Ne–inaa k'achia k'îra t'ãdoo<R>oo amaa wãk'ãtù wãpataarã
5
1 Jõmaweda Tachi Ak'õre warrarãpa nãga ijãapata: Jesús, Cristo, ichi aù, Tachi Ak'õrepa pëida eperãarã rey pamerã. K'îsiadáma nãgùde. Tachia k'awa p'anù eperã abaapa awaraa eperã k'inia iru bak'ãri, ma eperã warrarã paara k'inia iru bapariit'ee. 2 Mãga bù ichiaba Tachi Ak'õre ome. Tachia Tachi Ak'õre k'inia iru p'anadak'ãri mãik'aapa oodak'ãri irua jara bùk'a, k'awa p'anù iru warrarã jida k'inia iru p'anadait'ee. 3 Oodak'ãri Tachi Ak'õrepa jara bùk'a, ak'ùpimaa p'anù wãara iru k'inia iru p'anù. Irua iidi–e bù oodamerã ne–inaa tachia p'oyaa oodak'aa. 4 Tachia oodai Tachi Ak'õrepa jara bùk'a, iru warrarã perã. Jõmaweda Tachi Ak'õre warrarãpa na p'ek'au eujãdepema k'achia k'îra t'ãdoo oo amaa wãk'ãtù wãpata, oo k'inia p'anapata perã irua jara bùk'a. Tachia ne–inaa k'achia mãgá oo amaadai Cristode ijãapata perã. 5 Mapa jaradai: “Tachia ijãadak'ãri Jesús Tachi Ak'õre Warra, irua k'aripapari tachia na p'ek'au eujãdepema ne–inaa k'achia jõma oo amaa wãk'ãtù wãdamerã.”Tachi Ak'õrepa jarada Jesús ichi Warra
6 Jesucristo na p'ek'au eujãdee chek'ãri, ak'ùpiji ichi Tachi Ak'õre Warra. Mãga ooji paniapa poro choopik'ãri mãik'aapa ichi waa bat'ak'ãri. Jesús, ichi aù, Cristo paji poro choopik'ãri paniapa mãik'aapa ichi waa bat'ak'ãri. Tachi Ak'õre Jaurépata ichiaba tachimaa k'awapipari Jesús Tachi Ak'õre Warra. Ma Jaurepa ichita wãarata k'awapipari. Maperã ijãa p'anù wãara Jesús Tachi Ak'õre Warra. 7 Mãpai jaradai nãgà ne–inaa õpeepa auk'a tachimaa k'awapi p'anù Jesús wãara Tachi Ak'õre Warra: 8 Tachi Ak'õre Jaurepa ma wãarata k'awapipari perã tachimaa; Jesupa ooda perã Tachi Ak'õrepa oopidak'a poro choopik'ãri paniapa mãik'aapa Jesupa ooda perã Tachi Ak'õrepa oopidak'a iru waa bat'ak'ãri. 9 K'îsiadáma nãgùde. Eperãarãpa charraarã k'îrapite ne–inaa jaradak'ãri, ijãapata mãùrãpa jara p'anù. Maperã audupùara ijãadaipia bù Tachi Ak'õrepa ne–inaa jarak'ãri, ichi jõmaarã k'ãyaara waibùara bapari perã. Ichia jaramaa bù Jesucristo ichi Warra ma jarada õpeepa. 10 Mapa chi Tachi Ak'õre Warrade ijãaparipa k'awa bù iru wãara Tachi Ak'õre Warra, Tachi Ak'õre Jaurépata ma eperã t'ãride mãga k'awapipari perã. Mamîda chi mãga ijãa–e bùpa jõmaarãmaa ak'ùpimaa bù ichi k'îsiade Tachi Ak'õrepa seewa jara bù. 11 Tachi Ak'õrepa jara bù tachia iru Warrade wãara ijãadak'ãri, ichita p'anapataadait'ee iru ome. 12 Mapa jaradai: “Chi Tachi Ak'õre Warrade wãara ijãapari ùt'aa wãit'ee. Mamîda chi Tachi Ak'õre Warrade ijãa–e bù ùt'aa wã–e pait'ee. Mãgà atuait'ee.”
Juanpa awaraa ûraa jarada
13 Mùa jõma jara aupada na k'art'ade p'ãji parã, Tachi Ak'õre Warrade ijãapataarã, k'awaadamerã wãara ichita p'anapataadait'ee Tachi Ak'õre ome.
14 Maperã tachi inejasia–ee ùt'aa iidipata Tachi Ak'õremaa. T'ãride k'awa p'anù tachia iidiruta pùrã Tachi Ak'õrepa ne–inaa oomerã ichia oo k'inia bùk'a eperãarã k'aripait'ee, tachia iidiruta irua ûriit'ee. 15 Ma awara k'awa p'anadairã irua ûripari mãgá iididak'ãri, ichiaba k'awa p'anù irua ooit'ee tachia iidi p'anùk'a.
16 Parãdepemapa unuru pùrã pù âpema Cristo k'aurepa ne–inaa k'achia oomaa bù, ùt'aa t'âipia bù ma âpema pari, Tachi Ak'õrepa iru chupùria k'awaamerã. Mãgá pùa ma âpema k'aripai, Tachi Ak'õrepa iru ùt'aa wãpimerã. Mãga ooi ma âpemapa oo bù pùrã ne–inaa k'achia, ma k'aurepa tachi atuapi–e. Mamîda ne–inaa k'achia paraa, ma k'aurepa tachi atuapipari. Irua mãgà oo bù pùrã, mùa parãmaa jara–e ùt'aa t'âdamerã iru pari. 17 Wãara eperãarãpa ooda–e p'anadak'ãri Tachi Ak'õrepa jara bùk'a, ne–inaa k'achia oomaa p'anù iru k'îrapite. Mamîda p'ek'au k'achia jõmaapa tachi atuapi–e.
18 K'awa p'anù Tachi Ak'õre warrarãpa p'ek'au k'achia oo amaa wãk'ãtù wãpata, Tachi Ak'õre Warra, Jesucristopa ãra k'aripapari perã. Irua ãra ak'ùpari Netuara Poro Waibùapa ãramaa ne–inaa k'achia oopinaamerã. 19 K'awa p'anù tachi Cristode ijãapataarã Tachi Ak'õredeerã. Jõdee apemaarã na p'ek'au eujãdepemaarã Netuara Poro Waibùa jua ek'ari p'anapata. 20 Ichiaba k'awa p'anù Tachi Ak'õre Warra na p'ek'au eujãdee cheji Tachi Ak'õre k'awapiit'ee tachimaa, mãgá k'awaadamerã k'aita wãara Tachi Ak'õre. Tachi ijãapataarã chaa t'ãri a–ba bapari ma wãara Ak'õre ome, t'ãri a–ba bapari perã iru Warra Jesucristo ome. Mãgùta wãara Tachi Ak'õre. Iru k'aurépata ùt'aa wãdait'ee. 21 Chi mãga ijãada–e p'anùùrã seewadeta ijãa p'anù. Ãchia ijãapata chi ne–inaa juapa ooda k'îrapite ùt'aa t'âpataarãk'a. Mapa ijãanáatù ãchik'a.
Mãgapai paji.