Jawaab le Filimuun
min jawaabaat al‑rasuul Buulus
Mugaddima
Al‑hamdulillah, fi l‑Kitaab, Allah wassafaana al‑alaakha al‑yarda beeha ambeenaat al‑muʼminiin.
Filimuun da usum hana naadum waahid. Hu naadum khani indah abiid wa saakin fi hillit Kuluusi. Wa hu simiʼ kalaam Allah min khachum Buulus. Wa fi Kuluusi, beet Filimuun bigi al‑bakaan al‑yilimmu foogah al‑muʼminiin achaan yaʼabudu Allah.
Wa waahid min abiidah usmah Alfaayid. Wa Alfaayid jara min siidah Filimuun. Akuun sirig minnah gurus kula. Wa hu jara minnah baʼiid. Wa laakin be rahmat Allah, hu lamma maʼa l‑rasuul Buulus fi l‑sijin wa simiʼ kalaam Allah wa khalaas aaman be l‑Masiih. Wa l‑rasuul katab al‑jawaab da le Filimuun achaan yiʼooriih kadar abdah bigi muʼmin wa taab min zunuubah. Wa Buulus dawwar yigabbil Alfaayid le Filimuun wa rassal maʼaayah al‑jawaab da be iid Tichiikus. Wa Buulus gaal hu yidoor Filimuun yakrub Alfaayid adiil misil hu akhuuh wa ma abdah bas.
Wa l‑kalaam da yabga leena masal wa yiwassif leena al‑haal al‑waajbe ambeen al‑naas al‑ligo rahmat Allah be l‑Masiih. Wa khalli Allah yibaarik ayyi naadum al‑yagri al‑jawaab da wa yitabbig al‑taʼliim al‑gaaʼid foogah. Aamiin.