Pe 'tún nɛ́ mi ní; pìye jáa mi nɛ̄ʔ
129
1 Fundaanra tánʔagbuɔlɔ ŋúnugo gī.
Nɛ̀ ki líɛ baa mi nàgapunmɔ lɛ̀lɛ nī lè a pe 'tún nɛ́ mi ní.
Isirayɛlia yo, ma ki juu ma jo:
2 Nɛ̀ ki líɛ baa mi nàgapunmɔ lɛ̀lɛ nī lè a pe 'tún nɛ́ mi ní,
nɛ̀ ki yaʔa, piyè jáa mi nɛ̄ʔb.
3 Pe 'mi kpúɔn nɛ kàduʔu fari gè,
majo bɛ̀ pe sánbigele fáli gèle kɛnmɛ bíì nɛ̄ bè.
4 Nɛ̀ ki yaʔa Yewe nyɛ́nì sín, a wi 'màʔagɛlɛ celile gèle,
gàli siɛncuʔɔlɔ pe yé líɛ nɛ̀ mi puɔ wè.
5 Bàli pe mìɛni Siyɔn kàʔa ki 'pe biɛn bèle,
‑ki yaʔa fìɛrɛ‑ tɔ́n pe nɛ̄ pe sí koli kàduʔu mɛ́ !
6 ‑Ki yaʔa pe‑ puu bɛ̀ nyàʔa tíɛlɛ gàa ki fíin binyɛ naamɛ gè,
gàa ki waʔa sɛ́ni pe ki kɔ́ligi gè.
7 Ŋàa wi 'ki kɔni gè, kiǐ gbɛ̀ wi kagbuunyɛni kúɔʔ.
Ŋàa wi nyàpuɔlɔ puu lè, kiǐ cɛ gbɛ̀ nyàpuɔlɔ kúɔʔ.
8 Kodorilo piyě ní de ki nyuʔ bè joʔ: «Yewe wi‑ diba taʔa wè yeli nɛ̄ !
Weli nɛ diba kpínʔini wè yeli mɛ́ Yewe míʔɛ nɛ̄ gè !»