Yirile 35

PE 'YEWE KORIDIʔƐ KPIʔILE GE

(35.1–40.38)

Yewe wi 'cɛndɛnigɛ wuʔu juu gè nɛ̀ fùgu

1 A tògo siɛnnɛ pe mìɛni yeri nɛ̀ gbuʔulo nɛ́ ki juu pe mɛ́ nɛ́ jo: «Siɛnrɛ ti n'dɛ dàa 'juu nɛ̀ gbɛ̀ngɛ dè kire ga buu yeli de tári de yɛligi nɛ́ ti ní: 2 Yeli bé yeli baara ti mìɛni kúɔ cɛnyɛ kɔlini sunʔɔmɔ nī, nɛ̀ ki yaʔa cɛnyɛ kɔlisiinwuʔu gè kire bé puu yeli mɛ́ nɛ́ ní cɛnŋɔdaʔa wàlidɛngɛgɛ Yewe mɛ́ wè; yeli sǐ baara yafiɛn kúɔʔ. A siɛn ó siɛn 'baara kúɔ kire cɛngɛ gè, pe bé wi kpúu wī. 3 Yeli sì yɛli bè kàsun le kire cɛngɛ gè yeli saʔa káà nigbe nī cɛndɛnigɛ cɛngɛ gèʔ.»

Misa 'jo Isirayɛliyé pe- kpuʔɔrɔ kɛn dè

4 A kɛ́nì ki juu tògo siɛnnɛ mɛ́ bèle nɛ́ jo: «Ki n'gɛ kakpiʔiligele gálì 'juu nɛ̀ gbɛ̀ngɛ nɛ́ jo ye- ke kpíʔile gèle: 5 Ye- kpuʔɔrɔ táà kɔ̀n yeli kɔliyɛrɛ nī dè ye kɛn Yewe mɛ́ wè. A ki 'yɛ̀ funjɛ̀ngɛfɔli ŋíì fungo nī gè, wi bé pɛn nɛ́ kpuʔɔrɔ ní Yewe mɛ́ wè: tiɛ wè, nɛ́ walifiiwe wè, nɛ́ kányiɛrɛ ní dè, 6 nɛ́ jèsii ní ŋàa wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ fɛ̀ninɛ bálì pe 'tìin nɛ́ lagbɛnrɛ jèsii pìniwe ní wè, nɛ́ síkasiire ní dè, 7 nɛ́ sìnbapɔlilɔ sɛ̀nyɛ nyáà pe 'nyɛ́nigɛ yè, nɛ́ sɛ̀nguʔu ní, nɛ́ akasiya tiire ní, 8 nɛ́ sùnmɔ ní bè bàa pe nii fètingele nī gèle, nɛ́ nùdaanna yɛrɛ táà ní dàa pe líi nɛ siɛnnyiɛnɛgɔn sùnmɔ kpínʔini bè, nɛ́ nùdaanna wusuna ní wè, 9 nɛ́ kàdɛniyɛ, nɛ́ lagbɛnrɛ kàdɛniyɛ ní nyàa pe bé líɛ bè tárigɛ burubile nɛ̄ lè nɛ́ nɛ̄ wè.»

Misa 'ki tìɛ baara dáà pe 'yɛli pe- kúɔ dè

10 «Siɛnnɛ bálì mɛ́ sícilimɛ yē wè, peri báan pe pa kele gálì kpíʔile gèle gàli ke mìɛni nyɛ́nì juu nɛ̀ gbɛ̀ngɛ gèle:

11 « gè nɛ́ ki kpátaʔa ní gè nɛ́ ki yatɔngɔ ní gè, nɛ́ ki yatunʔɔnɔ ní gèle, nɛ́ ki tingele ní gèle, nɛ́ ki kàgbiiparigɛlɛ ní gèle, nɛ́ ki tiindugugolo ní gèle, nɛ́ ki táanmɛ nyùyɔ ní yè, 12 nɛ́ ní gè nɛ́ ki kàgbiʔile gálì ní pe ki líi wè, nɛ́ ní gè, nɛ́ gunbɔli fɛ̀ni ní wè, 13 nɛ́ tabali ní wè nɛ́ wi kàgbiʔile gálì ní pe wi líi wè nɛ́ wi yakpiʔilide ti mìɛni ní dè, nɛ́ búru feliye nyáà pe tɛ́ngi mi yiʔɛ mɛ́ gè, 14 nɛ́ fètindaʔagɛlɛ tiige ní gè bèri kpìɛnmɛ cáanri bè, nɛ́ ki yakpiʔilide ní dè, nɛ́ ki fètingele ní gèle nɛ́ sùnmɔ ní bè bàa pe béri nii ke nī gèle, 15 nɛ́ wusuna sórigodiʔɛ nɛ́ ki kàgbiʔile gálì ní pe ki líi gè, nɛ́ siɛnnyiɛnɛgɔn sùnmɔ ní bè nɛ́ nùdaanna wusuna ní wè, nɛ́ Kòridiʔɛ ki wìile ni fɛ̀ni ní wè, 16 nɛ́ Yewe ní gè, wuʔu gè, nɛ́ ki kányiɛrɛ kàwiire nɛ̀gɛ ní wè, nɛ́ ki kàgbiʔile gálì ní pe ki líi gè nɛ́ ki yakpiʔilide ti mìɛni ní dè, nɛ́ tasaakpuʔɔ gè nɛ́ ki tɛ́ngɛdiʔɛ ní gè, 17 nɛ́ Kòridiʔɛ ki dàligɛ sùlufɛninɛ ní bèle, nɛ́ pe tiindugugolo ní gèle nɛ́ ke táanmɛ nyùyɔ ní yè, nɛ́ wìile tɔ́nfɛni ní wè, 18 nɛ̀ fàri Kòridiʔɛ ki tínganʔana nɛ̄ gèle, nɛ́ dàligɛ ki fɛ̀ninɛ gunyɔ tínganʔana ní gèle nɛ́ tínganʔana ke màʔagɛlɛ ní gèle, 19 nɛ́ burudiinre ní dè dàa pe béri nii bèri baara kúu dè nī gè, nɛ́ míɛni kacuɔnriwɔ wi burudo wàlidɛngɛrɛ ní dè nɛ́ wi jaala wori ní dè kire ga buu peri kacuɔnrilɔ baara kúu dè.»

Isirayɛliyé pe 'pe kpuʔɔrɔ kɛn dè

20 Kire nɛ̄ a tògo siɛnnɛ pe mìɛni sí fali nɛ̀ yɛ̀ nɛ̀ yiri yiʔɛ mɛ́ gè sɛni. 21 Bìli fungo nī ki yé jíin gè bè yakaa kɛn gè, nɛ́ bàli pe 'puu funjɛ̀nyɛfɔlilɔ bèle, a peli pɛ́nì kpuʔɔrɔ táà kɔ̀n nɛ̀ kɛn mɛ́ wè bè wi kpíʔile gè, nɛ́ míɛni yɛrɛ díì pe 'puu nɛ caa bè ki baara kúɔ dè, nɛ́ dàa ní pe bé líɛ bè kacuɔnrilɔ burudo wàlidɛngɛrɛ jɔli dè.

22 Cɛlilɛ nɛ́ nàguɔlɔ ní bèle, bàli funyɔ nī ki yé jíin bè yakaa kɛn wè, a pe mìɛni 'pɛn nɛ́ pe tiɛ nàbuɔrɔ yɛrɛ ní dè: nɛ́ yatogolo ní gèle gàli pe 'tùɔn buruyo nɛ̄ yè, nɛ́ ngbótogolo ní gèle, nɛ́ fìʔile ní bèle, nɛ́ sɛmidingele ní gèle, nɛ́ tiɛ yɛrɛ felide ti míɛni. A pe 'tire yakɔnrɔ dáà ti mìɛni yɛ̀gɛ naamɛ pe kiyɛ nī yè Yewe yiʔɛ mɛ́. 23 Bàli pe mìɛni pe yé puu bè yɛrɛ dáà taa dè, a pe 'pɛn nɛ́ ti ní: jèsii ŋáà wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ lagbɛnrɛ jèsii pìniwe wè, nɛ́ síkasiire ní, nɛ́ sìnbapɔlilɔ sɛ̀nyɛ nyáà pe 'nyɛ́nigɛ yè, nɛ́ sɛ̀nguʔu ní gè. 24 Bàli pe mìɛni pe yé puu bè gbɛ̀ walifiiwe nɛ́ kányiɛrɛ taa dè, a pe 'tàa kɔ̀n nɛ̀ kɛn Yewe mɛ́ wè kpuʔɔrɔ. Bàli sí pe yé puu bè gbɛ̀ akasiya tiire taa dè bè baara ti mìɛni kúɔ nɛ́ ti ní dè, a pe 'pɛn nɛ́ pe wori ní dè.

25 Cɛlilɛ bálì pe yé jèsii càanna wè macɛ́n wè, a peli pɛ́ni jèsii càanná wè nɛ́ pe kiyɛ ní yè, jèsii ŋáà wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ lɛn lagbɛnrɛ jèsii ní wè. 26 Cɛlilɛ bálì pe mìɛni pe yé síkasiire tìin dè macɛ́n wè, a peli sɛ́ni ti tìín. 27 A siɛnnɛ pe yiɛgininɛ peli 'pɛn nɛ́ kàdɛniyɛ ní yè, nɛ́ lagbɛnrɛ kàdɛniyɛ ní yè nyàa pe bé líɛ bè tárigɛ burubile nɛ̄ lè nɛ́ nɛ̄ wè, 28 nɛ́ nùdaanna yɛrɛ ní dè nɛ́ sùnmɔ ní bè, bàa pe nii fètingele nī gèle, nɛ́ míɛni béri siɛnnyiɛnɛgɔn sùnmɔ kpínʔini bè nɛ́ wusuna ní wè.

29 A Isirayɛli siɛnnɛ pe mìɛni bèle, cɛlilɛ yo, nàguɔlɔ yo, bàli funyɔ nī ki 'yɛ̀ bè yakaa kɛn wè, bé Yewe baara kúɔ dè dàa wi yé juu Misa nyuɔ nī gè á wi 'ti juu siɛnnɛ mɛ́ bèle, a pe mìɛni 'pɛn nɛ́ pe ní dè.

Misa 'Kòridiʔɛ kpíʔilevɔlilɔ tìɛ bèle

30 A 'fali nɛ̀ ki juu siɛnnɛ mɛ́ bèle nɛ́ jo: «Ye- ki wéli, nyɛ́nì Bɛtisalɛli nyíɛnɛ nɛ̀ kɔ̀n, Uri jaa wè, Uri ŋáà wī Kuri jaa wè, saʔa tùlugo nī gè. 31 A Yewe 'wi fungo nyì gè nɛ́ wi Pìle ní lè, a ni 'kacɛ́nnɛ kɛn lè wi mɛ́, nɛ́ sícilige ní gè, nɛ̀ baara ti mìɛni cɛ́ngoligo kɛn gè wi mɛ́, 32 wiri jaʔa bèri baara táà cɛ́ngi bé ti kpíʔile wi nyùgo kúrugu, dàa dī tiɛ wori dè, nɛ́ walifiiwe nɛ́ kányiɛrɛ wori dè, 33 bèri lagbɛnrɛ kàdɛniyɛ tɛngi yè béri yi nii yi tiɛyɛ nī yè, bèri kátɛngbuɔnrɔ kpínʔini dè, bèri baara ti mìɛni felide kúu dè.

34 «Bɛtisalɛli nɛ́ Woliyabi ní wè, a Yewe 'ki nyɔ́gɔ pe fungo nī gè peri siɛnnɛ tɛnmɛ bèle, Woliyabi ŋáà wī Akisamaki jaa wè, Dan saʔa tùlugo nī gè. 35 A wi 'kacɛ́nnɛ kɛn lè pe mɛ́ peri baara ti mìɛni felide kúu dè: kàdɛnitɛngɛ baara dè; nɛ́ kpìɛndiinnɛ baara ní dè, peri fɛ̀ninɛ jɔli bèle de pe súu nɛ́ jèsii ní wè, jèsii ŋáà wī gàri céri dè, nɛ́ ŋàa wī kábebe céri dè, nɛ́ ŋàa wī nyìɛwɛ kpólokpolo wè, nɛ́ lagbɛnrɛ jèsii pìniwe; béri baara ti mìɛni felide sɔ́migi de dè kpínʔini, béri sɔ̀ngí bèri baara táà cɛ́ngi bé ti kpíʔile wi nyùgo kúrugu.»