José chi âpemaarã ome
37
1 Jacob ichi te pidaarã ome p'aneejida Canaán eujãde; chi ak'õre bapariida eujãde. 2 Nãga p'anapachida Jacob ichideerã ome.Chi warra José diecisiete años iru bak'ãri, Jacob ovejaarã ak'ùpachi chi âpemaarã Jacob wêra k'ãipari Bilhadeepa mãik'aapa Zilpadeepa uchiadap'edaarã ome. Maapai Josepa chi ak'õremaa jarak'oopachi chi âpemaarãpa ne–inaa k'achia oodap'edaa.
3 Israelpa José k'iniara iru bapachi chi apemaarã warrarã k'ãyaara, iru t'oda perã ichi chonaa bak'ãri. Maperã Josemaa p'aru teesoo, pi–ia teeji. 4 Mamîda chi âpemaarãpa k'awaadak'ãri Jacobpa José audupùara k'iniara iru bù ãchi k'ãyaara, José k'îra unuamaa iru p'aneejida mãik'aapa iru ome t'ãri ãrii p'anapachida.
5 Ewari aba Josepa k'ãimok'araaji apemaarã k'ãyaara waibùara pait'ee. Mamîda ma k'aurepa iru audupùara k'îra unuamaa iru p'aneejida 6 ãramaa nãga nepùrùda perã:
—¡Ûrítù! Mùa k'ãimok'araada nepùrùit'eeda aji. 7 Tachi jõmaweda mêe p'anajida trigo ewada p'emaa. Mãga nùde mëré k'õrajâma bainâ beeji. Mamîda parãdé mëré wap'ùra atadap'eda, bedabaidachidada aji, mëré k'îrapite.
8 Mãpai chi âpemaarãpa mãgajida:
—¿K'ãata jara k'inia bùma? ajida. ¿Pù tai rey pait'eek'ã? ¿Tai pù jua ek'ari p'anadait'eek'ã? ajida.
Mãpai iru audupùara k'îra unuamaa iru p'aneejida ma k'ãimok'araada k'aurepa mãik'aapa ãchimaa nepùrùda perã.
9 Ma t'êepai José waya k'ãimok'araaji mãik'aapa chi âpemaarãmaa nepùrùnaji:
—Mù waya k'ãimok'araajida aji. Mãgùde mùa unuji ak'õrejîru, atane mãik'aapa lucero once mù k'îrapite bedabai jõnù.
10 Josepa mãgà k'ãimok'araada nepùrùk'ãri chi ak'õremaa mãik'aapa apemaarã âpemaarãmaa, chi ak'õrepa ùtrùat'aaji mãik'aapa mãgaji:
—¿K'ãata jara k'inia bùma? aji. ¿Pù nawe, pù âpemaarã, mù paara pù jua ek'ari p'anadait'eek'ã? aji.
11 Maap'eda chi âpemaarãpa José ichiaba k'îra unuamaa iru p'anapachida, irua ãchi k'ãyaara k'ãimok'araada perã. Mamîda chi ak'õrepa ichi t'ãridepai k'îsiapachi ma k'ãimok'araadade.
José âpemaarãpa iru netot'aadap'edaa
12 Ewari aba José âpemaarãpa ãchi ak'õre ovejaarã p'e ateejida Siquendee, mama p'ûajara k'odamerã.
13 Maap'eda Israelpa Josemaa mãgaji:
—Warra, pùchi âpemaarã Siquende p'anù, ovejaarã ak'ùmaa. Mùa k'inia bùda aji, pù araa wãmerã ãra ak'ùde.
Josepa p'anauji:
—Wãit'eeda aji.
14 Mãpai Jacobpa mãgaji:
—Pia bùda aji. Wãpáde aji mãik'aapa ak'ùpáde aji, pùchi âpemaarã ovejaarã ome sãga p'anù. Maap'eda ãpùtee chepáde aji, mùmaa jarade.
Mãgá Israelpa José pëiji Hebrón eujã jewedaadeepa Siquendee. 15 Mamîda Siquende panak'ãri, José o atuadachi. Eperã ome unuk'ãri, mãgùpa iidiji:
—¿Pùa k'ãata jùrù nima? aji.
16 P'anauji:
—Mùchi âpemaarã jùrùmaa bùda aji. Ãrapa mù ak'õre ovejaarã ak'ùmaa p'anù. ¿Pùa ãra unujik'ã aji, nama wãyaaruta?
17 P'anauji:
—Wãjidada aji. Mamîda uchiadai naaweda, Dotandee wãdait'eeda ajida.
Mãpai José ãchi t'êe wãp'eda, ununaji Dotande.
18 Mamîda chi âpemaarãpa t'ùmùùpa unudak'ãri, pedeeteejida peet'aadait'ee. 19 Ãchi pitapai mãgajida:
—¡Pùchá, ak'àtù! Cheruda ajida, jã k'ãimok'araayaa bù. 20 Peet'aadáma mãik'aapa chi k'ap'ùa piuda bat'at'aadáma pozo nãpùa p'oo bùde. Ne–animal k'achiapa k'ot'aajida adai. Mãgá waa k'ãimok'araa–e pait'eeda ajida.
21 Mamîda Rubenpa ãchi pedee ûrik'ãri, mãgaji:
—Peenaadáma aji. 22 Peedai k'ãyaara, bat'at'aadapáde aji, na pania wêe bù eujãdepema pozo nãpùa p'oo bùde.
Rubenpa mãga jaraji k'îsia bada perã t'êepai uchia atait'ee mãik'aapa ateeit'ee chi ak'õremaa. 23 Mamîda José chi âpemaarãmãi pak'ãri, ãrapa iru p'aru teesoo pi–ia jâ bada êra atadap'eda, 24 pozo nãpùa p'oo bùde bat'at'aanajida. 25 Mãpai su–ak'ù p'aneejida nek'odait'ee.
Mãga nùde Madián pidaarã camellode Galaad eujãdeepa chewãjida Egiptodee. K'era mãik'aapa k'iru t'ûa bee atee wãjida netodait'ee Egipto pidaarãmaa. 26 Ma eperãarã unudak'ãri, Judapa ichi âpemaarãmaa mãgaji:
—¿K'ãare piata baima aji, tachi âpema peeruta pùrã mãik'aapa ma oodap'edaa meraruta pùrã? Ma k'ãyaara, netot'aadáma aji, jã Madián pidaarãmaa. 27 Piara bù ma Ismaeldeepa uchiadap'edaarãmaa netot'aadait'ee, peedai k'ãyaara, iru wãara tachi âpema perã.
Chi âpemaarãpa ijãajida. 28 Ma Madián pidaarã wãyaarutade José âpemaarãpa iru atanajida ma pozo nãpùa p'oo badadeepa mãik'aapa mãùrãmaa netot'aajida, p'arat'a tau veinte pari. Mãgá mãùrãpa José ateejida Egiptodee.
29 José netot'aadak'ãri, Rubén wê–e paji. Ma pozode unu che–e pak'ãri, t'ãri p'uapa ichi p'aru jêt'aaji. 30 Mãpai wãji ichi âpemaarãmaa mãik'aapa mãgaji:
—José wê–eda aji, jã pozo p'oo bùde. Ârá mùa ¿sãga p'anauyama aji, mù ak'õrepa chi warra pari iidik'ãri?
31 Mãpai chi âpemaarãpa chivo peet'aadap'eda, chi waapa José p'aru teesoo p'urut'aajida 32 mãik'aapa tee pëijida ãchi ak'õremaa. Nãga jara pëijida: “Nãgà p'aru unujida. Pia ak'àji k'awaait'ee pù warra p'aru wa mãga–e.”
33 Jacobpa k'awaak'ãri wãara chi warra p'aru, t'ãri p'uapa jêedachi mãik'aapa mãgaji:
—Wãara na mù warra p'aru. Ne–animal k'achiapa k'ot'aajida aji.
34 Mãpai Jacobpa ichi p'aru jêt'aaji t'ãri p'uapa mãik'aapa chi–ùapata p'aru jâ beep'eda, taarã jêeji chi warra–it'ee. 35 Chi apemaarã warrarã jõmaarãpa Jacob t'ãri o–îapi k'inia p'anajida. Mamîda p'oyaadak'aa paji irua ãra pedee ûri k'iniak'aa pada perã. Audupùara jêepachi mãik'aapa mãgapachi:
—Chi ùait'eeda aji, mù jai–idaarumaa.
36 Ma Madián pidaarã Egiptode panadak'ãri, José netot'aajida Egiptodepema Potifarmaa. Mãgà eperã Egiptodepema Faraóna pari mimiapachi. Rey jâapataarã poro waibùa paji.