Barakaat al‑Ruuh al‑Khudduus
12
1 Ya akhwaani,
fi l‑cheyy al‑bukhuss barakaat al‑Ruuh al‑Khudduus,
nidoor intu tafhamo adiil.
2 Taʼarfu kadar awwal intu ma muʼminiin,
khachchooku wa waddooku lahaddi abadtu al‑asnaam al‑ma yuguulu cheyy.
3 Achaan da,
nidoor intu tafhamo adiil kadar al‑naadum al‑yihajji be gudrat Ruuh Allah abadan ma yuguul :
« Isa malʼuun.
» Wa laakin illa be gudrat al‑Ruuh al‑Khudduus bas,
naadum yagdar yuguul :
« Isa hu al‑Rabb ».
4 Khalaas,
al‑ataaya al‑Allah yantiihum chig chig laakin al‑Ruuh al‑Khudduus waahid.
5 Wa l‑khidme al‑nakhdumuuha chig chig laakin Rabbina waahid.
6 Wa l‑amal al‑nisawwuuh chig chig laakin Allah al‑Waahid bas yantiina al‑gudra achaan ayyi naadum yisawwi ayyi cheyy.
7 Wa Allah yinazzil le ayyi naadum atiiye min al‑Ruuh al‑Khudduus achaan kullina nalgo minha faayde.
8 Wa l‑Ruuh al‑Khudduus yanti gudra le naadum waahid achaan yikallim be hikma wa yanti gudra le naadum aakhar achaan yikallim be ilim.
Wa da be nafs al‑Ruuh al‑Khudduus.
9 Al‑Ruuh al‑Khudduus yanti le naadum waahid iimaan gawi marra waahid wa yanti le naadum aakhar atiiye hana gudra al‑yidaawi beeha al‑mardaaniin.
Wa da kula be nafs al‑Ruuh al‑Khudduus.
10 Wa l‑Ruuh al‑Khudduus yanti gudra le naadum waahid achaan yisawwi ajaayib wa le naadum aakhar kalaam naazil min Allah.
Wa yanti gudra le naadum waahid achaan yimayyiz gudrat Ibliis min gudrat al‑Ruuh al‑Khudduus.
Wa le naadum aakhar yantiih lukhkhaat chig chig al‑yaju min al‑Ruuh al‑Khudduus wa le naadum aakhar gudra achaan yifassir al‑lukhkhaat dool.
11 Wa nafs al‑Ruuh al‑Khudduus al‑waahid,
hu bas al‑yijiib kulla l‑ataaya dool wa yigassimhum le ayyi naadum misil hu yidoorah.
Masal al‑jisim
12 Wa taʼarfu kadar jisim al‑insaan hu waahid wa battaan al‑jisim da indah aʼda katiiriin.
Wa aʼda al‑jisim katiiriin laakin humman jisim waahid bas.
Wa ummat al‑Masiih kula misil al‑jisim da.
13 Achaan khattasoona kullina be l‑Ruuh al‑Khudduus al‑waahid le nabgo jisim waahid wa da jisim al‑Masiih.
Wa sawwa nafs al‑cheyy leena kullina kan aniina Yahuud aw ma Yahuud,
wa kan aniina abiid aw hurriin.
Wa l‑Ruuh al‑Khudduus bigi leena misil al‑charaab al‑waahid al‑kullina ke chiribna minnah.
14 Achaan al‑jisim abadan ma udu waahid bas.
Hu aʼda katiiriin.
15 Masalan,
al‑rijil udu min al‑jisim.
Wa kan hi tuguul :
« Ana ma iid wa achaan da,
ana ma udu min al‑jisim »,
al‑kalaam da ma yamrugha min al‑jisim.
16 Wa kan al‑adaan tuguul :
« Ana ma een wa achaan da,
ana ma udu min al‑jisim »,
al‑kalaam da ma yamrugha min al‑jisim.
17 Wa battaan kan kulla l‑jisim bigi een,
kikkeef yasmaʼ ?
Wa kan kulla l‑jisim bigi adaan,
kikkeef yuchumm ?
18 Laakin Allah nazzam kulla l‑aʼda fi l‑jisim achaan ayyi udu gaaʼid fi l‑bakaan al‑hu dawwarah.
19 Kan kulla l‑jisim bigi udu waahid,
ween al‑jisim ?
20 Wa khalaas,
al‑aʼda katiiriin wa battaan humman jisim waahid.
21 Wa ma waajib al‑een tuguul le l‑iid :
« Ana ma nidoorki.
» Wa ma waajib al‑raas yuguul le l‑rijileen :
« Ana ma nidoorku. »
22 La,
da ma yabga achaan aʼda waahidiin al‑gaaʼidiin fi lubb al‑jisim,
humman daʼiifiin marra waahid.
Wa laakin naʼarfu kadar balaahum al‑jisim ma yanfaʼ.
23 Wa nantu lubaas le l‑aʼda al‑ma nikarrumuuhum wa misil da,
nicharrufuuhum ziyaada min al‑aʼda al‑aakhariin.
Wa l‑aʼda al‑ma waajib yinchaafo be sabab al‑eeb,
nirayyusuuhum be ikraam ziyaada.
24 Wa l‑rayyisiin da,
ma waajib le aʼdaaʼna al‑yinchaafo.
Wa Allah nazzam al‑jisim wa hu anta ikraam ziyaada le l‑udu al‑indah eeb.
25 Wa be da,
aʼda al‑jisim ma yinfargu abadan wa ayyi udu waajib yirayyis kulla akhwaanah be niiye waahide.
26 Wa kan waahid minhum taʼbaan,
kulluhum taʼbaaniin sawa.
Wa kan waahid yalga charaf,
kulluhum farhaaniin sawa.
27 Wa khalaas,
intu kulluku jisim al‑Masiih wa ayyi naadum udu minnah.
28 Wa Allah nazzam jamaaʼat al‑muʼminiin wa jaʼal leehum khaddaamiin.
Awwal ke al‑rusul wa taani al‑anbiya wa taalit al‑muʼallimiin.
Wa battaan hu anta atiiye hana gudra achaan naas waahidiin yisawwu ajaayib wa yidaawu al‑mardaaniin wa yisaaʼudu akhwaanhum wa yuguuduuhum wa yihajju lukhkhaat chig chig al‑yaju min al‑Ruuh al‑Khudduus.
29 Kulla l‑muʼminiin rusul walla ?
Kulluhum anbiya walla ?
Kulluhum muʼallimiin walla ?
Kulluhum yisawwu ajaayib walla ?
30 Kulluhum induhum atiiye hana gudra achaan yidaawu al‑mardaaniin walla ?
Kulluhum yikallumu be lukhkhaat al‑yaju min al‑Ruuh al‑Khudduus walla ?
Kulluhum yifassuru al‑lukhkhaat dool ?
Akiid la !
31 Atmanno be niiye waahide achaan talgo al‑ataaya al‑kubaar hana l‑Ruuh al‑Khudduus.
Wa awwal ke,
niwassifku al‑derib al‑adiil marra waahid.