Tachi Ak'õrepa Noé ome pacto ooda
9
1 Mãpai Tachi Ak'õrepa pedee pia jaraji Noemaa, chi warrarãmaa paara:—Warra chok'ara oodapáde aji. Wãdapáde aji, chi wãrutamaa na p'ek'au eujãde, eperãarã chok'ara paraamerã. 2 Ne–animalaarã jõmaarãpa parã waaweedait'ee. Ne–animalaarã wãabaipata, eujãde nîuteepata mãik'aapa p'usade p'anapata parã jua ek'ari p'anadait'ee. 3 Mùa naaweda jaradak'a ne–inaa k'arra k'îra t'ãdoo k'odai, ârá auk'a jara bù ne–animalaarã jõmaata k'odai. 4 Mamîda nechiara waa ome k'odaik'araa bù, waa k'aurepa eperã chok'ai bapari perã. 5 Eperãpa awaraa peeru pùrã, mùa mãgà eperã ichiaba piupiit'ee. Ne–animalpa eperã peeru pùrã, ichiaba piupiit'ee. 6 Mù, Tachi Ak'õrepa eperã mùk'a ooda perã, eperãpa chîara peeru pùrã, mùa mãgà awaraarãmaa peepiit'ee. 7 Mamîda parã, warrarã oodapáde aji, na p'ek'au eujã jõmaade p'anapataadamerã.
8 Ichiaba Tachi Ak'õrepa mãgaji Noemaa, chi warrarãmaa paara:
9 —Mùa nãgà pacto ooit'ee parã ome mãik'aapa parãdeepa uchiadait'eerã ome; 10 ichiaba jõmaweda ne–animalaarã barcode wãdap'edaarã ome; ipanaarã, ne–animalaarã taunomaa, tausaaree; mãùrã ome mãik'aapa jõmaweda awaraa ne–animalaarã ome. 11 Mùa waa na p'ek'au eujã ûupi–e pait'eeda aji, eperãarã mãik'aapa ne–animalaarã jõpiit'ee. Mùa jaradak'a ichita mãga beeit'ee.
12 ’Nãgá parãpa mãik'aapa ne–animalaarã jõmaarãpa k'awadai mùa wãarata jara bù. 13 Euma bùit'ee pajãde mùa jarada k'irãpa p'anadamerã. 14 Mùa eujã ârù jâarara pëik'ãri, aùde eperãarãpa euma unudait'ee. 15 Mùa mãgà unuk'ãri, k'irãpait'ee mùa pacto ooda parã ome mãik'aapa ne–animalaarã ome; eujã paniapa ûut'aadak'a waa oo–e pait'ee. 16 Ma euma jâararade unuk'ãri, k'irãpait'ee mùa pacto ooda na p'ek'au eujãdepema eperãarã ome mãik'aapa ne–animalaarã ome. 17 Ma euma k'aurepa jõmaweda eperãarãpa mãik'aapa ne–animalaarãpa k'awadait'eeda aji, mùa pacto ooda wãara.
Tachi Ak'õrepa Noemaa mãga jaraji.
Noé ichi warrarã ome
18 Noé warrarã barcodeepa uchiadap'edaa paji Sem, Cam, Jafet. Cam Canaán ak'õre paji. 19 Noé warrarã õpeerãdeepa na p'ek'au eujãdepemaarã jõmaweda uchiajida.
20 Noé ne–uumaa beeji. Taarã pak'ãri, uva uuda oroji mãik'aapa ma uvadee vino ooji. 21 Ewari aba Noé vinopa piu beep'eda, k'ãi beeji ichi te ne–animal edee oodade. Ãk'adaa k'ãi baji. 22 Cam, Canaán ak'õrepa chi ak'õre ãk'adaa unuk'ãri, uchiaji chi âpemaarã omeemaa nepùrùde. 23 Mãpai Sem, Jafet ome ãchi ik'iade poroba jita atadap'eda mãik'aapa teedaa k'îra ãyaa wãdap'eda, poro bùjida ãk'adaa unudaamaapa.
—K'achiade bapariit'eeda aji, Camdeepa uchiada Canaán. ¡Cam âpemaarãdeepa uchiadait'eerã esclavoorã ek'ariara pait'eeda! aji.
26 Ma awara mãgaji:
—¡Tachi Ak'õre t'ãri pia bapari! Sémpata irumaa ùt'aa t'âpariit'eeda aji. Mamîda Tachi Ak'õrepa Canaán iru esclavo papiit'ee. 27 Tachi Ak'õrepa k'aripap'eda, Jafetpa eujã waibùa atait'eeda aji, mãik'aapa irudeepa uchiadait'eerã k'ãiwee p'anapataadait'ee Semdeepa uchiadait'eerã ome. Mamîda Canaán iru esclavo pait'eeda aji.