Wasiiye le kabiir al‑khannaayiin : Le Dawuud, le yizzakkaro beyah Allah
70
1 Ya Rabb,
najjiini !
Ya Allah,
taʼaal ajala afzaʼni !
2 Al‑yidooru mooti,
khalli al‑eeb wa l‑chamaate yakurbuuhum !
Wa l‑yihibbu leyi al‑charr,
khalli yiʼarrudu wa yakhjalo !
3 Wa l‑yichchammato leyi,
khalli yigabbulu be l‑eeb !
4 Wa kulla l‑yifattuchuuk,
khalli yafraho wa yinbastu beek !
Wa kulla l‑inta najjeethum,
khalli yuguulu daayman :
« Allah hu akbar ! »
5 Laakin ana taʼbaan wa miskiin.
Ya Rabb,
taʼaal leyi ajala,
inta fazaʼi wa najaati !
Ya Allah,
ma tiʼakhkhir !