1 أخبار 3

ذُرّية دَاوُد

١ وَ دَاهُو أَوْلَادْ دَاوُدْ الْوِلْدَوْهُمْ لَيَّهْ فِي حِبْرُونْ. أَمْنُونْ الْبِكِرْ وَ أَمَّهْ أُسُمْهَا أَخِنُوعَمُ مِنْ حِلَّةْ يَزْرَعِيلْ. وَ التَّانِي أُسْمَهْ دَنْيَالْ وَ أَمَّهْ أُسُمْهَا أَبِقَايِلْ مِنْ حِلَّةْ كَرْمَلْ. ٢ وَ التَّالِتْ أَبْشَلُومْ وَ أَمَّهْ أُسُمْهَا مَعَاكَةْ بِنَيَّةْ تَلْمَايْ مَلِكْ بَلَدْ قَشُورْ. وَ الرَّابِعْ أَدُنِيَّا وَ أَمَّهْ أُسُمْهَا حَقِّيتْ. ٣ وَ الْخَامِسْ شَفَطْيَا وَ أَمَّهْ أُسُمْهَا أَبِطَالْ. وَ السَّادِسْ يِتْرَعَامْ وَ أَمَّهْ أُسُمْهَا عَقْلَةْ مَرِةْ دَاوُدْ. ٤ وَ دَوْل أَوْلَادْ دَاوُدْ السِّتَّةْ الْوِلْدَوْهُمْ لَيَّهْ فِي وَكِتْ هُو حَكَمْ سَبْعَةْ سَنَةْ وَ سِتَّةْ شَهَرْ فِي حِبْرُونْ. وَ بَعَدْ دَا، حَكَمْ 33 سَنَةْ فِي أُورُشَلِيمْ.

٥ وَ دَاهُو أَوْلَادْ دَاوُدْ الْوِلْدَوْهُمْ لَيَّهْ فِي أُورُشَلِيمْ. هُمَّنْ شِمْعَى وَ شُوبَابْ وَ نَاتَانْ وَ سُلَيْمَانْ وَ الْأَرْبَعَةْ دَوْل أَمُّهُمْ أُسُمْهَا بَتْشَابَعْ بِنَيَّةْ عَمِيِيلْ.

٦ وَ دَاوُدْ عِنْدَهْ أَوْلَادْ آخَرِينْ وَ هُمَّنْ يِبْحَارْ وَ أَلِشَمَعْ وَ أَلِفَالَطْ ٧ وَ نُقَا وَ نَفَقْ وَ يَفِيعَ ٨ وَ أَلِشَمَعْ وَ أَلِيَادَعْ وَ أَلِفَالَطْ عَدَدْهُمْ تِسْعَةْ عِيَالْ. ٩ وَ دَوْل كُلُّهُمْ كَيْ عِيَالْ دَاوُدْ بَلَا عِيَالْ سِرِّيَّاتَهْ. وَ عِنْدَهْ بِنَيَّةْ وَاحِدَةْ أُسُمْهَا تَامَارْ.

١٠ وَ سُلَيْمَانْ وِلِدْ رَحَبْعَامْ

وَ رَحَبْعَامْ وِلِدْ أَبِيَّا

وَ أَبِيَّا وِلِدْ آسَا

وَ آسَا وِلِدْ يَهُوشَفَطْ

١١ وَ يَهُوشَفَطْ وِلِدْ يَهُورَامْ

وَ يَهُورَامْ وِلِدْ أَخَزْيَا

وَ أَخَزْيَا وِلِدْ يُوَاشْ

١٢ وَ يُوَاشْ وِلِدْ أَمَصْيَا

وَ أَمَصْيَا وِلِدْ عُزِّيَّا

وَ عُزِّيَّا وِلِدْ يُوتَامْ

١٣ وَ يُوتَامْ وِلِدْ أَحَازْ

وَ أَحَازْ وِلِدْ حِزْقِيَّا

وَ حِزْقِيَّا وِلِدْ مَنَسَّى

١٤ وَ مَنَسَّى وِلِدْ آمُونْ

وَ آمُونْ وِلِدْ يُوشِيَّا.

١٥ وَ عِيَالْ يُوشِيَّا هُمَّنْ الْبِكِرْ يُوحَنَانْ وَ التَّانِي يَهُويَقِمْ وَ التَّالِتْ صِدْقِيَّا وَ الرَّابِعْ شَلُّومْ.

١٦ وَ يَهُويَقِمْ وِلِدْ يُيَكِينْ وَ صِدْقِيَّا.

١٧ وَ يُيَكِينْ الْوَدَّوْه مَسْجُونْ فِي بَلَدْ بَابِلْ، عِيَالَهْ هُمَّنْ شَلْتِيِيلْ ١٨ وَ مَلْكِيرَامْ وَ فَدَايَا وَ شَنَاصَرْ وَ يَقَمْيَا وَ هُشَمَعْ وَ نَدَبْيَا.

١٩ وَ أَوْلَادْ فَدَايَا هُمَّنْ زَرُبَابِلْ وَ شِمْعِي.

وَ زَرُبَابِلْ عِنْدَهْ أَوْلَادْ إِتْنَيْن هُمَّنْ مَشُلَّامْ وَ حَنَنْيَا وَ أَخُتْهُمْ شَلُومِيَةْ. ٢٠ وَ زَرُبَابِلْ عِنْدَهْ خَمْسَةْ أَوْلَادْ آخَرِينْ وَ هُمَّنْ حَشُوبَا وَ أُهَالْ وَ بَرَكْيَا وَ حَسَدْيَا وَ يُشَبْ حَسَدْ.

٢١ وَ ذُرِّيَّةْ حَنَنْيَا هُمَّنْ فَلَطْيَا وَ يَشَعْيَا وَ أَوْلَادْ رَفَايَا وَ أَوْلَادْ أَرْنَانْ وَ أَوْلَادْ عُبَدْيَا وَ أَوْلَادْ شَكَنْيَا.

٢٢ وَ شَكَنْيَا جَابْ سِتَّةْ أَوْلَادْ وَ هُمَّنْ شَمَعْيَا وَ حَطُّوشْ وَ يِقَالْ وَ بَرِيحْ وَ نَعَرْيَا وَ شَافَاطْ.

٢٣ وَ نَعَرْيَا جَابْ أَوْلَادْ تَلَاتَةْ وَ هُمَّنْ أَلِيُعْنَايْ وَ حِزْقِيَّا وَ عَزْرِقَامْ.

٢٤ وَ أَلِيُعْنَايْ جَابْ أَوْلَادْ سَبْعَةْ وَ هُمَّنْ هُدَوْيَا وَ أَلْيَاشِبْ وَ فَلَايَا وَ عَقُوبْ وَ يُوحَنَانْ وَ دَلَايَا وَ عَنَانِي.