الجواب التاني لكُرُنْتُس
من جوابات الرسول بولس
مقدمة
الرسول بُولُس كتب الجواب دا بقُدْرة الروح القُدّوس لجماعة المُؤمِنين القاعدين في حِلّة كُرُنْتُس. هو كتبه أشان يشجِّعهم و يجهِّزهم قُبّال هو ما يمْشي ليهم لتالِت مرّة. و في الجواب دا، هو علّماهم الصبُر الواجِب ليهم في الضيقة و خبّراهم ببركة النادم اليخْدِم للّه في المُعاهدة الجديدة. و في الأخير، هو حذّرهم أشان ما يسْمعوا كلام الناس السوّوا نُفوسهم رُسُل و يدَوْروا يودُّروا المُؤمِنين بكلامهم و فشارهم.
و نعرْفوا من الكلام القاعد في الجواب دا كدر أوّل فيّه مُشْكِلة كبيرة قمّت في أُسْط المُؤمِنين و دهابها كمّلت. و النادم السبّب المُشْكِلة دي قال كلام فسِل في بُولُس. و الجواب يوصِّفنا محبّة الرسول الشديدة و دي المحبّة الواجْبة لأيِّ نادم العِنْده مسْؤوليّة في المُؤمِنين.
اللّه يبارِك أيِّ نادم اليقْري الجواب دا و يطبِّق كلامه. آمين.