Khine hana l‑hajj le Madiinat al‑Khudus
128
1 Mabruuk le ayyi raajil al‑yakhaaf min Allah
wa yichiil derbah.
2 Wa inta tafrah be l‑maʼaach al‑talga min khidimtak
wa tinbasit wa talga al‑kheer.
3 Wa martak tabga misil chadarat al‑inab
al‑talda katiir fi lubb beetak
wa iyaalak yabgo misil buzuur chadar al‑zaytuun
wakit yagoodu le l‑akil.
4 Wa di bas al‑baraka al‑yalgaaha
ayyi raajil al‑yakhaaf min Allah.
5 Wa min Sahyuun,
Allah yibaarikak
wa inta tichiif al‑kheer fi Madiinat al‑Khudus
muddit kulla ayyaam hayaatak.
6 Wa tichiif iyaal iyaalak.
Khalli Allah yijiib al‑salaam fi Bani Israaʼiil !