Tɔ́rilɔ 29

Kàkpaanya Wíijɛngɛ yakɔnrɔ wori dè

1 A Yewe ń'nɛ̀ ki juu nɛ́ jo: «Yeye kɔlisiinwuʔu nɛ̄ gè, ki cɛnbelige gè, ki bé puu gè. Yeli bé yeli gboli kpuɔlɔ pínɛ lè bè Yewe gbùʔɔrɔ wè; yeli sǐ ga tíi yeli kele kúɔ gèleʔ. Kire cɛngɛ ki bé puu yeli mɛ́ yeli de kàkpaanya wíi yè, yiri tùngú.

2 «Yeli bé kɔ̀n dè mɛ́ dàa nùdaanna ni nyɛ́ni Yewe fungo nyígi gè, dàa dī nɛ̀piɛyɛlilɛ nigbe, nɛ́ sìnbapɔli nigbe, nɛ́ yiɛlɛ nigbe sìnbapɛngɛlɛ kɔlisiin ní gèle. Ti mìɛni 'yɛli bè puu kpɔlidiɛlɛ fùn. 3 Ti mìɛni yaliire ti bé puu míifuɔnibɔ báà pe 'nyaʔami nɛ́ sùnmɔ ní bè. Nɛ̀piɛyɛlilɛ ó nɛ̀piɛyɛlilɛ nɛ̄ lè, ti bé puu gbɔngbonyiʔɛ tílaya kiɛ ki tiɛyɛ taanri yè. Sìnbapɔli ó sìnbapɔli nɛ̄ wè, ti bé puu juubaanyɛni nigbe. 4 Sìnbapɛngɛlɛ gálì ke mìɛni kɔlisiin nɛ̄ gèle, ti bé puu juubaanyɛni tílaga.

5 «Yeli 'yɛli bè síkapɛnnɛ nigbe kɔ̀n míɛni Yewe mɛ́; pe bé ti líɛ bè kàsulugosuɔ kele kúɔ gèle yeli mɛ́. 6 Dàa tire ti mìɛni bé fàri yevɔnyɔ ó yevɔnyɔ kakuɔrɔ kaasuʔuro nɛ̄ dè nɛ́ ti yaliire yakɛnrɛ ní dè, nɛ́ míɛni cɛngɛ ó cɛngɛ kakuɔrɔ kaasuʔuro dáà tiǐ gbɛ̀ yaʔa dèʔ, nɛ́ ti yaliire yakɛnrɛ, nɛ́ ti kakuɔrɔ diviɛn ní wè nɛ̀ yɛli nɛ́ ti tìɛgɛnmɛ ní bè, dàa nùdaanna ni nyɛ́ni Yewe fungo nyígi gè. Dàa tire dī kakuɔrɔ yakɔnrɔ dè dè.»

Kapiʔile Kàsulugosuɔ cɛngɛ yakɔnrɔ wori dè

7 «Yeye kɔlisiinwuʔu nɛ̄ gè, ki cɛnyɛ kiɛwuʔu nɛ̄ gè, yeli bé yeli gboli kpuɔlɔ pínɛ lè bè Yewe gbùʔɔrɔ wè, gī. Yeli bé yìye cɛ́rigɛ bè kò sun le nī, yeli sǐ ga tíi yeli kele kúɔ gèleʔ.

8 «Yeli bé sí kɔ̀n dè mɛ́ dàa nùdaanna ni nyɛ́ni Yewe fungo nyígi gè, dàa dī nɛ̀piɛyɛlilɛ nigbe, nɛ́ sìnbapɔli nigbe, nɛ́ yiɛlɛ nigbe sìnbapɛngɛlɛ kɔlisiin. Ti mìɛni 'yɛli bè puu kpɔlidiɛlɛ fùn. 9 Ti mìɛni yaliire ti bé puu míifuɔnibɔ báà pe 'nyaʔami nɛ́ sùnmɔ ní bè. Nɛ̀piɛyɛlilɛ nɛ̄ lè, ti bé puu gbɔngbonyiʔɛ tílaya kiɛ ki tiɛyɛ taanri yè. Sìnbapɔli nɛ̄ wè, ti bé puu juubaanyɛni nigbe. 10 Sìnbapɛngɛlɛ gálì ke mìɛni kɔlisiin nɛ̄ gèle, ti bé puu juubaanyɛni tílaga nigbe.

11 «Yeli 'yɛli bè síkapɛnnɛ nigbe kɔ̀n míɛni Yewe mɛ́. Tire kakuɔrɔ dáà ti bé fàri kapiʔile kàsulugo kakuɔrɔ nɛ̄ dè dàa pe bé líɛ bè kàsulugosuɔ kele kúɔ gèle, nɛ́ cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ ní dè nɛ́ ti kakuɔrɔ diviɛn ní wè.»

Kpátaapigele Fundaanra tánʔagbuɔlɔ yakɔnrɔ wori dè

12 «Yeli bé tánʔa lè bé yeli gboli kpuɔlɔ pínɛ lè bè gbùʔɔrɔ wè, yeye kɔlisiinwuʔu nɛ̄ gè ki cɛnyɛ kiɛ nɛ́ kogunɔwuʔu nɛ̄ gè; dī. Yeli sǐ ga tíi yeli kele kúɔ gèleʔ. Cɛnyɛ kɔlisiin nī yè, ki bé puu fundaanra yeli mɛ́ Yewe yiʔɛ mɛ́ gè.

13 «Yeli 'yɛli bè kɔ̀n dè, dàa nùdaanna ni nyɛ́ni Yewe fungo nyígi gè, dàa dī nɛ̀piɛyɛligɛlɛ kiɛ nɛ́ taanri gèle, nɛ́ sìnbapɔlilɔ siin, nɛ́ yiɛlɛ nigbe sìnbapɛngɛlɛ kiɛ nɛ́ sicɛri ní gèle. Ti mìɛni 'yɛli bè puu kpɔlidiɛlɛ fùn. 14 Ti mìɛni yaliire ti bé puu míifuɔnibɔ báà pe 'nyaʔami nɛ́ sùnmɔ ní bè. Nɛ̀piɛyɛligɛlɛ kiɛ nɛ́ taanri nɛ̄ gèle, ke mìɛni nigbe nigbe nɛ̄ gèle, ki bé puu gbɔngbonyiʔɛ tílaya kiɛ ki tiɛyɛ taanri yè. Sìnbapɔlilɔ siin nɛ̄ bèle, pe mìɛni nigbe nigbe nɛ̄ wè, ki bé puu juubaanyɛni nigbe. 15 Sìnbapɛngɛlɛ kiɛ nɛ́ sicɛri nɛ̄ gèle, ke mìɛni nigbe nigbe nɛ̄ wè, ki bé puu juubaanyɛni tílaga nigbe.

16 «Yeli 'yɛli bè síkapɛnnɛ nigbe kɔ̀n míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

17 «Cɛnyɛ siinwuʔu nɛ̄ gè, yeli bé nɛ̀piɛyɛligɛlɛ kiɛ nɛ́ siin, nɛ́ sìnbapɔlilɔ siin, nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 18 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

19 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

20 «Cɛnyɛ taanriwuʔu nɛ̄ gè, yeli bé nɛ̀piɛyɛligɛlɛ kiɛ nɛ́ nigbe, nɛ́ sìnbapɔlilɔ siin, nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 21 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

22 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

23 «Cɛnyɛ sicɛriwuʔu nɛ̄ gè, yeli bé nɛ̀piɛyɛligɛlɛ kiɛ, nɛ́ sìnbapɔlilɔ siin nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 24 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

25 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

26 «Cɛnyɛ kogunɔwuʔu nɛ̄ gè, yeli bé nɛ̀piɛyɛligɛlɛ kacɛri, nɛ́ sìnbapɔlilɔ siin nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 27 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

28 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

29 «Cɛnyɛ kɔliniwuʔu nɛ̄ gè, yeli bé nɛ̀piɛyɛligɛlɛ kataanri, nɛ́ sìnbapɔlilɔ siin nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 30 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

31 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

32 «Cɛnyɛ kɔlisiinwuʔu nɛ̄ gè, yeli bé nɛ̀piɛyɛligɛlɛ kɔlisiin, nɛ́ sìnbapɔlilɔ siin nɛ́ yiɛlɛ nigbe sìnbapɛngɛlɛ kiɛ nɛ́ sicɛri kɔ̀n. Ti mìɛni 'yɛli bè puu kpɔlidiɛlɛ fùn. 33 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

34 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

35 «Cɛnyɛ kataanriwuʔu nɛ̄ gè, yeli bé yeli gboli kpuɔlɔ pínɛ lè bè Yewe gbùʔɔrɔ wè; yeli sǐ ga tíi yeli kele kúɔ gèleʔ. 36 Yeli bé sí kakuɔrɔ kaasuʔuro kɔ̀n dè Yewe mɛ́ dàa nùdaanna ni nyɛ́ni Yewe fungo nyígi gè, dàa dī nɛ̀piɛyɛlilɛ nigbe, nɛ́ sìnbapɔli nigbe, nɛ́ yiɛlɛ nigbe sìnbapɛngɛlɛ kɔlisiin. Ti mìɛni yɛli bè puu kpɔlidiɛlɛ fùn. 37 Yajuʔu ó yajuʔu kaara nɛ̄ dè, nɛ̀piɛyɛligɛlɛ nɛ́ sìnbapɔlilɔ nɛ́ sìnbapɛngɛlɛ kaara nɛ̄ dè, yaliire yakɛnrɛ bé puu ti mìɛni nigbe nigbe nɛ̄ dè nɛ́ ti kakuɔrɔ diviɛn ní wè, nɛ̀ yɛli nɛ́ ti niʔɛgɛnmɛ ní bè nɛ́ ti tìɛgɛnmɛ ní bè.

38 «Yeli 'yɛli bè síkapɛnnɛ nigbe kɔ̀n kapiʔile kàsulugo kakuɔrɔ míɛni Yewe mɛ́, bè ti fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dèʔ, nɛ́ ti yaliire yakɛnrɛ dè nɛ́ ti kakuɔrɔ diviɛn ní wè.

39 «Dàa tire ti mìɛni dī yeli béri kɔ̀ngí de kanʔa Yewe mɛ́ wè, yeli Yewe kpàli lɛ̀gɛlɛ nī gèle, nɛ̀ fàri yeli dáà wori míɛni yeli yé wè, nɛ́ yeli ní dè, nɛ́ yeli kakuɔrɔ kaasuʔuro ní dè, nɛ́ yeli yaliire yakɛnrɛ ní dè, nɛ́ yeli kakuɔrɔ diviɛn ní wè, nɛ́ yeli ní dè.»