136
1 Achkuru Allah achaan hu rahiim
wa rahmatah daayme ila l‑abad !
2 Achkuru Ilaah al‑ilaahaat,
achaan rahmatah daayme ila l‑abad !
3 Achkuru Rabb al‑Arbaab,
achaan rahmatah daayme ila l‑abad !
4 Hu wiheedah yisawwi ajaayib kubaar,
achaan rahmatah daayme ila l‑abad
5 wa be ilmah hu khalag al‑samaawaat,
achaan rahmatah daayme ila l‑abad
6 wa falla al‑ard min foog le l‑almi,
achaan rahmatah daayme ila l‑abad.
7 Hu khalag al‑anwaar al‑kubaar,
achaan rahmatah daayme ila l‑abad
8 al‑harraay al‑tahkim fi l‑nahaar,
achaan rahmatah daayme ila l‑abad
9 wa l‑gamar wa l‑nujuum le yahkumu fi l‑leel,
achaan rahmatah daayme ila l‑abad.
10 Hu darab awlaad al‑bikir hana Masir,*
achaan rahmatah daayme ila l‑abad
11 wa marag Bani Israaʼiil min Masir,
achaan rahmatah daayme ila l‑abad
12 be duraaʼ gawi wa iid marfuuʼa,
achaan rahmatah daayme ila l‑abad.
13 Hu chagga al‑bahar al‑Ahmar itneen,*
achaan rahmatah daayme ila l‑abad
14 wa gaad Bani Israaʼiil fi ustah,
achaan rahmatah daayme ila l‑abad
15 wa tammas Firʼoon wa askarah fi lubb al‑bahar,
achaan rahmatah daayme ila l‑abad.
16 Hu gaad chaʼabah fi l‑sahara,
achaan rahmatah daayme ila l‑abad
17 wa darab muluuk gawiyiin,
achaan rahmatah daayme ila l‑abad
18 wa katal muluuk aziimiin,
achaan rahmatah daayme ila l‑abad
19 Siihuun malik al‑Amuuriyiin,
achaan rahmatah daayme ila l‑abad
20 wa Oog malik Baachaan,*
achaan rahmatah daayme ila l‑abad.
21 Allah anta baladhum warasa,
achaan rahmatah daayme ila l‑abad
22 hi warasa le Bani Israaʼiil abiidah,
achaan rahmatah daayme ila l‑abad.
23 Hu fakkar foogna wakit aniina taʼbaaniin,
achaan rahmatah daayme ila l‑abad
24 wa galaʼna min udwaanna,
achaan rahmatah daayme ila l‑abad.
25 Hu yanti al‑akil le kulla l‑makhluugiin,
achaan rahmatah daayme ila l‑abad.
26 Achkuru Ilaah al‑samaawaat,
achaan rahmatah daayme ila l‑abad !