Khine hana l‑hajj le Madiinat al‑Khudus
130
1 Ya Allah,
fi diigti ana koorakt leek.
2 Ya Rabb,
asmaʼ hissi.
Khutt adaanak le sooti wa akhbal duʼaayi.
3 Ya Allah,
kan tihaasib khataayaana,
ya Rabb,
yaatu al‑yanja ?
4 Laakin inta indak al‑khufraan
wa fi chaan da,
nakhaafo minnak.
5 Ana narja Allah,
narjaah be kulla galbi
wa niʼaamin be kalaamah.
6 Wa galbi yihibb al‑Rabb
ziyaada min hubb al‑haras le taluuʼ al‑harraay.
Aywa,
ziyaada min hubb al‑haras le taluuʼ al‑harraay.
7 Ya Bani Israaʼiil,
khuttu achamku fi Allah
achaan hu indah al‑rahma wa l‑fida al‑kaamil.
8 Wa hu al‑yafda Bani Israaʼiil
min kulla khataayaahum.