Mazmuur le Dawuud
23
1 Allah hu raaʼiiyi
wa cheyy ma yigassir leyi.
2 Fi l‑gechch al‑akhdar,
yiwaddiini
wa fi l‑almi al‑haadi,
yazgiini.
3 Wa be ziyaada,
yijaddid gudurti
wa fi l‑derib al‑adiil,
yuguudni
fi chaan majd usmah.
4 Hatta kan ana maachi
fi l‑dalaam al‑haalik kula,
ma khaayif min cheyy
achaan inta zaatak gaaʼid maʼaayi,
asaatak tahmiini wa dugulak yisaaʼidni.
5 Ya Allah !
Inta azamtini giddaam udwaani
wa sabbeet leyi dihin fi raasi
wa kaasi malaan wa ana rawyaan.
6 Aywa !
Daayman kheer Allah wa rahmatah gaaʼidiin maʼaayi
wa ana naskun fi beet Allah muddit hayaati.