Adandeepa uchiadap'edaarã
5
1 Nãgùùrã paji Adandeepa uchiadap'edaarã. Tachi Ak'õrepa Adán ook'ãri, ooji ichik'a. 2 Mãgá ùmùk'îra, wêra ooji mãik'aapa ãchimaa pedee pia jaraji. Ma ewateweda irua ãra t'â bùji eperãarã.3 Adán ciento treinta años iru bak'ãri, chi warra Set t'oji. Mãgà warra ne–inaa jõmaade Adán k'îra papaa baji. 4 Ma warra t'op'eda, Adán ochocientos años waa baji na p'ek'au eujãde. Mãga nùde awaraa warrarã, k'aurã ome t'ojida. 5 Adán jai–idaak'ãri, novecientos treinta años iru baji.
6 Set ciento cinco años iru bak'ãri, chi warra Enós t'oji. 7 Ma warra t'op'eda, Set ochocientos siete años waa baji na p'ek'au eujãde. Mãga nùde awaraa warrarã, wêra k'aurã ome t'ojida. 8 Set jai–idaak'ãri, novecientos doce años iru baji.
9 Enós noventa años iru bak'ãri, chi warra Cainán t'oji. 10 Ma warra t'op'eda, Enós ochocientos quince años waa baji na p'ek'au eujãde. Mãga nùde awaraa warrarã, wêra k'aurã ome t'ojida. 11 Enós jai–idaak'ãri, novecientos cinco años iru baji.
12 Cainán setenta años iru bak'ãri, chi warra Malalel t'oji. 13 Ma warra t'op'eda, Cainán ochocientos cuarenta años waa baji na p'ek'au eujãde. Mãga nùde awaraa warrarã, wêra k'aurã ome t'ojida. 14 Cainán jai–idaak'ãri, novecientos diez años iru baji.
15 Malalel sesenta y cinco años iru bak'ãri, chi warra Jared t'oji. 16 Ma warra t'op'eda, Malalel ochocientos treinta años waa baji na p'ek'au eujãde. Mãga nùde awaraa warrarã, wêra k'aurã ome t'ojida. 17 Malalel jai–idaak'ãri, ochocientos noventa y cinco años iru baji.
18 Jared ciento sesenta y dos años iru bak'ãri, chi warra Enoc t'oji. 19 Ma warra t'op'eda, Jared ochocientos años waa baji na p'ek'au eujãde. Mãga nùde awaraa warrarã, wêra k'aurã ome t'ojida. 20 Jared jai–idaak'ãri, novecientos sesenta y dos años iru baji.
21 Enoc sesenta y cinco años iru bak'ãri, chi warra Matusalén t'oji. 22 Enoc t'ãri pia bapachi Tachi Ak'õrepa k'inia bùk'a. Iru warra Matusalén t'op'eda, Enoc baji na p'ek'au eujãde trescientos años waa. Mãga nùde awaraa warrarã, k'aurã ome t'ojida. 23 Enoc baji na p'ek'au eujãde trescientos sesenta y cinco años. 24 Enoc t'ãri a–ba bapachi perã Tachi Ak'õre ome, ewari aba wêpadachi, Tachi Ak'õrepa iru ùt'aa ateeda perã.
25 Matusalén ciento ochenta y siete años iru bak'ãri, chi warra Lamec t'oji. 26 Maap'eda Matusalén baji setecientos ochenta y dos años waa. Mãga nùde awaraa warrarã k'aurã ome t'ojida. 27 Matusalén jai–idaak'ãri, novecientos sesenta y nueve años iru baji.
28 Lamec ciento ochenta y dos años iru bak'ãri, chi warra Noé t'oji. 29 Noé t'â jara k'inia bù “âipari”. Chi warra mãga t'â bùji chi ak'õrepa nãga jarada perã: “Tachi Ak'õrepa na eujã k'achiade baaipiji. Mapa tachi audú mimiapata ne–uuit'ee. Mamîda na warra k'aurepa tachi âidait'ee.”
30 Noé t'op'eda, Lamec quinientos noventa y cinco años waa baji na p'ek'au eujãde. Mãga nùde awaraa warrarã, k'aurã ome t'ojida. 31 Lamec jai–idaak'ãri, setecientos setenta y siete años iru baji.
32 Noé quinientos años audú iru bak'ãri, chi warrarã Sem, Cam mãik'aapa Jafet t'ojida.