Yewe kpuɔmɔ nɛ́ siɛn wobo bè
8
1 Ŋúnuŋuminɔ yiɛginiwɛ wuʔu gī. Dawuda ŋúnudanʔa gī gàa pe ŋú nɛ́ yakpuɔnrɔ ní dè, Gatiyéa gɔri wè.
2 ʔé Yewe, weli Kàfɔli, kányiʔɛ nɛ̄,
muɔ míʔɛ ki tɔ̀ni yē kpuʔɔ dàala ni mìɛni nī díɛʔ !
Muɔ kpuɔmɔ pi 'kpúʔɔ nɛ̀ tóri nyìʔɛnɛ kpuɔmɔ nɛ̄ bè.
3 Muɔ 'ki kpíʔile pìile nɛ́ pìfiɛnyɛ yi‑ muɔ gbùʔɔrɔb
bè muɔ leguulo pe nyuɔyɔ tɔ́n yè,
kire ga buu pe fǎga pe fuʔɔ tɔ́n gèʔ.
4 A mi 'nyìʔɛnɛ wéli lè, nàa nī muɔ kiyɛ yakpiʔilige gè,
yege gè nɛ́ ŋɔgɔlɔ ní gèle gàli muɔ 'kóri nɛ̀ yérige nyìʔɛnɛ nī lè,
5 ŋáa wī siɛn wè, dí muɔ de sɔ̀ngí de taʔa nɛ́ wi ní wè,
lewiile bèle, dí muɔ de pe wuʔu sɔ̀ngí gèc ?
6 Muɔ 'siɛn kpíʔile wè nɛ̀ wi cɛ́rigɛ cɛ̀ muɔ tíimɛ nɛ̄, Kulocɛliɛd.
Muɔ 'kùlofɔli ndɔ̀ngɔ tɔ́n gè wi nɛ̄
bè kpuɔmɔ nɛ́ kpuʔɔrɔ taʔa dè wi nɛ̄.
7 Muɔ 'siɛn tɛ́ngɛ wè muɔ kɔli yafaanra ti mìɛni nyùgo nɛ̄,
nɛ́ yɛrɛ ti mìɛni tɛ́ngɛ wi tɔliyɔ láara yèe:
8 sìnbaala nɛ́ nìɛyɛ yi mìɛni yè, nɛ́ míɛni nyàʔayɛrɛ ní dè,
9 nɛ́ yafinide ní dè dàa dī nyìʔɛnɛ nī lè, nɛ́ fúɔlɔ ní bèle kuʔɔjii luʔɔ nī gè,
nɛ́ yɛrɛ ti mìɛni ní dè dàa ti tòrí kuʔɔjii koliyo nī yè.
10 ʔé Yewe, weli Kàfɔli, kányiʔɛ nɛ̄,
muɔ míʔɛ ki tɔ̀ni yē kpuʔɔ dàala ni mìɛni nī lè díɛʔ !