Bɛŋzamɛ jɩmʋ́l bɩ́r sɔ́ɛ́ wɩ́ɛ́
21
1 Ɩzɩrayɛl nɩɛ fa há kúé a céŋ náŋá Misipa mɛ́, ɓa ŋmɩ́ɛ́sɔ́ bʋlɛ́: «A oro wuu wɩ́rá toló píí pá Bɛŋzamɛ nɛ́ŋ rʋ́ʋ́ já.» 2 Ɩzɩrayɛl nɩɛ ná ko Betɛl, a ké róŋ wi, a wi sɩ́mɩlɔ wérí Wɩɩsɛ sɩ́ɛ́, a kaá ja gbáánɛ. 3 Ká sɩɛ́ bʋ́lɛ́: «Nyuutɩna Wɩɩsɛ, Ɩzɩrayɛl Wɩɩsɛ, beé rí ká nabɔŋ wɩ́ɩ́ né>>» Zaa, Ɩzɩrayɛl jɩmʋ́l oro rí yʋ́ksɛ́. Beé rí sɩɛ́ tɛ>>» 4 Ʋ tɔ́ɔ́ há pʋ́lɛ́ cɩ́cʋɔ fól, Ɩzɩrayɛl nɩɛ ná sɔ́ koro ɛ́ dɩhɩ̃́, a ɔsɛ vʋk'fisé arɩ́ tɛŋfɩ́ɛ́l vʋka. 5 Ká bɔsɛ náŋá a bʋ́lɛ́: «Ɩzɩrayɛl jɩmʋ́ʋ́la ná wuu sɩɛrʋ, jɩmʋ́l orí rí wɩ Misipa kúé, rɩ́ɩ́ ké Nyuutɩna Wɩɩsɛ sɩ́ɛ́>>». Beé wɩ́ɛ́, ɓa fa cáásɔ́ ŋmɩ́ɛ́sɛ a bʋlɛ́ rɩ́ nɛrɔ ná há wɩ Misipa kúé, rɩ́ɩ́ ké Nyuutɩna Wɩɩsɛ sɩ́ɛ́, rɩ́ ɓa sɩ́ ɓʋ́ʋ́! 6 Ɩzɩrayɛl nɩɛ fɔ́wɔ́ maábináŋa Bɛŋzamɛ jɩmʋ́l nɩɛ susu a bʋlɛ́: «Zaa, jɩmʋ́l rɩ yʋ́ksɛ Ɩzɩrayɛl mɛ́. 7 Bee rí ráá a, ká rɩ Bɛŋzamɛ jɩmʋ́l nɩkáánɛ́ ná, ná háála ja>> Beé wɩ́ɛ́, á cáásɔ́ ŋmɩ́ɛ́sɛ Nyuutɩna Wɩɩsɛ sɩ́ɛ́ a bʋlɛ́, ráá wɩ́rá tolé píí pɔ́wɔ́ rɩ́wɔ́ ja.»8 Ká sɩɛ́ bɔ́sɛ náŋá bʋlɛ́: «Ɩzɩrayɛl jɩmʋ́ʋ́la ná sɩɛrʋ, orí rí wɩ Misipa kúé, rɩ́ɩ́ ké Nyuutɩna Wɩɩsɛ sɩ́ɛ́>>» Ɓa kɩ́ɛ́lɔ́ rɩ Yabɛsɛ há mɩŋ Galaadɛ dɩ́tɩ́llɛ mɛ́, nɛ́ŋ oro wuu to púl ná sɩɛrʋ. 9 Tɛ́ŋ ná mɛ́ ɓa fá há dɩ́ɩ́sɛ nɩɛ ná há kúé, rɩ Yabɛsɛ há mɩŋ Galaadɛ dɩtɩ́llɛ mɛ́, nɛ́ŋ balá má tɩɩ fa wɩ kúé. 10 Ɛ́ nɛ́ nɩkana ná tʋŋ báála bʋ́ɩ́ fí rí bɛllɛ (10 000), baŋcɩllɛ há pɩ́rɛ́, ká bʋ́lwɔ́ rɩ́ bʋlɛ́: «Ɩ́ mʋ́ ɓʋ́ʋ́sɛ Yabɛsɛ há mɩŋ Galaadɛ mɛ́ nɩɛ, ɓa háála arɩ́wɔ́ heŋbiisi! 11 Ɩ́ nóú ná ɩ́ há mɔhɛ̃́ rɩ́ɩ́wa a: Ɩ́ ɓʋ́ʋ́sɛ báála ná há ɛ̃ háála arɩ́ háála ná há ɛ̃ báála.» 12 Ɓa há mʋ́ɛ́ peri Yabɛsɛ há mɩŋ Galaadɛ dɩtɩ́llɛ mɛ́, ɓa ná tolé zɔwaná (400) há ha wɩ bál ɛ̃, a kɛ́sɩ́wɔ́ mʋ́wɔ́ púl Silo mí, Kanaŋ tíé.
13 Ɛ́ har mɛ́, nɩkana ná tʋŋ nɩɛ Bɛŋzamɛ jɩmʋ́l nɩɛ ná fa há mɩŋ Rɩmɔŋ bʋ́ɩ́ mɛ́, a bʋ́lɛ́ rɩ́wɔ́ mʋ́ bʋl pɔ́wɔ́ rɩ tɛŋfɩ́ɛ́l mɩŋwɔ́ pɛ́kɛ́. 14 Bɛŋzamɛ jɩmʋ́l nɩɛ ná há bɩrɛ a ko, ɓa pá Yabɛsɛ tolé ná ɓa há yo lal kɛ́sɛ a pɔ́wɔ́, amá ɓa wʋ́ɔ́ nɩɛ ná wuu péré.
15 Bɛŋzamɛ jɩmʋ́l nɩɛ susu kéŋ Ɩzɩrayɛl nɩɛ, beé wɩ́ɛ́ Nyuutɩna Wɩɩsɛ hé gbél rí Ɩzɩrayɛl jɩmʋ́ʋ́la sɩɛrʋ. 16 Nɩkana ná nɩhɩɛ̃́sɛ baa bʋ́lɛ́: « Ɛ́ rɛ́ɛ́ rɛ́, ráá a ká ná háála a pá nɩkáánɛ ná, beé wɩ́ɛ́ Bɛŋzamɛ nɩɛ háála wuu ní ɓa ɓʋ́ʋ́sɛ. 17 Ʋ wérí ní ká rɩ́ Bɛŋzamɛ nɩkáánɛ ná lʋl bɛlɛ, a makɛ rɩ́ jɩmʋ́l ná yɩr sɩ́ Ɩzɩrayɛl mɛ́ yʋ́ksʋ́.» 18 Taŋá, á é tɩɩ báá wɩ ŋmɛ́nɔ kené, ráá pi ráá tolé pɔ́wɔ́, beé wɩ́ɛ́ á ŋmɩ́ɛ́sɔ́ bʋlɛ́: “Ɩzɩrayɛl nɛ́ŋ ná wuu há sɩ́ púú toló pá Bɛŋzamɛ nɛrɔ, ʋ já wɩɩla cɩ́ɩ́nʋ́ tɩɩ.”»
19 Ɛ́ nɛ́ ɓa sɛ́: «Bɩná wuu Nyuutɩna Wɩɩsɛ cana mɩŋ Silo mí. Silo mɩŋ Betɛl wɩɩsɛ dɩpomí nɛ́gʋɔ rɩ́ nɛ́, a mɩŋ Lebona má wɩɩsɛ dɩpomí néduu rí, a cáásɛ ŋmɛ́nɔ ná há lɛ́ Betɛl aá mʋ́ Sɩsɛmɛ wɩɩsɛ dɩpomí rɩ́.» 20 Ɓa sɩɛ́ bʋl nyɛ Bɛŋzamɛ jɩmʋ́l nɩɛ rɩ́: «Ɩ́ mʋ́ zʋʋ féŋsi víínyíwa sɩɛrʋ 21 ká bíbel. Rɩ Silo tolé nɛ́ kúé a ciki haŋyé, rɩ́ɩ́wa de isi ko lɛ́. Rɩ́ nɛ́ŋ wuu bel ká toló, rɩ́ɩ́wa kaá bɩrɛ mʋ́ɩ́wa tíé, rɩ́wɔ́ ɛ́ɩ́wa háála. 22 Rɩ́ ɓa ánáwa ɛ́ rá má ɓa nánʋɔla nɛ́ kúé hé nɛsɛ á rɩ́, á sɩ́ bʋ́lwɔ́ rɩ́ bʋlɛ́: “Ɩ́ píí tá pɔ́wɔ́, beé wɩ́ɛ́ lal ná yoe ɔ́ɔ́ á wɩ háála néé pɔ́wɔ́ oro wuu. Ɩ́ rá wɩ́ɩ́wa tolé píé pɔ́wɔ́. Ɛ́ wɩ́ɛ́, nɛ́ŋ wɩ wuó bʋ́lɩ́wa zɔ́kɛ́ kíso.”»
23 Bɛŋzamɛ jɩmʋ́l nɩɛ ɓɩɛ́na tʋŋ ɛ́ nɛ́, ɓa nɩkáánɛ ná oro wuu ná háálɔ, tolé ná fa há lɩ́ɛ́ ciki haŋye Silo mí, ɓa sɩɛrʋ, a ka bɩrɛ mʋ́wɔ́ dɩ́tɩ́llɛ, a sɔ́wɔ́ tɔ́nɛ, a ké. 24 Ká Ɩzɩrayɛl nɩkáánɛ ná pɩsɛ náŋá mɛ́, nɛrɔ wuu mʋ́ʋ́ jɩmʋ́l sɩɛrʋ, a zʋ́ʋ́ duo nɩɛ sɩɛrʋ, a mʋ́ kénú tíé mí.
25 Ɛ́ tɛ́ŋ mɛ́, Ɩzɩrayɛl fa wɩ kuóro kené ká nɛ́ŋ wuu tʋ́tʋ́mʋ́ há có ná.