Sãga Cristode ijãapataarã<R>ijãadak'aa beerã awara p'anapataadaipia bù
3
1 K'irãpapíji jãpema ijãapataarãmaa ãra ichiaba p'anapata Creta isladepema poro waibùarã jua ek'ari. Maperã oodaipia bù mãgà poroorãpa oopi p'anùk'a. Ichita oo k'inia p'anadaipia bù ne–inaa pia awaraarã k'aripadait'ee. 2 Jaráji chîara ãpùte k'achia pedeenaadamerã mãik'aapa aupedeenaadamerã awaraarã ome. Ma k'ãyaara t'ãri pia p'anadaipia bù mãik'aapa pedee pia pedeedaipia bù jõmaarã ome. ¡Mamîda, audua p'anadaik'araa bù!3 Naaweda tachia Cristo k'awada–e p'anadak'ãri, k'achia p'anapachida. Oodaamaa p'anapachida Tachi Ak'õrepa jara pëidak'a. Atua p'anajida, seewa jara p'anùùpa tachi itu k'ûra p'anadap'edaa perã. Esclavoorãk'a p'anapachida, tachia oo k'iniata ne–inaa k'achia k'îra t'ãdoo oo nipapatap'edaa perã. T'ãri k'achia–idaa p'anapachida. Awaraarã unuamaa iru p'anapachida, ne–inaa iru p'anadap'edaa k'aurepa. Chik'îra unuamaa p'anapachida. 4 Mãgá p'anapachida mîda, Tachi Ak'õre, Tachi K'aripaparipa ichi warra tachimaa pëiji, tachi chupùria k'awaada perã. Peepiji tachi p'ek'au k'achia wêe p'aneedamerã. Mãgá k'awaapiji ichia tachi k'inia iru bù. 5 Ichiata tachi o k'achiadeepa k'aripa ataji atuanaadamerã. Mãga oo–e paji tachia ne–inaa t'ãri pia oopata perã. ¡Mãga–e! Tachi k'aripaji tachi chupùria k'awaada perã. Tachia p'ek'au k'achia oopatap'edaa wêpapiji mãik'aapa ichi Jaure ba chepiji tachi k'ap'ùade. Tachi piu pùk'a p'anajida mîda p'ek'au k'achia k'aurepa, irua waya chok'ai p'anapiji ichi Jaurepa. Mãga oop'eda, tachi p'aneejida warra chai ewaa t'odak'a mãik'aapa paniade k'uipidak'a. 6 Tachi Ak'õrepa ichi Jaure ba chepik'ãri tachimaa, pania waibùa pùk'a weeji tachi k'ap'ùa ârù.a Mãga ooji Jesucristopa tachi o k'achiadeepa k'aripa atak'ãri. 7 Ârá Tachi Ak'õrepa jarai: “Mù Warra piuda k'aurepa parã p'ek'au k'achia wêe p'anù mù k'îrapite.” Tachi Ak'õrepa mãga ooji t'ãri pia bapari perã. Tachia ne–inaa pia p'oyaa oodak'aa irua tachi chupùria k'awaamerã. Ma awara eperã piuda net'aa ome beeruk'a, mãga pùk'a tachi, Tachi Ak'õre warrarã p'aneeruta Cristo k'aurepa. Mapa k'awapata piudak'ãri, wãara ùt'aa wãdait'ee.
Titomaa ûraada
8 Mùa et'ewa p'ãda wãarapù. Maperã mãgà ûraa ip'ii jarateeipia bù ijãapataarãmaa, mãga ûridak'ãri, ne–inaa pia k'îra t'ãdoo oo p'anadamerã. Mãga oodak'ãri, eperãarã jõmaweda k'aripadait'ee, Tachi Ak'õrepa k'inia bùk'a. 9 Mamîda Tito, pariatua aupedeeyaa baik'araa bù audua beerã ome ãchi chonaarãwedapema ëreerã k'ap'ùa. Ichiaba t'îuik'araa bù nepùra jùrù p'anùùrã ome, ãchi aupedeeyaa p'anadak'ãri Moisepa p'ãda jara k'inia bù k'ap'ùa. K'îrak'aupai t'îu mãgee ik'achia pedeepataarã ome. Mãgee ne–inaa ooruta pùrã, maarepida k'aripada–e. 10 Eperãpa ijãapataarãmaa k'îraupik'ãri, tachi ijãapataarã awara–awaraadaipata. Mãgee eperã parã t'ãide paraa pùrã, k'îra jîp'a ûráaji mãgà k'achia oo amaamerã. Ûri k'inia–e bù pùrã, waya ûráaji. Mãga ûraap'eda, at'ãri ûriamaa bù pùrã, ijãapataarã t'ãide waa t'îupináatù. 11 Mãgee eperãarã ne–inaa k'achia oomaa p'anù, ijãa amaadaruta perã Tachi Ak'õrepa wãarata jara pëida. Jõmaarãpa k'awapata ãchi k'achia uchiadait'ee Ak'õre k'îrapite, ûridaamaa p'anapata perã.
Pablopa na k'art'ade t'êepai p'ãda
12 Tito, mùa Artemas maa–e pùrã Tíquico pùmaa pëiit'ee. Jãma panak'ãri, p'oyaa bù pùrã, isapai wåji Nicópolis p'uurudee mù k'îrachuude. Mù jãma banait'ee p'usa t'ojara bù misa. 13 Abogado t'âjarapata Zenas, Apolo ome jãmãik'aapa uchiadak'ãri, k'aripáji nejõmaade pia wãdamerã ãchi ode. 14 Mãgá tachi âpemaarã jãma p'anùùrãpa ip'ii pia oodaipia bù awaraarã k'aripadait'ee mãik'aapa chupùria chedeerã k'aripadait'ee chik'o, p'aru iru p'anadamerã. Mãga oodaipia bù pariatua p'anapataadai k'ãyaara, apida k'aripada–ee.
Pablopa awaraarã ome salude pëidap'edaa
15 Jõmaweda ijãapataarã nama mù ome p'anùùrãpa pùmaa salude pëiruta. Taipa ichiaba salude tee pëiruta tai k'õp'ãyoorã Cristo k'aurepa k'iniarãmaa. Mùa ùt'aa iidi bù Ak'õremaa irua parã jõma pia ak'ù bapariimerã.
Mãgapai paji.