Adaŋ duo nɩɛ a kaa mʋ́ yakɛ Nowe mí
5
1 Ná Adaŋ duo nɩɛ naasɛ. Kal ná Wɩɩsɛ há á nɩbííno, ʋ ɔ́ʋ́ ʋ nɩɛsɛ Wɩɩsɛ nɛ́. 2 Ʋ á báálɔ rɩ́ háálɔ nɛ́, a hé bárka pɔ́wɔ́ ká pɔ́wɔ́ yɩr nɩbííne, tɛ́ŋ ná mɛ́ ʋ há ɔ́wɔ́.3 Adaŋ bɩŋsɛ zɔlɔ mɛrɛ́ rɩ́ fí nyúú mí, ʋ baa lʋ́l heŋbólé, ʋ de caasɛ lɔ́ʋ́ mɛ́ a nɩ́ɛ́sʋ́ tɩɩ, ʋ pɔ́ʋ́ yɩr Sɛtɛ. 4 Sɛtɛ lʋlɛ́ har mɛ́, Adaŋ ha dí bɩŋsɛ zɔlɔ córí, a ha lʋl heŋbólli rɩ́ tolé. 5 Adaŋ hiẽsó bɩŋsɛ wuu ní zɔlɔ nɛ́mɛ́ rɩ́ mɛrɛ́ rɩ́ fí, kɔ́ʋ́ sʋwɛ.
6 Sɛtɛ há kúé ka bɩŋsɛ zɔlɔ rɩ́ bɔmmʋ́ɔ́, ʋ lʋ́l Ɩnɔsɛ. 7 Ɩnɔsɛ lʋlɛ́ har mɛ́, Sɛtɛ ha dí bɩŋsɛ zɔlɔ córí rɩ́ balpɛ, a ha lʋl heŋbólli rɩ́ tolé. 8 Sɛtɛ hiẽsó bɩŋsɛ wuu ní zɔlɔ nɛ́mɛ́ rɩ́ fí rɩ́ bɛllɛ, kɔ́ʋ́ sʋwɛ.
9 Ɩnɔsɛ há kúé ka bɩŋsɛ mɛɛ́sɩbaná rɩ́ fí, ʋ lʋ́l Kenaŋ. 10 Kenaŋ lʋlɛ́ har mɛ́, Ɩnɔsɛ ha dí bɩŋsɛ zɔlɔ córí rɩ́ fí rɩ́ bɔmmʋ́ɔ́, a ha lʋl heŋbólli rɩ́ tolé. 11 Ɩnɔsɛ hiẽsó bɩŋsɛ wuu ní zɔlɔ nɛ́mɛ́ rɩ́ bɔmmʋ́ɔ́, kɔ́ʋ́ sʋwɛ.
12 Kenaŋ há kúé ka bɩŋsɛ mɛɛ́sɩbotoro rɩ́ fí, ʋ lʋ́l Mahalalɩɛl. 13 Mahalalɩɛl lʋlɛ́ har mɛ́, Kenaŋ ha dí bɩŋsɛ zɔlɔ córí rɩ́ mɛɛ́sɛllɛ, a ha lʋ́l heŋbólli rɩ́ tolé. 14 Kenaŋ hiẽsó bɩŋsɛ wuu ní zɔlɔ nɛ́mɛ́ rɩ́ fí, kɔ́ʋ́ sʋwɛ.
15 Mahalalɩɛl há kúé ka bɩŋsɛ mɛɛ́sɩbotoro rɩ́ bɔmmʋ́ɔ́, ʋ lʋ́l Yɛrɛdɛ. 16 Yɛrɛdɛ lʋlɛ́ har mɛ́, Mahalalɩɛl ha dí bɩŋsɛ zɔlɔ córí rɩ́ mɛrɛ́ rɩ́ fí, a ha lʋl heŋbólli rɩ́ tolé. 17 Mahalalɩɛl hiẽsó bɩŋsɛ wuu ní zɔlɔ córí rɩ́ mɛɛ́sɩbaná rɩ́ fí rɩ́ bɔmmʋ́ɔ́, kɔ́ʋ́ sʋwɛ.
18 Yɛrɛdɛ há kúé ka bɩŋsɛ zɔlɔ rɩ́ mɛɛ́sɩbotoro rɩ́ fí rɩ́ bɛllɛ, ʋ lʋ́l Ɩnɔkɛ. 19 Ɩnɔkɛ lʋlɛ́ har mɛ́, Yɛrɛdɛ ha dí bɩŋsɛ zɔlɔ córí, a ha lʋl heŋbólli rɩ́ tolé. 20 Yɛrɛdɛ hiẽsó bɩŋsɛ wuu ní zɔlɔ nɛ́mɛ́ rɩ́ mɛɛ́sɩbotoro rɩ́ bɛllɛ, kɔ́ʋ́ sʋwɛ.
21 Ɩnɔkɛ há kúé ka bɩŋsɛ mɛɛ́sɩbotoro rɩ́ bɔmmʋ́ɔ́, ʋ lʋ́l Matɩsalɛmɛ. 22 Matɩsalɛmɛ lʋlɛ́ har mɛ́, Ɩnɔkɛ válɔ́ arɩ́ Wɩɩsɛ bɩŋsɛ zɔtoro, a ha lʋl heŋbólli rɩ́ tolé. 23 Ɩnɔkɛ hiẽsó bɩŋsɛ wuu ní zɔtoro rɩ́ mɛɛ́sɩbotoro rɩ́ bɔmmʋ́ɔ́. 24 Ɩnɔkɛ rɩ́ Wɩɩsɛ válɔ́ wuu, kɔ́ʋ́ de isi nyɩ́ɩ́kɛ tɔ́ɔ́ mɛ́, bee wɩ́ɛ́ Wɩɩsɛ nɛ́ púú.
25 Matɩsalɛmɛ há kúé ka bɩŋsɛ zɔlɔ rɩ́ mɛɛ́sɩbaná rɩ́ balpɛ, ʋ lʋ́l Lɩmɛkɛ. 26 Lɩmɛkɛ lʋlɛ́ har mɛ́, Matɩsalɛmɛ ha dí bɩŋsɛ zɔwalpɛ rɩ́ mɛɛ́sɩbaná rɩ́ bɛllɛ, a ha lʋl heŋbólli rɩ́ tolé. 27 Matɩsalɛmɛ hiẽsó bɩŋsɛ wuu ní zɔlɔ nɛ́mɛ́ rɩ́ mɛɛ́sɩbotoro rɩ́ nɛ́mɛ́, kɔ́ʋ́ sʋwɛ.
28 Lɩmɛkɛ há kúé ka bɩŋsɛ zɔlɔ rɩ́ mɛɛ́sɩbaná rɩ́ bɛllɛ, ʋ lʋ́l bál. 29 Ʋ sɩɛ́ pɔ́ʋ́ yɩr Nowe, ká bʋ́lɛ́: «Tʋtʋ́ŋduoru ná á há kéŋ nɛ́sɛ tʋŋ tíé ná Nyuutɩna Wɩɩsɛ há zɔ́kɛ́ aá ná wɩɩla, bio né ní sɩ́ a ráá híẽ́síwó mí.» 30 Nowe lʋlɛ́ har mɛ́, Lɩmɛkɛ ha dí bɩŋsɛ zɔmʋ́ɔ́ rɩ́ mɛɛ́sɩbaná rɩ́ fí rɩ́ bɔmmʋ́ɔ́, a ha lʋl heŋbólli rɩ́ tolé. 31 Lɩmɛkɛ hiẽsó bɩŋsɛ wuu ní zɔwalpɛ rɩ́ mɛɛ́sɩbotoro rɩ́ fí rɩ́ balpɛ, kɔ́ʋ́ sʋwɛ.
32 Nowe há kúé ka bɩŋsɛ zɔmʋ́ɔ́, ʋ lʋ́l Sɛŋ rɩ́ Saŋ arɩ́ Zafe.