الإنْسان ما يساوي شيّء
٢٥
١ وَ بِلْدَدْ الْمِنْ شُوحَةْ شَالْ الْكَلَامْ وَ قَالْ:
٢ الرَّبّ هُو الْمَلِكْ الْمُخِيفْ
وَ هُو الْيَحْكِمْ بِالسَّلَامْ فِي الْأَعَالِي.
٣ هَلْ قُوَّاتَهْ بِنْحَسْبُوا وَلَّا؟
وَ فِي يَاتُو،
نُورَهْ مَا يِضَوِّي؟
٤ وَ بَيْدَا كُلَ،
كِكَّيْف الْإِنْسَانْ
يِسَوِّي نَفْسَهْ صَالِحْ قِدَّامْ الرَّبّ؟
وَ كِكَّيْف الْجَابَتَهْ مَرَةْ
يَبْقَى صَافِي قِدَّامَهْ؟
٥ كَنْ الْقَمَرْ كُلَ
مَا عِنْدَهْ نُورْ قِدَّامَهْ
وَ النُّجُومْ كُلَ
مَا وَاضْحِينْ فِي عُيُونَهْ،
٦ كِكَّيْف يُكُونْ الْإِنْسَانْ الْمِثِلْ رِمَّةْ
وَ إِبْن الْإِنْسَانْ الْمِثِلْ دُودْ التُّرَابْ؟