Kitaab Yuunus
min Kutub al‑Anbiya
Mugaddima
Wa kitaab Yuunus da, hu masal al‑yikhalli al‑insaan yifakkir wa yantiih daris. Wa Yuunus da, hu nabi min Bani Israaʼiil al‑Allah rassalah le Niinawa aasimat balad Achuur udwaan Bani Israaʼiil. Fi wakitha, mamlakat Achuur haarabat kulla l‑buldaan al‑mujaawiriinha wa hakamathum be zulum. Wa mamlakat Achuur di, hi bas al‑fi l‑aakhir dammarat mamlakat Israaʼiil.
Wa l‑nabi Yuunus da, hu muʼarrid baʼiid min kalaam Allah wa ma dawwar yitabbigah. Allah amar Yuunus yamchi madiinat Niinawa fi l‑sabaah wa laakin hu arrad wa wajjah ale Tarchiich fi l‑kharib. Laakin Allah al‑Gaadir fi kulla cheyy al‑khalagah, hu addabah le Yuunus wa rassal leyah challaal fi l‑bahar wa huutaay kabiire le tazurtah. Wa fi batun al‑huutaay, Yuunus taab wa salla le Allah wa hu simiʼ kalaamah.
Wa fi aakhir al‑kitaab da, sukkaan Niinawa taabo min zunuubhum wa Allah khafar leehum achaan hu al‑Rahmaan al‑Rahiim wa l‑Sabuur wa l‑Muhibb. Wa l‑kitaab da yiwassif kikkeef Allah yihibb kulla insaan wa yakhfir le ayyi naadum al‑yutuub min zanbah.