Jawaabaat al-Rasuul Buulus le Kuruntus
Al-jawaab al-taani
1
Jawaab minni ana Buulus rasuul hana Isa al-Masiih be izin Allah.
Wa daahu naktib leeku maʼa akhuuna Timuutaawus.
Wa aniina nisallumuuku intu ummat al-Masiih al-Allah ikhtaaraaku al-gaaʼidiin fi hillit Kuruntus wa le kulla l-saalihiin al-gaaʼidiin fi ayyi bakaan min balad al-Yuunaan.
2 Aleekum al-salaam wa l-rahma min Allah Abuuna wa min Rabbina Isa al-Masiih.
Al-diige wa l-chajaaʼa
3 Khalli nachkuru Allah abu Rabbina Isa al-Masiih.
Hu Abuuna al-rahiim wa kulla chajaaʼa jaaye minnah hu.
4 Wa Allah yichajjiʼna fi kulla diige achaan aniina kula be l-chajaaʼa di nichajjuʼu al-aakhariin al-gaaʼidiin fi ayyi diige.
5 Wa sahiih,
gaaʼidiin nichaaruku katiir fi taʼab al-Masiih wa laakin be alaakhitna maʼaayah,
kula nalgo chajaaʼa ziyaada.
6 Kan aniina gaaʼidiin fi l-diige,
da bigi achaan intu talgo al-chajaaʼa wa l-naja.
Wa kan Allah antaana al-chajaaʼa,
da bigi achaan intu kula talgo al-chajaaʼa wa tagdaro tahmalo al-taʼab be sabur misilna.
7 Achamna foogku gawi bilheen achaan naʼarfu kadar tichaaruku fi l-chajaaʼa misil awwal gaaʼidiin tichaaruku maʼaana fi l-taʼab.
8 Ya akhwaanna,
nidooru niʼarrufuuku be l-diige al-jaat foogna fi balad Aasiya.
Wa l-diige di chadiide bilheen wa faatat gudritna lahaddi gulna mutna khalaas.
9 Wa fi l-bakaan da,
bigiina misil naas al-hakamo leehum be l-moot.
Wa da bigi achaan ma nintakulu ale nufuusna laakin nintakulu ale Allah al-yabʼas al-maytiin.
10 Wa akiid Allah al-fazaʼaana min al-moot da,
hu yafzaʼna battaan.
Khatteena achamna foogah hu bas wa akiid hu yafzaʼna battaan.
11 Wa intu kula waajib tiʼaawunuuna be duʼaaku.
Wa Allah yakhbal duʼaaku al-katiir wa be sabab duʼaaku da,
hu yibaarikna wa khalaas naas katiiriin yachkuru Allah fi chaanna.
Taʼkhiir al-ziyaara al-taalta
12 Wa aniina farhaaniin achaan guluubna gaaʼidiin yiʼakkudu leena kadar ichna maʼa kulla naas al-dunya wa khaassatan maʼaaku intu be galib abyad wa be l-niiye al-mukhlisa al-Allah yarda beeha.
Ma ichna hasab fikir naas al-dunya laakin ichna be niʼmat Allah.
13 Wa abadan ma naktubu leeku illa l-kalaam al-waadih al-tagruuh wa tawwaali tafhamooh.
Wa ana nitmanna kadar tafhamo niiyitna tamaam.
14 Wa gult al-kalaam da achaan intu lissaaʼku ma fihimtu niiyitna tamaam.
Wa kan fihimtu niiyitna khalaas,
fi yoom jayyit Rabbina Isa,
intu tabgo farhaaniin beena misil aniina nabgo farhaaniin beeku.
15 Wa akiid,
achami foogku bigi gawi.
Wa achaan da,
dawwart namchi leeku tawwaali wa nisallimku marrateen wa talgo minni baraka marrateen.
16 Wa dawwart nakhchaaku awwal marra wakit ana maachi fi Magiduuniya wa battaan wakit ana mugabbil minha.
Wa dawwart tisaaʼuduuni fi safari le daar al-Yahuudiiya.
17 Wa kan dawwart namchi leeku misil da,
hal tuguulu ana chilt niiye bala fikir walla ?
Hal tuguulu ana nichiil niiye misil al-naadum al-ma muʼmin al-buguul fi nafs al-wakit «
aywa »
wa «
la » ?
18 Allah saadikh !
Kalaamna leeku abadan ma yabga «
aywa »
wa «
la »
fi nafs al-wakit.
19 Wa Ibn Allah Isa al-Masiih al-ana wa akhwaani Siila wa Timuutaawus ballakhnaaku beyah,
abadan ma yikhalbit «
aywa »
wa «
la ».
Kalaamah kulla ke daayman «
aywa ».
20 Achaan kulla cheyy al-Allah gaal yisawwiih,
hu tammah fi l-Masiih.
Wa be l-Masiih,
Allah yuguul «
aywa ».
Wa be l-sabab da bas,
nuguulu aamiin be usmah wa nimajjudu Allah.
21 Wa Allah bas sabbataana maʼaaku fi alaakha maʼa l-Masiih.
Wa hu bas al-ikhtaaraana le khidimtah.
22 Wa hu khatta foogna khitmah wa nazzal fi guluubna al-Ruuh al-Khudduus achaan yabga al-alaama al-tiwassifna kadar Allah yisawwi kulla cheyy al-gaalah.
23 Wa Allah chaahid leyi kadar ana ma dawwart yabga leeku gaasi.
Wa achaan da bas,
ana ma macheet battaan fi Kuruntus.
24 Wa ma naʼasuruuku fi l-cheyy al-bukhuss al-iimaan achaan naʼarfu kadar intu saabtiin fi l-iimaan.
Akheer leena nakhdumu maʼaaku achaan farhitku tiziid.