Jawaab Yaakhuub
Mugaddima
Allah rassal al‑Masiih achaan yinaadi kulla l‑naas yadkhulu fi derib al‑iimaan. Al‑kitaab da, katabah Yaakhuub. Wa Yaakhuub da, hu ma maʼruuf. Naas waahidiin buguulu hu wald amm Isa al‑Masiih. Wa kan al‑kalaam da sahiih, khalaas Yaakhuub da hu kabiir majmuuʼat al‑muʼminiin fi Madiinat al‑Khudus fi l‑wakit daak.
Wa jawaab Yaakhuub da, hu muwajjah le l‑Masiihiyiin al‑min asil Yahuudi al‑gaaʼidiin fi ayyi bakaan. Fi l‑jawaab da, Yaakhuub chajjaʼaahum achaan yahmalo al‑tajriba wa l‑taʼab al‑humman gaaʼidiin tihtah be sabab iimaanhum be l‑Masiih. Wa taʼliimah yihajji be l‑haal al‑waajbe le l‑muʼminiin wa da jaayi min taʼliim al‑Masiih zaatah.
Fi l‑jawaab da, Yaakhuub gaal kan ayyi naadum yinkarib fi wasaaya Allah, Allah yibaarikah. Wa khalli ayyi naadum al‑yagri al‑jawaab da, yakurbah adiil. Aamiin.