2
1 Nawomi bála ná há sʋ́wɛ́ fa kéŋ dunɛrɔ oro, ʋ yɩr a Bʋazɛ, a lɛ Ɩlɩmɛlɛkɛ jaa ʋ fa kéŋ ɓɩɛ wérí, ʋ yɩr má fa lɛ wérí. 2 Riti, mowabɛ tɩ́náwa toló sɩɛ́ bʋl Nawomi rí bʋlɛ́: «Ŋŋ́ sʋ́lɩ́ ló rɩ́ŋ mʋ́ kuuni ɓɩɛ, nɛrɔ ná há sɩ́ sáŋɩ́ŋ ʋ baka sɩɛrʋ.» Ɛ́ nɛ́ Nawomi sɛ́: «mʋ́mʋ́ ŋ toló, ŋ pɛ́ɩ́ ŋmɛ́nɔ.» 3 Ɛ́ nɛ́ ʋ mʋ́ baka oro, a cɛ́ mɩ́kʋrsa har rɩ́, aá kuuni. Sɩɛ́ ná ʋ nyúwér sɩɛrʋ, Bʋazɛ nɛ́ tɛ ɛ́ baka. Ɛ́ Bʋazɛ lɛ́ Ɩlɩmɛlɛkɛ jaa nɛ́. 4 Ɛ́ nɛ́ Bʋazɛ sɩ́ɛ́ lɛ Betéléyɛmɛ ko a bʋl mɩ́kʋrsa ná rɩ́ bʋ́lɛ́: «Rɩ́ Nyuutɩna Wɩɩsɛ mɩŋ arɩ́rɩ́wa.» Ɛ́ nɛ́ ɓa bʋ́lʋ́ rɩ́ bʋlɛ́: «Rɩ́ Nyuutɩna Wɩɩsɛ héí nyúú bárka!» 5 Ká Bʋazɛ sɩɛ́ bɔ́sʋ́ tʋtʋnnɔ ná háá bél mɩ́kʋrsa ná mɛ́ bʋlɛ́: «Áŋ rɛ́ tɛ háálɔ́ né>>» 6 Ɛ́ nɛ́ tʋtʋnnɔ ná háá bel mɩ́kʋrsa ná mɛ́ sɛ́: «Mowabɛ tɩ́náwa toló ní. Ʋ rɩ́ Nawomi ní lɛ́ mowabɛ tɩ́náwa tíé ko. 7 Ʋ sɛ́: ‹Ɩ́ lo rɩ́ŋ kuuni ká tʋɔsɛ mɩ́nyunni ná há ɓallɛ mɩ́kʋrsa har.› A sɩɛ́ de pɔ́ cɩ́cʋɔ wuu ʋ há kúé, ʋ dé cɛ́ dahá nɛ́ a ko aá cɛ́rɛ nyɛ mɛ́. Jaa sɩɛrʋ nɛ́ ʋ de ké fɩɛlɛ mʋɔ́.» 8 Ɛ́ nɛ́ Bʋazɛ bʋl Riti dɩhɩ̃́ a bʋlɛ́: «Zesi ŋ tolo, sɩ́ bakhuó mʋ́ʋ́ kuuni mɩ́ɛ́. Sɩ́ rɛ́ mɛ́ kɛ́kʋ́, cɩ́nɩ́ŋ tʋtʋ́ŋtʋnna har. 9 Bel ná ɓa há kʋ́sɛ́ caasɛ ráŋ ná, ká tɩ́ŋwɔ́ mɛ́. Ŋ bʋ́lɔ́ páŋ tʋtʋ́ŋtʋnna bʋlɛ́ rɩ́ ɓa pɔ́ rɩ́ ɓá sɩ́ɩ́ mɛ́ tɩ́kʋ́. Rɩ nyinyʋɔ́sɛ kení, ɩ mʋ́ nyɔ nyii ná ɓa háá aá bil.» 10 Ɛ́ nɛ́ ʋ tuwi ɓírmú sɩ́ɛ́ a púú sɩ́ɛ́ cú tíé, ká bʋ́lʋ́ rɩ́ bʋlɛ́: «ɛrɛ rɛ́ ŋ ná wér nyɛ ɩ sɩ́ɛ́, ɩ sáŋɩ́ŋ nyɛ ná, ŋ má nɩhʋɔ́r>>» 11 Ɛ́ nɛ́ Bʋazɛ bʋ́lʋ́ rɩ́ bʋlɛ́: «Ɓa césí wɩ́ɛ́ ná wuu ɩ há ɛ́ɛ́ pɛ́ɩ́ bálá máá a páŋ, a de pɔ́ʋ́ bála sʋʋ mɛ́, a kaa ko aá lɛ nyɛ mɛ́, arɩ́rɩ́ há lɩ́ɛ́ ká tɛ́ɩ́ áná rɩ́rɩ́ máá, arɩ́rɩ́ tɔ́ɔ́ ɛ́ ná, ká ko zʋ duo ná ɩ́ fa há wʋ́ʋ́ ɛ̃. 12 Rɩ́ dɩtennitoó súúrí, ká lo rɩ́ɩ́ túme nʋɔ sú. Ʋ dɩtennitoó, Ɩzɩrayɛl tɩ́náwa Wɩɩsɛ ná kɩŋko mʋ́l ɩ há féŋsé.» 13 Ɛ́ nɛ́ ʋ sɛ́: «Óó, Rɩ́ŋ wɩ́ɛ́ cɛ́rɩ́ sɩɛ́ ŋ nyuutɩna! Béé wɩ́ɛ́ ɩ bʋ́ɔ́lɩ́ŋ, ɩ wɩbʋlɛ́ fɩɛlɩ́ tʋtʋŋ háálɔ baŋcɩla, ká ŋ kóí tʋtʋŋ háála ná oro má tɩɩ.» 14 Ɓɩdííle díí cɛ́rɛ, Bʋazɛ bʋl Riti rɩ́ bʋlɛ́: «Tuu peri a dí dɩpɛ́ŋ, cókí ker, a yu yuomo mí a dí.» Ɛ́ nɛ́ ʋ ko ké lɛ́l mɩ́kʋrsa. Ɓa pɔ́ʋ́ ɓɩdiili ʋ dí vɔkɛ, ká pi káŋ bil. 15 Ka báá isi kúkuuni. Ɛ́ nɛ́ Bʋazɛ pɔ́ʋ́ tʋtʋ́ŋtʋnna liŋó bʋlɛ́: «Ɩ́ lo rʋ́ʋ́ kúkuuni mɩ́nɛ́ŋsa pɛ́ksɛ, ká sʋ́ʋ́ fúklú. 16 Ɩ́ sáŋ coki dɩhɛ̃́ náŋa tá pɔ́ʋ́ rʋ́ʋ́ kʋsɛ. Rʋʋ́ kʋ́sʋ́ ɩ́ sʋ́ʋ́ wálmʋ́. 17 Ɛ́ nɛ́ ʋ kuuni baka ná mɛ́ wuu wɩɩsɛ pɔrɛ, ʋ pii ŋmɔwɛ. 18 Ɓa bíí peri gárá rɩ́ fá. Ʋ púú ɓɩɛ cɩ́ɩ́nɛ a zʋ tɔ́ɔ́ sɩɛrʋ. A pii cáánʋ́ bála máá, ká kuórú ɓɩdikákáŋ ná pɔ́ʋ́. 19 Ɛ́ nɛ́ ʋ bála máá bɔ́sʋ́ bʋlɛ́: «Nɛɛ́ rɛ́ ɩ zaá mʋ́ kuuni>> Nɛɛ́ rɛ́ ɩ tʋŋ>> Rɩ́ bárka mɩŋ nɛrɔ ná há kení hóú rí nyúú.» Ɛ́ nɛ́ Riti a ʋ bála máá zɩŋ nɛrɔ ná dɩhɩ̃́ ʋ há tʋ́mɛ́. Riti sɛ́: «Nɛrɔ ná baka mɛ́ ŋ zaa há kúúné yɩr nɛ́ Bʋazɛ.» 20 Ɛ́ nɛ́ Nawomi bʋlʋ́ biháálɔ rɩ́ bʋlɛ́: «Rɩ́ Nyuutɩna Wɩɩsɛ ná háá fa nɩwómme susu arɩ́wɔ́ ná wuu há sʋ́sɛ́ hóú nyúú bárka!» Ká Nawomi sɩɛ́ bɩ́rbʋl Riti ri bʋlɛ́: «Ɛ́ báálɔ kárá aŋbinɔ́ŋ rɛ́. Ʋ ká nɩɛ ná há wórá yɔwɛ aá la nɔ́ŋɔ nɛ́.» 21 Riti, mowabɛ tɩ́náwa toló sɩɛ́ baa súúri bʋlɛ́: ɛ́ báálɔ sɛ́ rɩ́ŋ ko aá kúúnú baka mɛ́ a kaá ja mɩ́ɛ́ kʋsɛ́ tenné. 22 Ɛ́ nɛ́ Nawomi sɩɛ́ bʋ́lʋ́ biháála Riti rí bʋlɛ́: «Ŋ toló, ʋ mɔhɔ̃́ rɩ́ɩ́ cɛ́ roŋ nɛ́ arɩ́rʋ́ tʋtʋŋháála, ká sɛ́ baka nɔ́ŋ mʋ́.» 23 Ɛ́ nɛ́ ʋ cɛ́ ɛ́ baka mɛ́ aá kuuni Bʋazɛ tʋtʋŋháála laka. Ʋ kúúní ɛ́ nɛ́ a kaa mʋ́ peri ɔ́rzɛ rɩ́ fúrómáŋ kʋŋtenné kɔ́ʋ́ rɩ́rʋ́ bála maa ná mɩŋ náŋá mɛ́ wuu.