Sisac Jerusalende chõo cheda
(1 Reyes 14.21-31)
12
1 Reboán rey beek'ãri, iru jõmaweda israelitaarã ome Tachi Ak'õre ley p'ãdade ijãa amaa p'aneejida 2 mãik'aapa awaraa ak'õre waibùa apatade ijãa p'aneejida. Maperã Reboán año joisomaa rey bùde Egiptodepema rey Sisac chõo cheji Jerusalende. 3 Cheji mil doscientos carreta ome, sesenta mil caballoorã ârù wãpataarã mãik'aapa awaraa soldaorã chok'ara: libiorã, suquierã, cusitaarã ome; chedap'edaa iru ome Egiptodeepa. 4 Sisacpa Judá eujãdepema p'uuru murallapa t'ùak'au beeda paara p'oyaa wãji Jerusalén p'uuru parutamaa.5 Mãga nùde Tachi Ak'õre pedee jarapari Semaías pacheji Reboán k'îrapite mãik'aapa Judadeepa uchiadap'edaarã poro waibùarã chip'edap'edaa k'îrapite Jerusalende. Mãgaji:
—Nãga jara bùda aji, Tachi Ak'õre: “Parãpa mù atabaibëidap'edaak'a ârá mùa parã atabaibëiit'ee, Sisac juade baaidamerã.”
6 Mãga ûridak'ãri, ma israelitaarã poro waibùarã rey ome @audua–ee p'aneedap'eda, mãgajida:
—¡Tachi Ak'õrepa ne–inaa pia oomaa bùda! ajida.
7 Tachi Ak'õrepa unuk'ãri wãara audua–ee p'aneedap'edaa, Semaiamaa waya jaraji: “Ãra wãara audua–ee p'anadairã, jõpi–e pait'eeda aji. Taarã–e ãra uchiapiit'ee Sisac juadeepa. K'inia–e irua mù p'uuru Jerusalén audú miapimerã. 8 Mamîda ichiak'au bùit'ee irua ãra p'oyaamerã. Mãgá k'awaadayada aji, piara bù mù jua ek'ari p'anapataadait'ee awaraa reyrã jua ek'ari p'anapataadai k'ãyaara.”
9 Maap'eda Egiptodepema rey Sisacpa Jerusalén p'uuru p'oyaaji mãik'aapa net'aa pia Tachi Ak'õre tede bada mãik'aapa rey palaciode bada ichi eujãdee p'e ateeji. Net'aa pia jõmaweda ateeji, Salomonpa escudo nêedee oopida paara. 10 Ma t'êepai Roboanpa escudo awaraa oopiji ma pari, mamîda jã escudo broncedee oopiji. Jã escudo bùji ichi palacio ak'ùpataarã jua ek'ari, ãchia pia ak'ùdamerã. 11 Rey wãda chaa Tachi Ak'õre tedee ma ak'ùpataarãpa rey escudo auk'a ateepachida. T'êepai waya bùjida chi jâa paraa badamãi.
12 Reboán audua–ee beeda perã mãik'aapa Judá eujãde ne–inaa pia at'ãri unuda perã, Tachi Ak'õre waa k'îrau–ee baji ma eujãdepemaarã ome mãik'aapa ãra jõpi–e paji. 13 Mãgá Roboán rey beeji Jerusalende. Chi nawe amonita pida paji t'âjarapatap'edaa Noamá.
Reboán rey beek'ãri, cuarenta y un año iru baji. Diecisiete año wãyaarude ichia Judadeepa uchiadap'edaarã eujãdepemaarã ak'ùpachi Jerusalén p'uurudeepa. Ma p'uuru Tachi Ak'õrepa jùrùt'eraji apema Israeldeepa uchiada ëreerã eujãdepema p'uuru k'ãyaara, ichi mama bapariit'ee ada perã. 14 Mamîda Reboán rey bùde Tachi Ak'õre k'îrapite ne–inaa k'achia oopachi t'ãripa Tachi Ak'õre k'await'ee jùrù–e pada perã.
15 Awaraa ne–inaa ooda rey Roboanpa, iru rey beedak'ãriipa jai–idaarumaa, jura chõoda paara Jeroboán ome, ma jõma unupata Tachi Ak'õre pedee jarapari Semaiapa p'ãdade mãik'aapa ne–inaa unupari Idopa p'ãdade.
16 Reboán piuk'ãri, ùajida iru chonaarã ùadap'edaamãi David p'uurude. Piup'eda, chi warra Abías rey paji.