Mazmuur le Dawuud, wakit muʼarrid min wileedah Abchaluum*
3
1 Ya Allah !
Katiiriin udwaani
wa katiiriin yugummu diddi.
2 Wa katiiriin yuguulu foogi :
« Ma fi naja leyah min al‑Rabb !
» Wagfa.
3 Wa laakin,
ya Allah,
inta daragati,
inta azamati wa tarfaʼ raasi.
4 Ninaadi Allah be hiss aali
wa min jabalah al‑mukhaddas,
hu yurudd leyi.
Wagfa.
5 Ana nargud wa nunuum wa nugumm
achaan Allah saaʼadni.
6 Ana ma khaayif min katarat al‑naas
al‑yihawwuguuni wa yahjumuuni.
7 Ya Allah,
gumm !
Najjiini,
ya Ilaahi !
Chaddig kulla udwaani
wa kassir sunuun al‑aasiyiin !
8 Minnak inta,
ya Allah,
taji al‑naja.
Khalli barakatak tukuun fi chaʼabak.
Wagfa.