Kitaab al‑Takwiin
min Tawraat Muusa
Mugaddima
Kitaab al‑Takwiin hu awwal kitaab fi Tawraat Muusa. Zamaan, al‑naas yihajju be khuchuumhum maraahil al‑taariikh, wa da bas asaas Kitaab al‑Takwiin. Hasab al‑aade, Kitaab al‑Takwiin wa Kitaab al‑Khuruuj kaatibhum waahid, wa hu Muusa. Wa l‑taariikh da hu kalaam Allah. Wa Allah hafadah fi khuchuum al‑naas lahaddi ja wakit Muusa wa hu katabah, wa sawwaah kitaab. Wa sammooh Kitaab al‑Takwiin, maʼanaatah al‑bidaaya.
Al‑kitaab da yikallim kikkeef Allah khalag al‑dunya wa khalag al‑insaan fi suurtah wa dool abuuna Adam wa ammina Hawwa. Wa battaan al‑kitaab yihajji be jayyit al‑zanib fi l‑dunya wa kikkeef Allah aakhab al‑insaan be sabab zanbah.
Wa baʼad da, Allah dawwar yuguchch kulla naas al‑dunya be l‑kharag be sabab fasaalithum. Wa hu khabbar Nooh le yabni safiina kabiire wa yichiil foogha martah wa iyaalah wa haywaanaat waahidiin le yanjo min al‑kharag.
Wa baʼad da, al‑kitaab yihajji be abuuna Ibraahiim al‑Allah naadaah min balad baʼiide al‑naasha yaʼabudu al‑asnaam. Wa Allah jaabah fi balad Kanʼaan wa waaʼadah kadar yibaarikah hu wa zurriiytah wa yantiihum ard Kanʼaan.
Wa baʼad da, al‑kitaab yihajji be Yaakhuub al‑hu Israaʼiil. Wa awlaadah al‑atnaachar baʼadeen bigo gabaayil Bani Israaʼiil al‑atnaachar.
Wa battaan, al‑kitaab yihajji be Yuusuf wileed Yaakhuub, al‑waddooh fi Masir wa hinaak Allah sawwaah haakim. Wa jaab ahalah sakano maʼaayah fi Masir.
Wa kitaab al‑Takwiin yiʼallimna taʼliim muhimm al‑foogah Allah akkad kadar hu bas khalag al‑dunya wa kulla l‑makhluugiin wa kadar ayyi cheyy gaaʼid tihit hukmah. Wa Allah talab min al‑naas yiʼaamunu beyah wa yitabbugu awaamirah wa yaʼabuduuh. Wa be da, Allah anta hurriiye le l‑insaan. Kan yichiil derbah kula, hu hurr. Wa kan yaaba kula, hu hurr. Wa laakin fi l‑akhiir, al‑insaan yalga natiijat amalah.