Ŋúnuyɔ 113

Yewe wiī duniya wi mìɛni naamɛ

1  !

Yeli bálì bīɛlɛ baakuɔlɔ bèle, yeri Yewe míʔɛ gè !

2  'yɛli ti de tari Yewe míʔɛ nɛ̄ gè,

bè ki séli ŋɔ̀ wè fúɔ lɛ̀lɛ ó lɛ̀lɛ !

3 Cɛngɛnyɛnifoligɔli mɛ́ gè bè sa nɔ̀ cɛngɛnyɛnijiingɔli mɛ́ gè,

siɛnnɛ peri Yewe míʔɛ kpóri gè !

4 Yewe wiī kùlogolo ke mìɛni naamɛ;

wi kpuɔmɔ piī nyìʔɛnɛ naamɛ wómiwomi !

5 Ŋáa wī bɛ̀ Yewe weli Kulocɛliɛ tíɛlɛ wè ?

Wiī baa tɛ́niwɛ wi kùlofɔlilɔ kácunʔɔ nɛ̄ gè

tiɛliiliye nī yè,

6 níɛ̀ nyùgo cùungu gè nɛ̀ nyìʔɛnɛ nɛ́ dàala wéli lè.

7 Wire wiī nɛ fɔ̀ngɔfɔlilɔ yigi bèle fuɔnrɔ nī dè,

níɛ fuunmɔfɔlilɔ yigi bèle káfugo nī gè,

8 bè pe kpíʔile pe‑ tɛ́ni nɛ́ siɛnkpolilo ní bèle,

wi kùlo siɛnnɛ siɛnkpolilo bèle.

9 Wiī nɛ ki kpínʔini cɛliwɛ ŋáà wī sìndigicuɔ wè,

wire nɛ̂ kò pìile nuu nɛ̀ fundaanra taa.

 !