Yewe nigbe wī Kulocɛliɛ wè
100
1 Ŋúnudanʔa gáà pe ŋú nɛ́ yakpuɔnrɔ ní dè, bè Yewe síɛri wè.
Duniya siɛnnɛ ye mìɛni yeri fundaanra yékpuʔulo wáari Yewe mɛ́ wè !
2 Yeri baara Yewe mɛ́ wè nɛ́ fundaanra ní;
yeri báan wi yiʔɛ mɛ́ gè nɛ́ fundaanra ŋúnuyɔ ní yè !
3 Ye‑ ki sɔ́migɔ ye cɛ́n, Yewe nigbe wī Kulocɛliɛ wè !
Wire wi 'weli faan; weli yē wi wuulo.
Weli yē wi tògo wuulo, nɛ́ ní wi sìnbatogo gáà wi nári gè.
4 Yeri jiin wi Gbùʔɔrɔsaʔa wiʔile nī gèle nɛ́ síɛrigɛ ní,
yeri jiin wi dàliyɛ nī yè nɛ́ gbùʔɔrilɔ nía !
Ye‑ wi gbùʔɔrɔ ye kpuʔɔrɔ taʔa wi míʔɛ nɛ̄ gèb !
5 Nɛ́ ki cɛ́n Yewe nyɛ́nì nyuɔ: wi bànguɔ dɛ́nigɛ kiī baa lɛ̀lɛ ó lɛ̀lɛ nī,
wi kányiʔɛ kaala niī nɛ mɔgi súuri kɛ̀ngɛlɛ ke mìɛni nīc.