Kitaab Ubadya
min Kutub al‑Anbiya
Mugaddima
Kitaab Ubadya da, hu al‑kitaab al‑gisayyir min kulla kutub al‑Ahad al‑Gadiim. Wa l‑kitaab da yikallim be kalaam al‑nabi Ubadya al‑hajja be kikkeef Allah yidammir balad Adoom. Balad Adoom gaaʼide wati le balad Yahuuza ambeen al‑bahar al‑Mayyit wa l‑bahar al‑Ahmar. Sukkaan al‑balad di saakniin fi ruuse al‑jibaal. Wa sukkaan Adoom, humman min zurriiyit Isuu akhu Yaakhuub wa be da, humman akhwaan le Bani Yahuuza.
Wa l‑kitaab da yikallim be l‑diige al‑jaat fi Bani Yahuuza wa da wakit al‑Baabiliyiin jo nahaboohum wa chaalo Madiinat al‑Khudus wa arduhum kula. Wa wakit chaʼab Adoom chaafo damaar hana akhwaanhum Bani Yahuuza, humman firho beyah. Wa humman kula chaarako fi nahib akhwaanhum. Wa be da, Allah gaal yiʼaakhibhum wa yisawwi fooghum misil humman sawwooh.