Israeldeepa uchiadap'edaarã
(Génesis 35.22-26)
2
1 Nãgùùrã paji Israel warrarã: Rubén, Simeón, Leví, Judá, Isacar, Zabulón, 2 Dan, José, Benjamín, Neftalí, Gad mãik'aapa Aser.Judadeepa uchiadap'edaarã
3 Judá warrarã paji: Er, Onán mãik'aapa Selá. Ma warrarã nawe Súaj k'au paji. Ichi cananeo paji. Mamîda Judá warra naapema, Erpa ne–inaa k'achia ooji Tachi Ak'õre k'îrapite. Mapa Tachi Ak'õrepa iru piupiji. 4 Judapa chi ãigu Tamar ome warrarã omé ooji; Fares mãik'aapa Zera. Mãgá Judapa warra joisomaa ooji.
5 Fares warrarã paji: Jezrón mãik'aapa Jamul. 6 Zera warrarã joisomaa paji: Zimri, Etán, Hemán, Calcol mãik'aapa Dardá.
7 Zimri warra Carmí paji. Carmí warra Acar paji. Mãgùpa israelitaarã k'achiade baaipiji ichi–it'ee atak'ãri net'aa Tachi Ak'õrepa jarada atanaadamerã. 8 Etán warra Azarías paji.
9 Jezrón warrarã paji: Jeramel, Ram mãik'aapa Quelubay.
10 Ram warra Aminadab paji. Aminadab warra Naasón paji. Mãgà Judadeepa uchiadap'edaarã poro waibùa paji. 11 Naasón warra Salmón paji. Salmón warra Booz paji. 12 Booz warra Obed paji. Obed warra Isaí paji. Mãgà ichiaba t'âjarapachida Isaí. 13 Isaí warra naapema Eliab paji; aù eerepema Abinadab; aù eerepema Simá; 14 aù eerepema Natanael; aù eerepema Raday; 15 aù eerepema Ozén; aù eerepema David. 16 Mãùrã âpewêraarã paji: Sarvia mãik'aapa Abigaíl. Sarviapa warrarã õpee t'oji: Abisay, Joab mãik'aapa Asael. 17 Abigaíl warra Amasá paji. Mãgà ak'õre Ismaeldeepa uchiada, Jéter paji.
18 Jezrón warra Calebpa warrarã ooji chi wêraarã Azuba ome mãik'aapa Jeriot ome. Ma warrarã t'âjarapachida: Jéser, Sobab mãik'aapa Ardón. 19 Caleb wêra Azuba jai–idaak'ãri, wêra awaraa ataji. Mãgà t'âjarapachida Efrata. Iru ome warra aba ooji. T'â bùjida Jur. 20 Jur warra Uri paji. Uri warra Bezalel paji.
21 Jezrón sesenta año iru bak'ãri, Maquir k'au ome miak'ãiji. Ma Maquir warra Galaad paji. Ma wêra ome Jezronpa warra aba ooji. T'â bùjida Segub. 22 Segub warra Yaír paji. Yairpa p'uuru veintitrés iru baji ichi jua ek'ari Galaad eujãde. 23 Mamîda Guesur mãik'aapa Aram chõojida Yaír ome, Quenat ome. Mãgá mãùrã jua ek'ari sesenta p'uuru p'anadap'edaa jãri atajida. Ma p'uurudepemaarã Galaad ak'õre Maquirdeepa uchiadap'edaarã paji.
24 Jezrón piuda t'êepai Caleb Efrata p'uurude, chi wêra Abiapa warra t'oji. T'â bùji Asur. Asur warra Tecoa paji.
25 Jezrón warra naapema Jeramel paji. Mãgà warrarã paji: chi naapema, Ram, Buná, Orén, Ozén mãik'aapa Ahías. 26 Jeramel awaraa wêra, Atará ome miak'ãip'eda, mãgà ome awaraa warra ooji. T'â bùjida Onam.
27 Jeramel warra naapema Ram paji. Mãgà warrarã paji: Maaz, Jamín mãik'aapa Équer. 28 Onam warrarã paji: Samay mãik'aapa Yada.
Samay warrarã paji: Nadab mãik'aapa Abisur. 29 Abisur wêra Abijailpa nãgà warrarã t'oji: Ajbán mãik'aapa Molid.
30 Nadab warrarã paji: Séled mãik'aapa Apayin. Séled warra wêe piuji. 31 Apayin warra Isí paji. Isí warra Sesán paji. Sesán warra Ajlay paji.
32 Samay âpema Yada paji. Iru warrarã paji: Jéter mãik'aapa Jonatán. Jéter warra wêe piuji. 33 Jonatán warrarã paji: Pélet mãik'aapa Zazá.
Ma jõmaarã Jerameldeepa uchiajida.
34 Sesanpa warra oo–e paji. K'aurã aupai ooji. Mamîda ichia Egiptodepema esclavo iru baji; t'âjarapatap'edaa Yarjá. 35 Mãgùmaa k'au aba teeji miak'ãimerã. Ma wêrapa warra aba t'oji. T'â bùjida Atay. 36 Atay warra Natán paji. Natán warra Zabad paji. 37 Zabad warra Eflal paji. Eflal warra Obed paji. 38 Obed warra Jehú paji. Jehú warra Azarías paji. 39 Azarías warra Heles paji. Heles warra Elasá paji. 40 Elasá warra Sismay paji. Sismay warra Salún paji. 41 Salún warra Jecamías paji. Jecamías warra Elisama paji.
Calebdeepa uchiadap'edaarã
42 Jeramel âpema Caleb warrarã nãgùùrã paji: chi warra naapema Mesá mãik'aapa aù eerepema Maresá. Mesá warra Zif paji. Maresá warra Hebrón paji. 43 Hebrón warrarã paji: Coré, Tapúaj, Requen mãik'aapa Semá. 44 Semá warra Raham paji. Raham warra Jorcoán paji. Requen warra Samay paji. 45 Samay warra Maón paji. Maón warra Betsur paji.
46 Caleb wêra k'ãiparii Efá paji. Ichia nãgà warrarã t'oji: Jarán, Mosá mãik'aapa Gazez. Jarán warra Gazez paji.
47 Yaday warrarã paji: Reguen, Jotán, Guesán, Pélet, Efá mãik'aapa Sagaf.
48 Awaraa Caleb wêra k'ãiparii Macá paji. Ichia nãgà warrarã t'oji: Séber, Tirjaná 49 mãik'aapa Sagaf. Sagaf warra Madmana paji. Macapa ichiaba Seva t'oji. Seva warrarã paji: Macbena mãik'aapa Guibeá. Calebpa ichiaba wêra k'au ooji. T'â bùjida Acsa.
50-51 Nãgùùrã paji Calebdeepa uchiadap'edaarã.
Caleb wêra Efrata warra naapema Jurpa nãgà warrarã ooji: Sobal, Salmá mãik'aapa Jaref. Sobal warra Quiriat Yearín paji. Salmá warra Belén paji mãik'aapa Jaref warra Bet Gader paji.
52 Quiriat Yearín ak'õre Sobalpa awaraa warra ooji: Haroé. Madeepa manajatitaarã esa–auk'a uchiajida. 53 Jõdee Quiriat Yearindeepa uchiajida: itritaarã, futitaarã, sumatitaarã mãik'aapa misraitaarã. Ma misraitaarãdeepa uchiajida zoratitaarã mãik'aapa estaolitaarã.
54 Salmá warra Belén paji. Irudeepa uchiajida: netofatitaarã, Atrot Bet Joab, apema manajatitaarã esa–auk'a, zoreitaarã 55 mãik'aapa p'ã k'awaa p'anadap'edaarã. Mãgùùrã Jabés eujãde p'anapachida. Mãgùùrã paji: tirateorã, simateorã mãik'aapa sucateorã. Mãgùùrã quenitaarã apachida. Mãgùùrã Jamatdeepa uchiajida. Iru Recab ëreerã ak'õre paji.