5
1 Ma mimia Salomonpa oopida jõmaweda aupadak'ãri mãik'aapa Tachi Ak'õre te aupadak'ãri, ma temaa Salomonpa ateeji ichi ak'õre Davidpa iru bada nêe, p'arat'a mãik'aapa awaraa net'aa irua awara bùda Tachi Ak'õre te–it'ee, mama ùa bùdamerã net'aa pi–ia ùa bùdap'edaamãi.Tachi Ak'õre baaltek'a bù aneedap'edaa
(1 Reyes 8.1-11)
2 Maap'eda t'â pëiji israelitaarã poro waibùarã: Israeldeepa uchiadap'edaarã poro waibùarã mãik'aapa mãùrãdeepa uchiadap'edaarã ëreerã chaadepema poro waibùarã, chedamerã iru k'îrapite Jerusalende. K'inia baji ãrapa k'aripadamerã Tachi Ak'õre baaltek'a bù aneedak'ãri David p'uuru, Siondeepa Tachi Ak'õre temaa. Ma baaltek'a bù k'aurepa israelitaarãpa k'irãpadait'ee Tachi Ak'õrepa pacto ooda ãra ome. 3 Mãgá atane sietedepema fiesta oo p'anùde israelitaarã cheepurujida Salomón k'îrapite. 4 Jõmaweda israelitaarã poro waibùarã chejida. Mãpai Levideepa uchiadap'edaarãpa ma baaltek'a bù jira atajida. 5 Ãrapa ateejida ma baaltek'a bù mãik'aapa Tachi Ak'õre ome unupata te ne–edee ooda, jõmaweda ma tedepema net'aa Tachi Ak'õre–it'ee awara bùdap'edaa ome. 6 Tachi Ak'õre tede pachedak'ãri, rey Salomonpa mãik'aapa israelitaarã iru ome p'anadap'edaarãpa ne–animalaarã peejida ma baaltek'a bù k'îrapite paapidait'ee altar choma te taawa badade. Ovejaarã mãik'aapa p'ak'a ùmùk'îraarã cho–k'ara peejida Tachi Ak'õre–it'ee. P'oyaa juasiada–e paji audú chok'ara padap'edaa perã. 7 Ma t'êepai p'aareerãpa Tachi Ak'õre baaltek'a bù ateejida teedaa bùdait'ee edupùara bù cuarto Tachi Ak'õre–it'ee awara bùdap'edaade. Ma baaltek'a bù k'aurepa israelitaarãpa k'irãpadait'ee Tachi Ak'õrepa pacto ooda ãra ome. Mapa bùnajida ma querubink'a bee isia t'õbaidap'edaa ek'ari. 8 Mãgá ma querubink'a bee isia eratù jõnùpa wãk'ajida Tachi Ak'õre baaltek'a bù, chi pak'uru teesoo aù bùde bada paara. 9 Ma pak'uru Tachi Ak'õre baaltek'a bù bidepema argollade t'ù bùdap'edaa audú teesoo p'anadap'edaa perã, chi k'â unupachida taawapema cuartodeepa, awara bùda Tachi Ak'õre net'aa–it'ee. Mamîda ma cuarto taawaik'a eereepa p'oyaa unudak'aa paji. At'ãri mãga bù. 10 Ma baaltek'a bù edajãde Tachi Ak'õrepa ley Moisemaa p'ãpida mãude; ma mãu aupai ùa iru p'anapachida. Israelitaarã Egipto eujãdeepa uchiadap'eda, Horeb eede p'anadak'ãri, Tachi Ak'õrepa pacto ooji ãra ome. Maap'eda Moisepa ma p'ãda ùa bùji ma baaltek'a bùde.
11 Ma p'aareerãpa Tachi Ak'õre baaltek'a bù edupùara bù cuartode bùdap'eda, taawapema cuartodeepa uchiajida. Aù naaweda mama p'anadap'edaa p'aareerã jõmaarãpa ne–inaa jõma oojida ãchia oopatap'edaak'a Tachi Ak'õre tede mimiadait'ee pak'ãri. 12 Mãga nùde te taawapema altar oriente eere Levideepa uchiadap'edaa k'aripataarã: Asaf, Hemán, Jedutún ãchi warrarã mãik'aapa awaraa ëreerã bainâ p'anajida. P'aru linodee ooda jâ p'anajida mãik'aapa iru p'anajida címbalo, arpa mãik'aapa lira chaadait'ee. Ãra ome ciento veinte p'aareerã trompeta chaa k'awaa beerã p'anajida.
13 Ma trompeta chaapataarã, címbalo chaapataarã mãik'aapa awaraa net'aa chaapataarã k'aripataarã ome o–îapa k'aripachida mãik'aapa ùt'aa t'âpachida, Tachi Ak'õremaa gracias jara p'anù misa. Mãùmisa otau aba pùk'a nãga k'aripachida: “Tachi Waibùa t'ãri pia bapari. Tachi ichita k'inia iru bapari.” Mãgá k'ari p'anùde jâararapa Tachi Ak'õre te ipurudachi. 14 Mãga beek'ãri, ma jâarara k'aurepa p'aareerãpa p'oyaa ooda–e paji ãchia oopatap'edaak'a Tachi Ak'õre tede, Tachi Ak'õre k'îra wãreepa ma te ipurudaida perã.