وَصِيَّةْ لِكَبِيرْ الْغَنَّايِينْ: مَزْمُورْ لِدَاوُدْ
١٣
١ لِمَتَى،
يَا اللّٰهْ،
تَنْسَانِي دَايْماً؟
لِمَتَى تَابَى مَا تِوَجِّهْ وِجْهَكْ عَلَيِّ؟
٢ لِمَتَى نَقْعُدْ بِهَمّ
وَ بِحِزِنْ فِي قَلْبِي كُلَّ يَوْم؟
لِمَتَى عَدُويِ يِنَّصِرْ فَوْقِي؟
٣ شِيفْ وَ رُدّ لَيِّ،
يَا اللّٰهْ إِلٰـهِي!
خَلِّي عُيُونِي وَاعِيِّينْ فِي الْحَيَاةْ
أَشَانْ مَا نُنُومْ نَوْم الْمَوْت،
٤ وَ عَدُويِ مَا يُقُولْ هُو أَنَّصَرْ فَوْقِي
وَ خُصْمَانِي مَا يَفْرَحَوْا بِوَقَعَانِي.
٥ لَاكِنْ أَنَا مُؤآمِنْ بِرَحْمَتَكْ
وَ أَنَا فَرْحَانْ بِنَجَاتَكْ.
٦ نِغَنِّي لِلّٰهْ
أَشَانْ سَوَّى لَيِّ الْخَيْر.