Kakpiʔiligele 22

1 «Mi siinyɛninɛ nɛ́ mi tobilo, ye- lúʔu mi mɛ́, m'bé juu píra ŋáà nī wè bè mi yirimɛ tiɛlɛ juu lè yeli mɛ́.»

2 Bà pe kɛ́nì wi nyaa wi nyu nɛ́ pe ní pe eburu siɛnrɛ nī dè, a pe nɛ́ sɔ́migɔ nɛ̀ pìiri níɛ lúru, a Pɔli wi 'jo: 3 «Zuufuwo wī mi wè, Tarisi kàʔa mɛ́ pe 'mi sii, Silisii tɛ́nimɛ nī. Náʔa Zerizalɛmi kàʔa gáà kire sí nī mi 'liɛ, nɛ ń'nɛ̀ pɛ́nì puu Gamaliyɛli pìtɛnmɛwɛ a wi 'mi tɛnmɛ cɛ̀ngɛ weli tobilo pe nɛ̄ dè. Mi yé mìɛ kɛn nɛ̀ láʔa Kulocɛliɛ kele mɛ́ gèle, majo bɛ̀ yeli ye mìɛni tíɛlɛ bèle pàngɛ gè. 4 A siɛn ó siɛn cé puu gáà nī gè, mi nɛ̂ cé wuʔɔgɔ taʔa ki siɛn nɛ̄ wè a ki cɛ́nì sɛ́nì nyaa bè siɛn kpúu wè. A mi 'pàli puɔ nɛ̀ sɛ́nì le kasuu nī, nàguɔlɔ, nɛ̀ ki cɛlilɛ pínɛ bèle. 5  tíimɛ wè nɛ́ ni mìɛni ní lè, pe bé gbɛ̀ ki juu bé jo kányiʔɛ gī dí peli mɛ́ mi cé pɛ́nì sɛbɛ caa wè nɛ̀ sɛ́nì kɛn we siinyɛninɛ Zuufulo bílì bīɛlɛ baa Damasi kàʔa mɛ́ gè, gìi ki bé tí a mi cé sɛ́nì tɛ́ngɛfɔlilɔ bílì nyaa baa bèle, mi gbɛ̀ pe cò bè puɔ bé sí pe kɔ́ri bè pɛn kàʔa mɛ́ gè pe- pa wuʔɔgɔ taʔa pe nɛ̄.

Pɔli wi 'ki tìɛ mɛni wire 'tɛ́ngɛ nɛ̀ síɛ wè

6 «Bà sí mi 'Damasi kàʔa koligo líɛ gè nɛ waa wè, bà mi sɛ́nì jeri nɔ̀gí kàʔa nɛ̄ gè, cɛngɛ ní gè nyùgo lɛ̀lɛ níì nī lè, cɛri 'sìʔɛrɛ a kpìɛnmɛ páà 'fuu nɛ̀ tìgi nī lè, nɛ̀ càanna kpuʔɔ nɛ̀ mi màʔa nɛ̀ suʔu. 7 A mi 'tìgi nɛ̀ tuu dàala nɛ̄ lè, a mi 'juumɔ páà lúʔu a pi 'jo: ‹, Sɔli, gáa nɛ̄ muɔ nɛ mi wuʔɔ ?›

8 «A mi sí 'siɛnnugoro kɛn dè nɛ́ jo: ‹Kàfɔli, ŋáasiɛn wī ?›

«A wi 'mi yɛ: ‹Mi wī, Zezi wè, wuu wè, mi muɔ nɛ wuʔɔ wè.›

9 «Bìli pe 'puu nɛ́ mi ní bèle, a pe 'kpìɛnmɛ nyaa bè; juumɔ báà sí mi yé lúʔu bè, peli sì cé pire lúʔuʔ. 10 A mi sí 'wi yúgo: ‹, gáa mi 'yɛli bè kpíʔile ?›

«A Kàfɔli wi 'mi yɛ: ‹Yɛ̀ mari waa Damasi kàʔa mɛ́ gè; pe báa muɔ tìɛ kele gílì ke mìɛni gīɛlɛ baa nɛ muɔ siri muɔ- ke kpíʔile gèle.›

11 «Bɛ̀ sí kpìɛnmɛ báà pi cé mi fùn, miì cé ń'nɛ̀ puu nɛ nyaʔa wè, a mi kobinɛnyɛninɛ pe 'mi cò kɔli nɛ̄ nɛ̀ jíin Damasi kàʔa nī gè.

12 «Nàguɔ wáà 'puu baa pe 'puu nɛ wi ye Ananiyasi. Wi 'puu nɛ Kulocɛliɛ kele gbùʔɔrɔ́ gèle, níɛ ti koligo tári gè. Zuufulo bílì pe mìɛni pe 'puu baa kàʔa nī gè, pe 'puu nɛ Ananiyasi wi míɛtanʔa yeri. 13 A wi 'pɛn mi kúrugu nɛ̀ pɛ́nì yéri mi táanni nɛ́ mi yɛ: ‹Mi siinyɛni Sɔli, mi 'jo mari nyaʔa.› Tiɛnugo nī gè a nyapigele ke 'fali nɛ̀ múgu mi nɛ̄, a mi 'wi nyaa. 14 A wi 'jo: ‹Weli tobilo pe Kulocɛliɛ wi 'muɔ nyíɛnɛ nɛ̀ kɔ̀n ma ki cɛ́n gìi gī wire nyɛ́ni kaala lè, ma wire Siɛnsinwɛ cɛ́n wè, ma wi siɛnrɛ lúʔu dè wire tíimɛ nyuɔ nɛ̄. 15 Ki 'nyaa muɔ bága pa puu wi wori ti juufɔli wè siɛnnɛ pe mìɛni mɛ́ bèle, gìi muɔ 'nyaa gè nɛ́ gìi muɔ 'lúʔu gè. 16 Píra ŋáà nī wè, gáa sí muɔ nɛ siri ? Yɛ̀ ma muɔ wè, ma mìɛ jíge ma cìile, dí muɔ kapiʔile ke sí láʔa a muɔ 'wi míʔɛ kire yákuɔ yeri gè.› »

Pɔli wi 'ki juu mɛni Kàfɔli wi 'wire tun kùlogolo kálì wuulo mɛ́ bèle

17 «Bà mi kɛ́nì koli nɛ̀ kɛ́ kàʔa mɛ́ gè, làa nɛ̄ mi 'puu nɛ Kulocɛliɛ náari wè baa Kulocɛliɛ nī gè, a Kulocɛliɛ wi kɛ́nì kaala láà tìɛ mi nɛ̄ kɛnmɛ páà nɛ̄. 18 A mi 'Kàfɔli nyaa wè.

«A wi 'mi yɛ: ‹Te fìɛlɛ́ ma yiri Zerizalɛmi kàʔa nī gè, á kire 'laa bà muɔ 'mi wori juu dè nɛ̀ yige mmɛ gè, piyè je yéri ti nɛ̄ʔ.›

19 «A mi sí jo: ‹Kàfɔli, peli tíimɛ nyɛ́nì ki cɛ́n mi mi 'puu nɛ waa mɛ́ yè nɛ tɛ́ngɛfɔlilɔ cògí bèle nɛ nyɔ́gi kasuu nī wè níɛ pe kpúɔnri wè. 20 Nɛ̀ pínɛ bà pe cé Eciɛnni kpúu wè, muɔ wori ti juufɔli wè, mi 'puu baa ki cɛngɛ gè, a mi 'wúɔ nɛ́ pe ní bàli pe cé wi kpúu wè; mi tíimɛ cɛ mi cé pe bururo suɔ dè nɛ̀ cò.›

21 «A Kàfɔli wi sí jo: ‹Yiri bile náʔa gè, mi je muɔ tun liʔi wuulo mɛ́ wī.› »

Pɔli wi 'ki juu dí wire yē Wurɔmiyé wuu

22 Siɛnniʔɛmɛ pi 'puu nɛ wi siɛnrɛ lúru dè nɛ̀ taa a wi pɛ́nì dàa juu dè. Kire lɛ̀lɛ nī lè a pe 'kòkuʔulo wáa nɛ́ jo: «Ŋàa kpúu wè ma yige bile duniya nī wè ! Wiì yɛli púlo bè kò sìi nɛ̄ʔ !»

23 Bà pe 'puu nɛ kòkuʔulo wáari gèle, níɛ pe bururo fòlilo dè nɛ cáanri dè, níɛ cúbugo yɛ̀gí gè nɛ wáari naamɛ gè, 24 a kapiɛngbuɔnnɔ kàfɔli kpuɔwɔ wi kɛ́nì jo pe- Pɔli kɔ́ri wè pe nyɔ́gɔ baa pe kpáakpuʔɔ ki laamɛ nī bè, pe sí wi kpúɔn nɛ́ sápile ní, pé wi yúgo gáa nɛ̄ siɛnnɛ piyē nɛ kpáala mmɛ gè. 25 Bà pe 'wi puɔ nɛ́ jeri wi kpúɔnri wè, a wi 'juu nɛ́ kapiɛngbuɔnnɔ dabataan kàfɔli ní wè ŋàa wi 'puu baara nɛ̄ dè ki cɛngɛ gè, nɛ́ wi yɛ: «Ki 'yɛli lé yeli wuu kpúɔn lé, bè sí ki taa yeli sì wi kàyuʔu juu gè lé ?»

26 Bà kapiɛngbuɔnnɔ dabataan kàfɔli wi 'siɛnrɛ dáà lúʔu dè, a wi 'kɛ́ nɛ̀ sɛ́nì ti juu pe kàfɔli kpuɔwɔ mɛ́ wè nɛ́ wi yɛ: «Je we yé je pùunni wī tiɛlɛ náà nī lè; nàguɔ ŋáà wè, wuu wī.»

27 A kapiɛngbuɔnnɔ pe kàfɔli kpuɔwɔ wi 'koli nɛ̀ pɛ́nì Pɔli yúgo wè nɛ́ jo: «-Ti juu mi lúʔu wêli, Wurɔmiyé wuu wī muɔ wè lé ?»

A wi 'jo: «ʔaan.»

28 A kapiɛngbuɔnnɔ kàfɔli kpuɔwɔ wi 'jo: «Mi wè, wali nìʔɛgɛ mi 'sàri nɛ́ nɛ́ gbɛ̀n nɛ̀ kò Wurɔmiyé wuu wè.»

A Pɔli wi sí wi yɛ: «Mi wè, mi sí nyɛ́nì sii nɛ ní Wurɔmiyé wuu wī.»

29 Fáari fáari, bìli pe yé je wi kpúɔn sápile ní lè dí wi sí juu wè, a pe 'wi yaʔa. Kapiɛngbuɔnnɔ kàfɔli kpuɔwɔ wire wè, a fíɛrɛ 'yɛ̀ nɛ wi cògí, bà wi kɛ́nì ki 'nyaa Wurɔmiyé wuu wire yé cò nɛ̀ puɔ wè.

30 Ki kpìɛnduu gè, kapiɛngbuɔnnɔ kàfɔli kpuɔwɔ wi 'puu nɛ caa bè kányiʔɛ ki mìɛni cɛ́n, gìi nɛ̄ Zuufulo pe 'puu nɛ Pɔli túngu wè. A wi 'nɛ̀gɛjɔliyɔ yige yè wi mɛ́ kiyɛ nɛ̄ yè, píra ŋáà nī wè nɛ́ sí yeri bèle peli nɛ́ Zuufulo pe wuulo pe mìɛni ní bèle, a pe 'pìye pínɛ, nɛ́ sí Pɔli kɔ́ri wè nɛ̀ sɛ́nì wi yérige baa yiʔɛ mɛ́ gè.