Yewe bànguɔ dɛ́nigɛ kiī baa súuri lɛ̀lɛ ó lɛ̀lɛ nī !
136
1 Yeri Yewe síɛri wè, nɛ́ ki cɛ́n wi nyɛ́nì nyuɔ,nɛ́ ki cɛ́n wi bànguɔ dɛ́nigɛ kiī baa súuria !
2 Yeri wi síɛri, wire ŋáà wi 'kpúʔɔ nɛ̀ tóri kulocɛlɛlɛ pe mìɛni nɛ̄ bèle,
nɛ́ ki cɛ́n wi bànguɔ dɛ́nigɛ kiī baa súuri !
3 Yeri wi síɛri, wire ŋáà wi 'kpúʔɔ nɛ̀ tóri kàfɔlilɔ pe mìɛni nɛ̄ bèle,
nɛ́ ki cɛ́n wi bànguɔ dɛ́nigɛ kiī baa súuri !
4 Wire nigbe wi funwuɔrɔ kakpoliyo kpínʔini yè,
nɛ́ ki cɛ́n wi bànguɔ dɛ́nigɛ kiī baa súuri !
5 Wire wi 'nyìʔɛnɛ faan lè nɛ́ wi sícilige ní gèb,
nɛ́ ki cɛ́n wi bànguɔ dɛ́nigɛ kiī baa súuri !
6 Wire wi 'dàala faan lè nɛ̀ taʔa luʔɔ naamɛ gèc,
nɛ́ ki cɛ́n wi bànguɔ dɛ́nigɛ kiī baa súuri !
7 Wire wi 'kpìɛnmɛcaan yakpoliyo faan yèd,
nɛ́ ki cɛ́n wi bànguɔ dɛ́nigɛ kiī baa súuri !
8 Wi 'cɛngɛ faan gè gàa ki cɛnyɛ kàrigí yè,
nɛ́ ki cɛ́n wi bànguɔ dɛ́nigɛ kiī baa súuri !
9 Wi 'yege nɛ́ ŋɔgɔlɔ faan gèle gàli ke pìliye kàrigí yè,
nɛ́ ki cɛ́n wi bànguɔ dɛ́nigɛ kiī baa súuri !
10 Wire wi 'Ezipiti kùlo jaafɔpelile kpúɔn bèle nɛ̀ kpúue,
nɛ́ ki cɛ́n wi bànguɔ dɛ́nigɛ kiī baa súuri !
11 A wi 'Isirayɛliyé siɛnnɛ yige bèle pe sunʔɔmɔ nī bèf,
nɛ́ ki cɛ́n wi bànguɔ dɛ́nigɛ kiī baa súuri !
12 Wi 'wi ŋɔri kɔli 'sáʔa gè nɛ̀ pe yige wi fànʔa ní gèg,
nɛ́ ki cɛ́n wi bànguɔ dɛ́nigɛ kiī baa súuri !
13 Wi 'Nyàʔanivɛgɛ Tiire kuʔɔjii ceri wè tiɛyɛ siin,
nɛ́ ki cɛ́n wi bànguɔ dɛ́nigɛ kiī baa súuri !
14 A wi 'Isirayɛli siɛnnɛ jeli bèle ki sunʔɔmɔ nī bè,
nɛ́ ki cɛ́n wi bànguɔ dɛ́nigɛ kiī baa súuri !
15 Nɛ́ sí Farawɔn nɛ́ wi kapiɛngbuɔnnɔ wáa bèle Nyàʔanivɛgɛ Tiire kuʔɔjii nī wè,
nɛ́ ki cɛ́n wi bànguɔ dɛ́nigɛ kiī baa súuri !
16 Wi 'wi siɛnnɛ pe yiʔɛ kíni waama kùlo nī lèh,
nɛ́ ki cɛ́n wi bànguɔ dɛ́nigɛ kiī baa súuri !
17 Wi 'kùlofɔgbolilo kpúɔn bèle nɛ̀ pe jáai,
nɛ́ ki cɛ́n wi bànguɔ dɛ́nigɛ kiī baa súuri !
18 Wi 'kùlofɔlilɔ kpúu, bàli pe 'puu nɛ́ ŋɔri ní dè,
nɛ́ ki cɛ́n wi bànguɔ dɛ́nigɛ kiī baa súuri:
19 Sikɔn wè, Amɔriyé kùlofɔli wèj,
nɛ́ ki cɛ́n wi bànguɔ dɛ́nigɛ kiī baa súuri,
20 nɛ́ Ɔgi ní wè, Basan kùlofɔli wèk,
nɛ́ ki cɛ́n wi bànguɔ dɛ́nigɛ kiī baa súuri !
21 A wi 'pe dàala kɛn lè wi siɛnnɛ mɛ́ bèle kɔrigɔ,
nɛ́ ki cɛ́n wi bànguɔ dɛ́nigɛ kiī baa súuri !
22 Wi 'ni kɛn wi baakuɔwɔ Isirayɛli mɛ́ wè kɔrigɔ,
nɛ́ ki cɛ́n wi bànguɔ dɛ́nigɛ kiī baa súuri !
23 Wi yé sɔ̀ngi nɛ̀ taa nɛ́ weli ní bà weli 'puu weli màama lɛ̀lɛ nī lè,
nɛ́ ki cɛ́n wi bànguɔ dɛ́nigɛ kiī baa súuri !
24 Wire wi 'wéli píle nɛ̀ suɔ weli parifɔlilɔ mɛ́ bèle,
nɛ́ ki cɛ́n wi bànguɔ dɛ́nigɛ kiī baa súuri !
25 Wi nɛ̂ yaliire kɛn siɛnnɛ nɛ́ yawiire ti mìɛni mɛ́ dèl,
nɛ́ ki cɛ́n wi bànguɔ dɛ́nigɛ kiī baa súuri !
26 Yeri nyìʔɛnɛ Kulocɛliɛ síɛri wè,
nɛ́ ki cɛ́n wi bànguɔ dɛ́nigɛ kiī baa súuri !