نصُر مَرْدَكَاي
١٠
١ وَ الْمَلِكْ أَشَوِرُوشْ خَطَّ خِدْمَةْ إِجْبَارِيَّةْ فَوْق كُلَّ نَاسْ مَمْلَكَتَهْ لَحَدِّي النَّاسْ السَّاكْنِينْ فِي الْجَزَايِرْ هَنَا الْبَحَرْ كُلَ.
٢ وَ كُلَّ عَمَلْ الْمَلِكْ وَ قُدُرْتَهْ وَ فَرَاسِيّتَهْ وَ كِكَّيْف هُو دَرَّجْ مَرْدَكَايْ وَ شَرَّفَهْ،
كُلَّ الشَّيّءْ دَا مَكْتُوبْ فِي كِتَابْ تَارِيخْ مُلُوكْ الْمَادِيِّينْ وَ الْفَارِسِيِّينْ.
٣ وَ مَرْدَكَايْ الْيَهُودِي بِقِي رَجُلْ التَّانِي لِلْمَلِكْ أَشَوِرُوشْ.
وَ هُو بِقِي نَادُمْ مُهِمّ لِلْيَهُودْ وَ كُلَّ أَخْوَانَهْ الْيَهُودْ يِرِيدُوهْ أَشَانْ هُو يِفَتِّشْ الْخَيْر لِشَعَبَهْ وَ يِهِمّ بِسَلَامِتْهُمْ.