Wasiiye le kabiir al‑khannaayiin : Le yikhannuuh hasab al‑hiss al‑binaaduuh « Al‑banaat », khine le awlaad Khuurah
46
1 Al‑Rabb hu maljaʼna wa gudritna
wa fazaʼ daayim fi kulli diige.
2 Fi chaan da,
ma nakhaafo min cheyy
wakit al‑ard tilharrak
wa wakit al‑jibaal yinhazzo
fi ust al‑bahar
3 wa almiihum yisawwi haraka wa rikhwe
wa l‑mooj yirajjif al‑jibaal.
Wagfa.
4 Wa laakin fiyah bahar
al‑rujuulah yifarruhu madiinat al‑Rabb,
al‑madiina al‑mukhaddasa
min kulla masaakiin Allah al‑Aali.
5 Al‑Rabb gaaʼid fi usutha
wa hi ma tinhazza.
Al‑Rabb yafzaʼha fi l‑fajur.
6 Al‑umam harajo
wa mamaalik attartaʼo.
Al‑Rabb rafaʼ hissah
wa l‑ard maaʼat !
7 Allah al‑Gaadir maʼaana
aywa,
Ilaah Yaakhuub hu maskanna al‑gawi.
Wagfa.
8 Taʼaalu chiifu aʼmaal Allah !
Hu yijiib al‑bahiite fi l‑ard.
9 Hu yiwaggif al‑harib lahaddi fi aakhir al‑ard
wa yikassir ayyi nubbaal wa harba
wa yiharrig kulla l‑darag.
10 Wa yuguul :
« Khallu al‑silaah
wa aʼarfu kadar ana al‑Rabb,
al‑Aali fi l‑umam wa l‑Aali fi l‑ard. »
11 Allah al‑Gaadir maʼaana
aywa,
Ilaah Yaakhuub hu maskanna al‑gawi.
Wagfa.