4
1 Jesucristo Tachi Rey Waibùa. Iru cheit'ee ichideerã atade. Cheit'ee eperãarãpa oopatap'edaa ak'ùde, jarait'ee pia wa k'achia. Mãga ooit'ee piudap'edaarã ome mãik'aapa ma ewate chok'ai p'anùùrã ome. Ichi k'îrapite mãik'aapa Tachi Ak'õre k'îrapite mùa jara bù: 2 Jaratéeji Tachi Ak'õrepa jara pëida Jesucristo k'ap'ùa pari. Mãga óoji pùa jaratee bù ûri k'inia p'anadak'ãri mãik'aapa ûri k'iniada–ee p'anù pùjida. Eperãarãpa ne–inaa k'achia oodak'ãri, mãga k'awaapíji ãchimaa. Ichiaba ûráaji ma k'achia oo amaadamerã mãik'aapa oodamerã Cristopa oopi bùk'a. Ichita jaratéeji t'ãri pia, k'îrau–ee. 3 Ewari cherude eperãarãpa ûraa pia jõmaweda ûridaamaa p'anadait'ee. Ma k'ãyaara jùrùdait'ee ãchia ûri k'iniata jaratee p'anù. Mãgá k'awaadait'ee eperãarãpa jaratee p'anù k'îra t'ãdoo. Mamîda ãchia oo k'iniata oodait'ee. 4 Wãarata ûri k'inia p'anadai k'ãyaara, chonaarãwedapema cuento nepùrùpatap'edaata ûri k'inia p'anadait'ee. 5 Pù, jõdee, ichita k'îra jîp'a báji. Waaweenáaji mia nâbait'ee Cristo k'aurepa. Pùchi wãrumaa jaratéeji Cristopa ooda eperãarã o k'achiadeepa k'aripa atait'ee. Jõma óoji Tachi Ak'õrepa oopi bùk'a ichi mimiapataarãmaa.6 Mùa mãga jara bù taarã–e nùde mù wê–e pait'ee perã. Ara vino jõdaiparik'a altarde weedak'ãri Tachi Ak'õre–it'ee, mãga pùk'a mù jõit'ee. Ara barco uchiaparik'a to ideepa jâk'ara êrat'aadak'ãri, mãga pùk'a mù uchiait'ee na p'ek'au eujãdeepa. 7 Mamîda mùa k'îsia–e, nama bak'ãri, pia oopachi perã p'iraparipa ooparik'a jîp'a p'irak'ãri tauchaa bùdap'edaamaa, awaraarã p'oyaa k'iniapa. Jîp'a oopachi Cristopa mùmaa oopi bùk'a. Ma awara p'irapari naapùara panarupa p'oyaaparik'a, mãga pùk'a mùa p'oyaaru, ooji perã jõma Tachi Ak'õrepa k'îsia iru bada mùa oomerã ichi–it'ee. 8 Ârá p'irapari naapùara panarupa poro jâra ataparik'a, mãga pùk'a mùa atait'ee Tachi Waibùapa k'îsia iru bù mùmaa teeit'ee. Iru tachi ak'ùpari pipùara bairã, ne–inaa pia teeit'ee irua oopi bùk'a oodap'edaarãmaa. Mãga ooit'ee Ak'õre ewari waibùa ewate. Mùmaa aupai ma ne–inaa pia tee–e pait'ee. Jîp'a mãga teeit'ee jõmaweda iru cheru nùmaa p'anùùrãmaa, iru k'inia iru p'anapata perã.
Pablopa ûraa jarada Timoteopa oomerã
9 Taarã–ee chéji mùmaa. 10 Demapa mù atabaibëiji wãit'ee Tesalónica p'uurudee, na p'ek'au eujãdepema ne–inaa audú k'inia bairã. Ma awara Crescente wãji Galacia eujãdee mãik'aapa Tito wãji Dalmacia eujãdee. 11 Lucas aupai nama bù mù ome. Pù chek'ãri, Marcos atanáji pù ome chemerã. Irua mù k'aripai nama mimia bù misa Tachi Ak'õre–it'ee. 12 Mùa Tíquico pëiji Éfeso p'uurudee. 13 Pù chek'ãri, anéeji mù ârùpema p'aru jâpari. Mùa mãgà atabëiji Carpo tede Troas p'uurude nipak'ãri. Ichiaba anéeji mù libro jõmaweda, chi ne–animal ede p'ãda paara.
14 Alejandro, chi ne–inaa metaldee oopari, mùmaa ne–inaa k'achia ooji. Tachi Ak'õrepa mãga k'awa bù mãik'aapa ichiata k'awa bù sãga ooi iru ome, ma k'achia ooda pari. 15 K'îrak'aupai jãgà eperã ome. Jãgùpa apidaamaa ûripiamaa bù tachia jarateepata pedee.
16 Naapùara mù ateedak'ãri Romadepema poro waibùarã k'îrapite p'anaumerã mù ùmùateedap'edaa, eperã apidaapa mù k'õp'ãyaada–e paji k'aripadait'ee. Jõma mù k'õp'ãyoorã nama p'anadap'edaarãpa mù ituaba atabaibëijida. Taawa Tachi Ak'õrepa miapi–e pai, ãchia oodap'edaa pari. 17 Ãchia mù mãgá atabëijida mîda, Tachi Waibùa Jesucristopa mù k'aripa baji. Mùmaa jarapiji jõmaweda ichia ooda eperãarã k'aripait'ee, arii p'anadap'edaa ijãadak'aa beerã jõmaarãpa Tachi Ak'õrepa jara pëida pia k'awaadamerã. Mãgá ma ewate Ak'õrepa mù chok'ai uchiapiji ãchi juadeepa. León it'aideepa eperã chok'ai uchiak'ajik'a, mãga pùk'a mù uchiaji. 18 Wãara, Tachi Waibùapa mù uchiapiit'ee jõmaweda k'achia beerã juadeepa mãik'aapa mù jaure jâait'ee, iru truadee wãru misa. ¡Jesucristo, chi Tachi Ak'õre k'îra wãree unupipari, ichita bapari! ¡Amén!
Awaraarãmaa salude pëida
19 Mùa salude pëiru Priscilamaa Áquila ome. Ichiaba Onesiforodeerãmaa salude pëiru. 20 Mù nama chewãde awaraa k'õp'ãyoorã ome, Erasto beeji Corinto p'uurude. Jõdee mùa Trófimo bëiji Mileto p'uurude, iru k'ayaa bada perã. 21 K'inia bù pù chemerã, p'usa t'ojara pai naaweda.
Ichiaba salude pëiruta Eubulo, Pudente, Lino, Claudia, jõmaweda tachi âpemaarã Cristo k'aurepa ome.
22 Mùa ùt'aa iidi bù Tachi Waibùa Jesucristopa pù k'aripamerã mãik'aapa parã jõmaweda pia ak'ù bapariimerã.
Mãgapai paji.