 29 Ɩzɩrayɛl Wɩɩsɛ ná há píŋó wɩ nyɩɛrʋ nyɛ, ʋ wʋ́ʋ́ nʋɔ má kíŋŋi, bee wɩ́ɛ́ ʋ to nibíŋ aá tʋŋ ɛ́ɛ́.>> 30 Ɛ́ nɛ́ Sayul sɛ́: >>Ŋ zɔ́kɔ́ rɛ́! Ŋ taŋa sʋ́lɩ́, rɩ́ɩ́ píŋsíŋ Ɩzɩrayɛl nɩhɩɛ̃́sɛ rɩ́wɔ́ nɩɛ sɩ́ɛ́ mɛ́; ká bɩrkánɩ́ŋ mʋ́ rɩ́ŋ cʋ́ɔ́lɛ nyuutɩ́na ɩ Wɩɩsɛ.>> 31 Samɩɛl saŋ bɩrka Sayul mʋ́, ʋ mʋ́ cʋɔlɛ Wɩɩsɛ.
32 Ká Samɩɛl sɩɛ́ a ɓa mʋ́ ka Amalɛkɛ tɩ́náwa kuóro Agaagɛ ko pɔ́ʋ́. Agaagɛ pɔ́rʋ́ tɩɩ mɛ́ ko, ká bɩɩnɛ rɩ sʋ́ʋ́rɩ́ wɩ́ɩ́ wuu bá tóó. 33 Ɛ́ nɛ́ Samɩɛl bʋl pɔ́ʋ́ bʋlɛ́:
>>Ɩ há kení tókowí bʋ́ʋ́sɛ bɛlɛ ká táwɔ́ maáwa ɛ́,
ɓa sɩ́ bʋ́ɩ́ má ká tɛ́ɩ́ maá.>> Samɩɛl ɔ́ɔ́ ɓa ɓʋ́ʋ́ Agaagɛ Wɩɩsɛ sɩ́ɛ́ nɛ́, Gílgal mɛ́.