Mazmuur le Dawuud
110
1 Allah hajja le siidi al‑malik wa gaal :
« Agood be nussi al‑zeenaay
lahaddi nukhutt udwaanak tihit rijileenak. »
2 Ya siidi !
Min aasimatak Sahyuun,
Allah yiwassiʼ mulkak
wa tahkim fi udwaanak.
3 Wa be niiyithum,
kulla chaʼabak yagiifu maʼaak
wakit tijahhiz askarak
fi l‑jibaal al‑mukhaddasiin.
Wa l‑chabaab yaju leek katiiriin
wa yiraaru giddaamak misil karany al‑fajur.
4 Allah halaf
wa hu yitimm kalaamah al‑buguul :
« Inta bigiit raajil diin daayim
misil Malkisaadikh*. »
5 Ya Allah !
Sahiih siidi al‑malik
gaaʼid be iidak al‑zeene.
Wa be da,
hu yidammir muluuk
fi yoom khadabah.
6 Wa yiʼaakhib al‑umam
wa fiyah jisas al‑maytiin fi ayyi bakaan.
Wa yidammir kubaaraat
hana kulla l‑ard.
7 Wa fi derbah,
hu yachrab min almi al‑rijil
wa be kulla nasrah,
hu yarfaʼ raasah.