Mi nɛ yanyige caa
120
1 Fundaanra tánʔagbuɔlɔ ŋúnugo gīa.
Mi funbiɛnrɛ nī dè, a mi 'kòkuulo wáa Yewe mɛ́ wè, a wi 'lúʔu m'mɛ́.
2 Yewe yo, ma mi píle ma suɔ káfinɛvinɛnɛ nyuɔyɔ mɛ́ yè,
nɛ́ pe siɛnfaanni nyigele ní gèle.
3 Siɛnfaanni nyigele yo, gáa cɛ Yewe wi bága kpíʔile bè yeli wuʔɔ ?
Gáa wi bága fàri kire wuʔɔgɔ nɛ̄ gè ?
4 Wi bága kapiɛngbuɔn ŋaaya tìrige yè yeli nɛ̄,
nyàa pe 'le kàsunnɛganʔana nī gèle nɛ̀ yi kpúɔn nɛ̀ fìrige yè.
5 Yawuʔɔ gī mi nɛ̄, bɛ̀ mi pɛ́nì kò nabɔnwɔ liilige Mɛsɛki kùlob nī lè,
bé ní kò Kedari bùguroc nī dè.
6 Ki 'mɔgɔ nɛ̀ cáanri mi yē tɛ́niwɛ
pàli sunʔɔmɔ nī bàli yanyige ki 'biɛn gè.
7 Mi nɛ yanyige caa, nɛ̀ ki yaʔa a mi nɛ yanyige wuʔu nyu gè,
peli bèle, peli níɛ kapiɛnnɛ caa.