Awlaad Israaʼiil
2
1 Wa daahu awlaad Israaʼiil.
Wa humman Raʼuubiin wa Chimʼuun wa Laawi wa Yahuuza wa Yassaakar wa Zabuluun
2 wa Daan wa Yuusuf wa Banyaamiin wa Naftaali wa Gaad wa Achiir.
Zurriiyit Yahuuza
3 Wa awlaad Yahuuza humman Iir wa Unaan wa Chiila.
Wa iyaalah al‑talaata dool wildathum leyah martah al‑Kanʼaaniiye wa hi bineeyit Chuuʼ.
Wa laakin Iir bikir Yahuuza bigi naadum fasil giddaam Allah wa Allah jaʼal leyah al‑moot.
4 Wa Taamaar marit wileed Yahuuza wildat le Yahuuza awlaad itneen wa humman Faaris wa Zaarah.
Wa iyaal Yahuuza kulluhum humman khamsa.
5 Wa awlaad Faaris humman Hasruun wa Haamul.
6 Wa awlaad Zaarah humman Zimri wa Itaan wa Heemaan wa Kalkuul wa Daaraʼ.
Wa iyaal Zaarah kulluhum humman khamsa.
7 Wa Akaar* hu wileed Karmi.
Hu bas al‑jaab barjaal fi Bani Israaʼiil wakit isi Allah wa chaal min al‑khumaam al‑haraam.
8 Wa Itaan wilid Azarya.
9 Wa awlaad Hasruun humman Yarhamiil wa Raam wa Kaluubaay.
10 Wa Raam wilid Aminadaab
wa Aminadaab wilid Nahchuun,
cheekh Bani Yahuuza.
11 Wa Nahchuun wilid Salma
wa Salma wilid Buʼaaz.
12 Wa Buʼaaz wilid Ubeed
wa Ubeed wilid Yassa.
13 Wa Yassa wilid Aliyaab al‑bikir wa Abinadaab al‑taani wa Chimʼa al‑taalit
14 wa Nataniil al‑raabiʼ wa Raddaay al‑khaamis
15 wa Usaam al‑saadis wa Dawuud al‑saabiʼ.
16 Wa akhwaathum hinna Saruuya wa Abigaayil.
Wa awlaad Saruuya humman talaata,
Abichaay wa Yuwaab wa Asaahiil.
17 Wa Abigaayil wildat Amaasa wa abu Amaasa hu Yatar al‑Ismaaʼiili.
18 Wa Kaalib wileed Hasruun wilid awlaad min awiinah Azuuba wa Yariʼuut.
Wa awlaadah humman Yachaar wa Chuubaab wa Arduun.
19 Wa Azuuba maatat wa Kaalib akhad mara aakhara usumha Afraata wa hi wildat leyah wileed usmah Huur.
20 Wa Huur wilid Uuri
wa Uuri wilid Basaliil.
21 Wa wakit Hasruun indah 60 sana,
akhad bineeyit Makiir jidd al‑Gilʼaadiyiin.
Wa hi wildat leyah wileed usmah Saguub.
22 Wa Saguub wilid Yayiir wa hu bas al‑indah 23 hillaal fi balad Gilʼaad.
23 Wa laakin al‑Gachuuriyiin wa l‑Araamiyiin chaalo furgaan Yayiir wa madiinat Khanaat wa l‑hillaal al‑taabʼiinha wa kulluhum ke adadhum 60.
Wa kulla l‑naas al‑saakniin fi l‑bakaan da,
humman min zurriiyit Makiir abu Gilʼaad.
24 Wa baʼad moot Hasruun fi hillit Afraata,
Kaalib akhad Abiiya marit Hasruun wa hi wildat leyah wileed usmah Achhuur.
Wa Achhuur da,
hu bas al‑bana madiinat Takhuuʼa.
25 Wa wileed al‑bikir hana Hasruun hu Yarhamiil.
Wa Yarhamiil wilid awlaad wa humman Raam al‑bikir wa Buuna wa Uraan wa Usaam wa Akhiiya.
26 Wa Yarhamiil akhad mara aakhara usumha Ataara.
Wa hi wildat leyah wileed usmah Unaam.
27 Wa awlaad Raam bikir Yarhamiil humman Maʼas wa Yaamiin wa Ikhaar.
28 Wa awlaad Unaam humman Chammaay wa Yaadaʼ.
Wa awlaad Chammaay humman Nadaab wa Abichuur.
29 Wa usum marit Abichuur di Abihaayil.
Wa hi wildat leyah awlaad wa humman Ahbaan wa Muliid.
30 Wa awlaad Nadaab humman Saalid wa Affaayim.
Wa Saalid maat bala wileed.
31 Wa Affaayim wilid Yichʼi
wa Yichʼi wilid Chichaan
wa Chichaan wilid Ahlaay.
32 Wa awlaad Yaadaʼ akhu Chammaay humman Yatar wa Yuunataan.
Wa Yatar maat bala wileed.
33 Wa awlaad Yuunataan humman Faalat wa Zaaza.
Wa dool kulluhum min zurriiyit Yarhamiil.
34 Wa Chichaan ma indah awlaad laakin indah banaat bas.
Wa Chichaan indah abid waahid Masri usmah Yarhaʼ.
35 Wa Chichaan jawwaz bineeytah le Yarhaʼ abdah wa hi wildat wileed usmah Attaay.
36 Wa Attaay wilid Naataan
wa Naataan wilid Zabaad.
37 Wa Zabaad wilid Aflaal
wa Aflaal wilid Ubeed.
38 Wa Ubeed wilid Yaahu
wa Yaahu wilid Azarya.
39 Wa Azarya wilid Haalas
wa Haalas wilid Alʼaasa.
40 Wa Alʼaasa wilid Sismaay
wa Sismaay wilid Challuum.
41 Wa Challuum wilid Yakhamya
wa Yakhamya wilid Alichamaʼ.
42 Wa Kaalib akhu Yarhamiil wilid Miichaʼ wa Mariicha.
Wa Miichaʼ da bas al‑bikir wa hu abu Ziif.
Wa Mariicha da hu abu Habruun.
43 Wa Habruun wilid Khuurah wa Tafuuh wa Raakhim wa Chamaʼ.
44 Wa Chamaʼ wilid Raham
wa Raham wilid Yarukhaʼaam.
Wa Raakhim wilid Chammaay
45 wa Chammaay wilid Maaʼoon
wa Maaʼoon wilid Beet Suur.
46 Wa Kaalib indah sirriiye usumha Ayfa wa hi jaabat leyah iyaal wa humman Harraan wa Mussa wa Gaaziz.
Wa Harraan wilid wileed wa usmah Gaaziz.
47 Wa awlaad Yahdaay humman Ragam wa Yuutaam wa Giichaan wa Faalat wa Iifa wa Chaʼaf.
48 Wa sirriiyit Kaalib al‑usumha Maʼaaka jaabat iyaal wa humman Chabar wa Tirhaana.
49 Wa battaan jaabat Chaʼaf abu Madmanna wa Cheewa abu Makbiina wa Gibeeʼa.
Wa ziyaada min da,
Kaalib indah bineeye usumha Aksa.
50 Wa daahu zurriiye aakhara hana Kaalib.
Min martah Afraata,
Kaalib wilid wileedah al‑bikir usmah Huur.
Huur wilid talaata awlaad wa humman Chuubaal hu al‑bana hillit Kharyat Yaʼariim
51 wa Salma hu al‑bana hillit Beet Laham wa Hariif hu al‑bana hillit Beet Gadiir.
52 Wa Chuubaal bana Kharyat Yaʼariim wa zurriiytah humman sukkaan hillit Haruwa wa nuss sukkaan hillit Manaahat.
53 Wa khuchuum buyuut Kharyat Yaʼariim humman al‑Yitriyiin wa l‑Fuutiyiin wa l‑Chumaatiyiin wa l‑Michraaʼiyiin.
Wa minhum humman dool bas marago Bani Sarʼaat wa Bani Achtawuul.
54 Wa zurriiyit Salma humman naas Beet Laham wa hillit Natuufa wa Ataruut Beet Yuwaab wa nuss sukkaan Manaahat wa l‑Suurʼiyiin.
55 Wa khuchuum buyuut al‑kuttaab al‑saakniin fi Yaʼbiis humman Bani Tirʼaat wa Bani Chimʼaat wa Bani Suukaat.
Wa dool bas al‑Khiiniyiin al‑marago min zurriiyit Hammat jidduhum le Bani Rikaab.