Ŋúnuyɔ 21

Yewe, nicii, suɔlɔ náà muɔ 'kɛn kùlofɔli mɛ́ wè !

1 Ŋúnuŋuminɔ yiɛginiwɛ wuʔu gī. ŋúnudanʔa gī gàa pe ŋú nɛ́ yakpuɔnrɔ ní dè.

2  yo, kùlofɔli wiī nɛ muguri muɔ ŋɔri ti wuʔu nɛ̄ gè.

Wi fundaanra ti 'kpúʔɔ nɛ̀ tóri,

gàa muɔ 'kpíʔile nɛ̀ suɔlɔ kɛn lè wi mɛ́ wè.

3 Muɔ 'ki kɛn wi mɛ́ gàa wi fungo ki 'puu nɛ caa gè;

muɔ sì cíi wi nyuɔ náarigɛ nɛ̄ gèʔ. Ye‑ ŋɔ́ cɛ̀.

4 Nɛ́ ki cɛ́n muɔ nɛ̂ wi kpàli,

níɛ diba tari wè wi nɛ̄, diba ŋáà wi 'sɔ́migɔ nɛ̀ nyuɔ wè.

Muɔ nɛ̂ tiɛ ndɔ̀ngɔ tɔ́n gè kùlofɔli wi nyùgo nɛ̄ gè.

5 Wi nyɛ́nì sìi náari wè muɔ mɛ́, a muɔ 'wi kɛn wi mɛ́,

sìi cɛnyɛ nyáà yi 'niʔɛ yè, fúɔ nɛ̀ wi tín wè.

6 Muɔ 'wi kpúʔɔ kányiʔɛ ní nɛ́ suɔlɔ ní lè nàa muɔ 'kɛn wi mɛ́ lè.

Muɔ 'nyíʔɛnimɛ nɛ́ kpuɔmɔ le bè wi nɛ̄

bɛ̀ burugo tíɛlɛ gàa ki 'nyíʔɛnɛ gè.

7 Bɛ̀ muɔ nɛ diba tari wè wi nɛ̄ wè,

siɛnnɛ míɛni pe béri diba tari wè siɛnnɛ nɛ̄ bèle

wire kɛnmɛ nɛ̄ lɛ̀lɛ ó lɛ̀lɛ nī.

Muɔ 'wi fungo nyì gè fundaanra nɛ̄ muɔ yiʔɛ mɛ́ gè.

8 Nɛ́ ki cɛ́n kùlofɔli wi 'wi sɔ̀ngirɔ taʔa dè Yewe nɛ̄,

Kulocɛliɛ ŋáà wī ,

wi bànguɔ dɛ́nigɛ kire kɛnmɛ nɛ̄ bè,

wiǐ gbɛ̀ jáa bè láʔa duuʔ.

9 Muɔ kɔli ki bé muɔ leguulo pe mìɛni cò bèle;

muɔ kàliige ki bé pe taa jò bàli muɔ 'biɛn bèle.

10 A muɔ kɛ́nì pɛ́nì mìɛ tìɛ cɛngɛ gíì gè,

muɔ bé pe kpíʔile bɛ̀ kàsunkpuʔɔ tíɛlɛ gàa ki sórigi gè;

Yewe bé pe júɔ wi fundanʔanigɛ lɛ̀lɛ nī lè;

kàsun ki bé pe sórigo.

11 Muɔ bé pe wésiile cúʔɔ bèle bè yige dàala nī lè,

pe siimɛ bè, lewiile nī bèle.

12 A pe 'sìpiʔi sɔ̀ngi nɛ́ muɔ ní wè,

nɛ́ sɛ́nì pìye nyaa nɛ́ kpìlikpili puɔ wè, wiǐ nyuɔ pe nɛ̄ʔ.

13 Nɛ́ ki cɛ́n muɔ bé ki kpíʔile pe bé kàduʔu wáa bè fɛ̀,

nɛ́ muɔ ní yè, nyàa muɔ nɛ ŋɔgi yè pe yiɛyɛ nī yè.

14 Yewe yo, ki 'yɛli siɛnnɛ peri muɔ kpóri muɔ ŋɔri tire kɛnmɛ nɛ̄ !

Weli béri muɔ fànʔa ŋúnuyɔ nii yè, bèri muɔ .