<<    <     GEN     39     >    >> 
José Potifar wêra ome
39
1 Madián pidaarã José atadap'edaarãpa netot'aajida Egiptodepema Potifarmaa. Ma Potifar Faraón jâapataarã poro waibùa paji. 2 Mãgá netot'aajida mîda, Tachi Ak'õre José ome baji. Maperã ma Egipto pida tede pia bapachi. 3 Potifarpa k'awaaji Tachi Ak'õrepa José pia ak'ù bada mãik'aapa k'aripa bada. 4 Mapa José ome t'ãri o–îa beeji mãik'aapa ichi esclavoorã poro waibùa bùji. Ichi net'aa jõmaweda José jua ek'ari bùji ak'ù bamerã. 5 Maadamãiipa Tachi Ak'õrepa Potifar net'aa pia ak'ùji; teedapema net'aa, p'uurudeepa taawapema net'aa paara. 6 Ma awara José k'aurepa Potifar maarepida k'îsia nâbak'aa paji; ichi nek'oit'ee bùdepai k'îsiapachi. K'ãiwee bapachi.
José k'ap'ùa âdaa, k'îra wãree baji. Mapa jõmaarãpa iru t'o p'anajida.
7 Taarã–e nùde Potifar wêrapa ichi taumaa paji. Ewari aba ichia Josemaa mãgaji:
—Mù ome k'ãipáde aji.
8 Mamîda Josepa mãgaji:
—Mãga–eda aji. Mù chiparipa ichi net'aa jõmaweda atabëijida aji, mùa ak'ù bamerã, mù nama bùde irua k'îsianaamerã. 9 Pù aupai mù jua ek'ari bù–e paji, pù ichi wêra perã. ¿Sãgá mùa k'achia ooyama aji, Potifar ãpùte mãik'aapa Tachi Ak'õre k'îrapite?
10 Mãga bapachi Potifar wêra José ome. Mamîda José p'ek'au oo–e paji iru ome.
11 Ewari aba José wãji teedaa mimia oode. Eperãarã wê–e pada perã, 12 Potifar wêrapa José p'arude jita ataji mãik'aapa mãgaji:
—¡Mù ome k'ãipáde! aji.
Aramata José p'ira uchiadachi. Mamîda chi p'aru ma wêra juade baibeeji.
13 Potifar wêrapa mãga unuk'ãri, 14 ichi mimiapataarã t'âji mãik'aapa mãgaji:
—Jã hebreo, mù ùmùk'îrapa aneedapa, tachi oo iru bùda aji. K'ãi k'inia baji mù ome. Mamîda mù golpe biaji. 15 Mãga ûrik'ãri, aramata p'ira uchiadachi mãik'aapa ichi p'aru nama atabaibeejida aji.
16 Mãpai ma wêrapa José p'aru ùa bùji chi ùmùk'îra cheru misa. 17 Potifar pachek'ãri, auk'a nepùrùji:
—Jã esclavo hebreo pùa aneeda mù cuartode t'îujida aji, mù ome k'ãiit'ee. 18 Mamîda mù golpe biak'ãri k'aripa chedamerã, ichi p'ira uchiadachi mãik'aapa chi p'aru nama atabaibeejida aji. 19 Pùchi esclavopa mãga oojida aji.
Mãga ûrik'ãri, Potifar k'îraudachi José ome. 20 Mãpai José atapip'eda, jaraji carcelde t'ù nâbùnadamerã, reypa preso pëiparimãi.
21 José mãgá carcelde banaji mîda, Tachi Ak'õre iru ome baji. Mama bùde Tachi Ak'õrepa k'aripaji chi carceldepema poro waibùapa José pia ak'ùmerã. 22 Maperã mãgùpa apemaarã carcel pidaarã mãik'aapa mimia mama oopatap'edaa jõmaweda José jua ek'ari bùji. 23 Mãga nùde ma carceldepema poro waibùapa maarepida k'îsiak'aa paji Josepa ooda jõma pia uchiapachi perã, Tachi Ak'õrepa k'aripap'eda.