Buulus fi madiinat Afasus
19
1 Wa wakit Abuluus gaaʼid fi Kuruntus,
Buulus kammal ruwaakhtah fi l‑hillaal al‑fi l‑jibaal wa khalaas,
wisil fi madiinat Afasus.
Wa hinaak ligi talaamiiz waahidiin.
2 Wa Buulus saʼalaahum wa gaal :
« Al‑Ruuh al‑Khudduus nazal foogku wakit aamantu walla ?
» Wa gaalo :
« La.
Al‑Ruuh al‑Khudduus ma naʼarfuuh wa ma simiʼna beyah. »
3 Wa Buulus saʼalaahum wa gaal :
« Wakit khattasooku,
khattisiinku da kikkeef ?
» Wa gaalo :
« Khattasoona ale hasab taʼliim Yahya. »
4 Wa Buulus gaal :
« Yahya khattas al‑naas al‑taabo min zunuubhum.
Wa gaal le l‑naas kadar waajib yiʼaamunu be l‑naadum al‑jaayi waraayah.
Wa l‑naadum da,
hu Isa. »
5 Wa wakit simʼo kalaam Buulus da,
khattasoohum be usum al‑Rabb Isa.
6 Wa wakit Buulus khatta iideenah fooghum,
al‑Ruuh al‑Khudduus nazal fooghum wa hajjo be lukhkhaat jadiide wa atnabbaʼo.
7 Wa adadhum 12 raajil.
8 Wa Buulus dakhal fi beet al‑sala wa bada yihajji le l‑naas bala khoof.
Wa muddit talaata chahar,
hu yinaakhich maʼaahum fi mamlakat Allah achaan yijiibhum fi l‑derib.
9 Wa laakin waahidiin minhum raashum gawi ma dawwaro yiʼaamunu.
Wa gammo yiʼayyuru derib Isa al‑Masiih giddaam al‑naas.
Wa be da,
Buulus gamma anfarag minhum maʼa talaamiizah wa bada yinaakhich maʼaahum kulla yoom fi madrasa hana naadum usmah Tiiraanuus.
10 Wa Buulus gaaʼid yiballikh al‑bichaara di muddit santeen.
Wa be misil da,
kulla l‑naas al‑saakniin fi balad Aasiya,
min al‑Yahuud wa min al‑Yuunaaniyiin,
simʼo kalaam al‑Rabb.
11 Wa Allah sawwa ajaayib kubaar be waasitat Buulus,
12 lahaddi al‑naas gaaʼidiin yichiilu minnah misil al‑gitʼe aw khalagah hana l‑khidme al‑limso jildah wa yukhuttuuh fi l‑mardaaniin.
Wa l‑marad yikhalliihum wa l‑chawaatiin kula yamurgu minhum.
Awlaad Sakaawa
13 Fi l‑balad di,
fi Yahuud waahidiin raaykhiin hille le hille wa khidmithum yachfu al‑muchootiniin.
Wa waahidiin minhum yistaʼmalo usum al‑Rabb Isa le yaturdu beyah al‑chawaatiin wa yuguulu :
« Naamurak be usum Isa,
al‑Buulus gaaʼid yibachchir beyah. »
14 Wa min al‑naas al‑sawwo misil da,
sabʼa rujaal,
awlaad Yahuudi waahid usmah Sakaawa wa kabiir rujaal al‑diin.
15 Wa l‑cheetaan al‑dawwaro yaturduuh radda leehum wa gaal :
« Isa naʼarfah wa usum Buulus naʼarfah wa laakin intu yaatumman ? »
16 Wa l‑muchootin hajamaahum wa hu chadiid minhum wa ajala annasar fooghum.
Hu jarahaahum wa charrat khulgaanhum lahaddi jaro min al‑beet aryaaniin.
17 Wa kulla l‑naas al‑saakniin fi madiinat Afasus min al‑Yahuud wa min al‑Yuunaaniyiin simʼo al‑khabar da wa khoof chadiid dakhal leehum wa karramo usum al‑Rabb Isa ziyaada.
18 Wa fi l‑bakaan da,
katiiriin min al‑muʼminiin gammo aʼtarafo be aʼmaalhum al‑cheeniin al‑sawwoohum be achiir.
19 Wa naas katiiriin minhum al‑awwal sawwo al‑sihir,
lammo kutubhum wa tachchoohum giddaam naas al‑hille.
Wa hasabo taman al‑kutub dool wa bigi misil 50 000 hajar fudda.
20 Wa be misil da,
naas al‑simʼo kalaam al‑Rabb zaado wa gudrat kalaamah zaadat fi usuthum.
Al‑barjaal fi Afasus
21 Wa baʼad da,
Buulus chaal niiye achaan yamchi fi Madiinat al‑Khudus.
Wa gubbaal ma yamchi hinaak,
dawwar yamchi fi Magiduuniya wa Akhaaya wa gaal :
« Namchi fi Madiinat al‑Khudus wa baʼad da,
waajib namchi fi madiinat Rooma kula. »
22 Wa Buulus azal naaseen min al‑akhwaan al‑gaaʼidiin yakhdumu maʼaayah wa rassalaahum fi Magiduuniya achaan yamchu giddaamah.
Wa humman Timuutaawus wa Rastus.
Wa Buulus zaatah gaʼad battaan mudda gisayre fi balad Aasiya.
23 Wa fi l‑wakit da,
barjaal kabiir gamma fi Afasus be sabab derib Isa al‑Masiih.
24 Fiyah sayyaakhi waahid usmah Dimitri.
Khidimtah yasnaʼ min al‑fudda buyuut dugaag bichaabuhu beet al‑ibaada hana l‑ilaaha Artaamiis achaan yibiiʼhum.
Hu wa l‑naas al‑yisawwu nafs al‑sinaaʼa ligo min al‑tijaara di faayde katiire.
25 Wa hu lamma kulla l‑sinaaʼiyiin wa khaddaamiinhum.
Wa kallam leehum wa gaal :
« Ya l‑akhwaan,
taʼarfu maalna jaayi min al‑khidme di.
26 Wa chiftu wa simiʼtu kikkeef Buulus da khachcha naas katiiriin.
Wa ma khachcha naas hana Afasus bas laakin gariib kulla l‑naas al‑gaaʼidiin fi balad Aasiya.
Buulus gaal leehum kadar al‑ilaahaat al‑naas sanaʼoohum ma ilaahaat be l‑sahiih.
Wa jaab naas katiiriin fi derbah.
27 Wa l‑kalaam da ma yitallif tijaaritna bas laakin yijiib eeb fi beet al‑ibaada hana Artaamiis kula wa hi ilaahitna al‑aziime !
Akuun al‑naas yuguulu beetha ma yanfaʼ.
Wa akuun usum Artaamiis al‑aziim yiwaddir !
Wa di bas al‑ilaaha al‑kulla naas Aasiya wa kulla naas al‑dunya yaʼabuduuha. »
28 Wa wakit simʼo al‑kalaam da,
ziʼilo zaʼal chadiid.
Wa gammo aato wa gaalo :
« Artaamiis hana naas Afasus,
hi ilaaha aziime. »
29 Wa bigi barjaal fi kulla l‑hille.
Wa naas katiiriin bilheen lammo wa karabo Khaayus wa Aristaarkus rufgaan Buulus al‑itneen.
Humman min Magiduuniya wa macho maʼaayah fi safarah.
Wa l‑naas jaro beehum fi l‑nagaʼa al‑kabiire.
30 Wa Buulus dawwar yadkhul yihajji le l‑naas al‑lammo wa laakin al‑talaamiiz daharooh.
31 Wa waahidiin min kubaaraat balad Aasiya rufgaan Buulus rassalo leyah wa talabo minnah ma yadkhul fi l‑nagaʼa.
32 Wa kalaam al‑naas al‑fi l‑nagaʼa bigi mukhalbat.
Waahidiin minhum gaalo cheyy waahid wa naas aakhariin gaalo cheyy aakhar lahaddi katiiriin minhum ma fihmo fi chaan chunu humman lammo.
33 Al‑Yahuud lazzo naadum waahid usmah Iskandar giddaam al‑naas.
Wa naas waahidiin dawwaro hu yikallim le l‑naas.
Hu sawwa ichaara be iidah achaan al‑naas yaskutu wa dawwar yidaafiʼ le akhwaanah.
34 Laakin wakit al‑naas al‑laammiin irfo hu Yahuudi,
gammo aato kulluhum be hiss waahid wa gaalo :
« Artaamiis hana naas Afasus,
hi ilaaha aziime.
» Wa gaaʼidiin yiʼiitu be l‑kalaam da wa ma sakato lahaddi muddit saaʼteen.
35 Wa fi l‑akhiir,
kaatib hana majlas al‑hille gidir sakkat al‑naas wa kallam leehum.
Wa hu gaal :
« Ya naas Afasus,
ma fi naadum al‑yagdar yankur madiinat Afasus hi bas haafde beet al‑ibaada hana Artaamiis.
Wa hi al‑ilaaha al‑aziime wa sanamha al‑wagaʼ min al‑sama.
36 Wa kan sahiih naadum waahid ma yankur al‑kalaam da,
khalaas agoodu saakit bas !
Angarʼu ma tisawwu cheyy fasil misil ma induku agul.
37 Intu jibtu al‑rujaal dool hini wa humman ma sirgo cheyy min beet al‑ibaada wa ma ayyaro ilaahatna.
38 « Wa kan Dimitri wa akhwaanah induhum chakwa,
indina bakaan hana l‑chariiʼa wa indina hukkaam.
Khalli yigaddumu chakwithum le l‑hukkaam.
39 Wa kan induku muchkila aakhara,
nihilluuha fi l‑malamma al‑rasmiiye.
40 Wa laakin al‑yoom aniina gaaʼidiin nijiibu muchkila fi raasna.
Wakit al‑Roomaaniyiin yasmaʼo be l‑barjaal al‑bigi al‑yoom da,
akuun yahkumu foogna.
Yuguulu sawweena barjaal fi hillitna.
Ma indina sabab fi chaan al‑muzaahara di tukuun. »
41 Wa baʼad gaal al‑kalaam da,
gaal le l‑naas khalli yichittu.