Jawaabaat al‑rasuul Butrus
Al‑jawaab al‑taani
Mugaddima
Al‑hamdulillah, Rabbina saadikh wa kulla cheyy al‑hu gaal yabga laabudda yabga. Min zamaan, Allah hajja be lisaan al‑anbiya wa gaal yirassil al‑Masiih le yinajji al‑naas wa yiwaddiihum fi derib Allah. Wa battaan gaal fi l‑akhiir, hu yihaasib kulla l‑naas wa yidammir al‑charr marra waahid.
Wa l‑rasuul Butrus hu waahid min al‑naas al‑raakho maʼa l‑Masiih. Wa l‑Masiih jaʼalah waahid min rusulah al‑yiballukhu bichaartah fi ayyi bakaan wa yinaadu kulla l‑naas fi derib Allah. Wa l‑rasuul Butrus katab al‑jawaab da be izin Allah wa be gudrat al‑Ruuh al‑Khudduus.
Wa fi l‑jawaab da, hu yizakkir al‑muʼminiin be l‑kalaam al‑yaʼarfuuh al‑bukhuss waʼad Allah. Allah gaal hu yisawwi sama jadiid wa ard jadiide wakit Isa al‑Masiih yigabbil wa illa l‑saalihiin bas yagoodu fi l‑ard di. Wa achaan da, al‑muʼminiin waajib yagoodu saabtiin fi derib al‑iimaan al‑Allah fatahah leehum be l‑Masiih. Wa battaan, Butrus khabbar al‑muʼminiin achaan ma yasmaʼo kalaam al‑muʼallimiin al‑khallo minhum al‑haal al‑saalhe wa nakaro jayyit al‑Masiih al‑taaniye.
Khalli Allah yanti ayyi naadum al‑yagri al‑kalaam da niʼma achaan yakrub al‑kalaam adiil wa yitabbigah. Aamiin.