Sélimɛ 35

Yakuba 'tɛ́ni Betɛli kàʔa nī gè

1 Kele gálì ke mìɛni kàduʔumɛ gè, a Kulocɛliɛ 'juu nɛ́ ní wè nɛ́ jo: «Yɛ̀ mari waa mɛ́ gè, ma sa tɛ́ni baa kire tiʔɛ nī gè. Ma sí gbùʔɔrɔdiʔɛ káà faan baa Kulocɛliɛ mɛ́ wè, wire ŋáà wi 'wìi tìɛ muɔ nɛ̄ wè, lɛ̀lɛ líì nī muɔ 'puu nɛ fé muɔ luɔ nɛ̄ wè.»

2 A Yakuba sí ki juu wi saʔa wuulo mɛ́ bèle, nɛ́ siɛnnɛ bílì pe 'puu nɛ́ wi ní wè, nɛ́ jo: «Ye‑ yeli yasunro ti mìɛni yige yìye sunʔɔmɔ nī, dàa ti 'kɔ̀n siɛnfeliye yáà mɛ́ yè ! Ye‑ yìye jíge ye mùnu, ye‑ burunuʔɔrɔ yige dè, yé buruciilide líɛ dè, ye le yìye nɛ̄ ! 3 Yé yɛ̀ weri waa Betɛli mɛ́ wè ! Kire tiʔɛ nī gè m'bé sa gbùʔɔrɔdiʔɛ káà faan Kulocɛliɛ mɛ́ wè, wire ŋáà wi 'lúʔu m'mɛ́ wè nɛ̀ mi sáʔa mi fùrɔgɔ lɛ̀lɛ nī lè, wire ŋáà wi 'puu nɛ́ mi ní wè mi tánʔana ni mìɛni lɛ̀lɛ nī lè koligo nɛ̄ gè.»

4 A siɛnnɛ bálì pe mìɛni 'pe yasunro ti mìɛni líɛ, dàa ti 'kɔ̀n siɛnfeliye yáà mɛ́ yè, nɛ̀ kɛn Yakuba mɛ́ wè, nɛ́ ngbótogolo ní gèle gàli ke 'puu yawíire wuʔulo gèle. A Yakuba 'ti mìɛni túgu nɛ̀ tɔ́n tiikpuʔɔ láara gè gàa ki 'puu Sikɛmi kàʔa táanni gè.

5 Bà pe 'yɛ̀ nɛ̀ koligo líɛ gè nɛ waa wè, a Kulocɛliɛ wi 'fíɛgbuɔrɔ cáan kàsɛnyɛ siɛnnɛ nɛ̄ bèle, bàli pe 'puu baa pe táanni bèle, kire ga buu pe wàa fǎga yɛ̀ bè taʔa Yakuba jaala nɛ̄ bèleʔ. 6 A Yakuba wè, nɛ́ wi siɛnnɛ pe mìɛni bàli pe 'puu nɛ́ wi ní bèle, a pe 'kɛ́ nɛ̀ sɛ́nì nɔ̀ Luzi kàʔa nɛ̄ gè, gàa pe 'ye Betɛli wè, kùlo nī lè. 7 A wi 'Kulocɛliɛ gbùʔɔrɔdiʔɛ káà faan kire tiʔɛ nī gè nɛ̀ ki tiʔɛ míʔɛ yeri gè Eli Betɛli (ki kɔri wire wī: Betɛli tiʔɛ Kulocɛliɛ). Ki 'nyaa kire tiʔɛ gáà kire nī Kulocɛliɛ wi cé wìi tìɛ wi nɛ̄, bà wi 'puu nɛ fé wi luɔ nɛ̄ wè.

8 Kire tiʔɛ nī gè a Debora 'kùu, Debora ŋáà wi yé Erebɛka gbó wè a wi 'liɛ wè. A pe 'wi tɔ́n Betɛli táanni wè, tiikpuʔɔ láara gè, kire tiikpuʔɔ gáà kire piyē nɛ ye Kɔnwaara Tiikpuʔɔ gè.

9 A Kulocɛliɛ wi ń'nɛ̀ wìi tìɛ Yakuba nɛ̄ wè, lɛ̀lɛ líì nī wi kɔ́n mɛ́ lè, nɛ́ diba taʔa wè wi nɛ̄ 10 nɛ́ wi yɛ: «Muɔ míʔɛ ki yé puu Yakuba; píra ŋáà nī wè piyě ní de muɔ ye Yakubaʔ. Nɛ̀ láʔa pàngɛ nɛ̄ muɔ míʔɛ ki bé kò .» Bà sí ki 'kpíʔile, a Kulocɛliɛ wi míʔɛ yiʔɛ gè nɛ wi ye Isirayɛli.

11 A Kulocɛliɛ ń'nɛ̀ wi yɛ: «Mi wī wè. Ma sii ma niʔɛ ma kò kùpolo láà, ma puu siɛnfeliniʔɛyɛ. Kùlofɔlilɔ bé yiri muɔ nī. 12 Kùlo náà mi yé kɛn mɛ́ wè nɛ́ mɛ́ wè, m'bé ni kɛn muɔ mɛ́ nɛ́ muɔ siimɛ báà pi bága pɛn muɔ kàduʔumɛ gè.»

13 A Kulocɛliɛ 'yɛ̀ nɛ̀ kɛ́ liʔi naamɛ gè, nɛ́ Yakuba yaʔa bile tiʔɛ gíì nī wi yé juu nɛ́ wi ní wè. 14 A Yakuba 'kàdɛnigɛ káà yɛ̀gɛ nɛ̀ yérige céwu tiʔɛ gíì nī Kulocɛliɛ yé juu nɛ́ wi ní wè, nɛ́ kakuɔrɔ diviɛn wo ki nɛ̄, nɛ́ ń'nɛ̀ sùnmɔ wo ki naamɛ gè, kire ga buu ki‑ kò . 15 Tiʔɛ gíì nī Kulocɛliɛ yé juu nɛ́ Yakuba ní wè, a Yakuba ki tiʔɛ míʔɛ le gè nɛ ki ye Betɛli.

Arasɛli wi 'Bɛnzamɛ sii nɛ́ kùu

16 A Yakuba nɛ́ wi narigɛ ní gè, a pe 'yɛ̀ nɛ̀ yiri wè nɛ waa. Ki yé kò cɛ̀ri pe sí nɔ̀ Efirata tɛ́nimɛ nī bè, a Arasɛli liyɛ yi 'wi yɛ̀gɛ bile kire sunʔɔmɔ nī bè; wi siigɛnnɛ ni yé gbɛ̀n. 17 Bà wi siigɛnnɛ ni yé gbɛ̀n nɛ̀ cáanri lè, a cesiijowo wi 'wi yɛ: «Fǎga de fìʔɛ́ʔ, muɔ nyɛ́nì nàgabile láà taa.»

18 Bè Arasɛli yaʔa kùu koligo nɛ̄ gè, a wi 'wi jaa wi míʔɛ le gè nɛ wi yeri Bɛn Oni (ki kɔri wire wī: wuʔɔlɔ pùɔ). A pùɔ wi tuu 'wi míʔɛ yiʔɛ gè nɛ wi ye Bɛnzamɛ (ki kɔri wire wī: kàliige pùɔ). 19 Bà sí ki 'kpíʔile a Arasɛli wi 'kùu, a pe 'wi tɔ́n Efirata koligo táanni gè, gàa pe kɛ́nì ye píra ŋáà nī wè Betilɛmi kàʔa gè. 20 A 'kàdɛnigɛ káà yɛ̀gɛ nɛ̀ yérige céwu nyɛgɛ nɛ̄ gè, ki‑ kò sɔ̀ngidaadiʔɛ. Ki kàdɛnigɛ gáà ki 'tíin baa Arasɛli nyɛgɛ nɛ̄ gè nɛ́ pɛ́nì nɔ̀ pàngɛ gè.

21 A 'yɛ̀ nɛ̀ wi fɛ̀ni saaya kɔ́ligi yè, nɛ̀ kɛ́ nɛ̀ sɛ́nì yi kóri Migidali Edɛri tiʔɛ kàduʔu mɛ́ gè.

22 Bà Isirayɛli 'puu baa tɛ́niwɛ kire tiʔɛ tɛ́nimɛ nī bè, a Wurubɛni kɛ́nì yɛ̀ nɛ̀ wi tuu taa, ŋàa pe 'puu nɛ ye Biliya wè. A Isirayɛli 'ti lúʔu.

Yakuba jaala pe nyuɔ gè

Jaafɔlilɔ kiɛ nɛ́ siin pe 'puu mɛ́ wè. 23 Leya jaala peli pe 'puu bàli bèle: Wurubɛni wire wi 'puu Yakuba jaapeliwe wè, nɛ̀ Simɛyɔ taʔa, nɛ̀ taʔa, nɛ̀ taʔa, nɛ̀ Izakari taʔa, nɛ̀ yɛ̀ nɛ̀ Zabulɔn taʔa. 24 Arasɛli jaala peli bīɛlɛ bàli bèle: , nɛ́ Bɛnzamɛ. 25 Biliya wè, Arasɛli sùkulocuɔ wè, wire jaala peli bīɛlɛ bàli bèle: Dan, nɛ́ Nafitali. 26 Zilipa wè, Leya sùkulocuɔ wè, wire jaala peli bīɛlɛ bàli bèle: Gadi, nɛ́ Azɛri. Yakuba jaala pe mìɛni bìnɛ wire wi 'puu bàli bèle; wi yé pe sii mɛ́ lè.

Siaga wi 'kùu

27 A ń'nɛ̀ koli nɛ̀ pɛn wi tuu tiʔɛ mɛ́ gè, baa Mambire tiʔɛ nī gè, Kiriyati Ariba kàʔa táanni, gàa pe kɛ́nì ye píra ŋáà nī wè Eburɔn kàʔa. Kire tiʔɛ kire nī nɛ́ Siaga pe yé kíni nɛ̀ tɛ́ni bèle nɛ́ ní nabɔnminɔ bèle. 28 Bà Siaga yé liɛ nɛ̀ yiʔɛlɛ tekacɛri (180) taa wè, 29 wi yé tɔ̀ni nɛ̀ sɔ́migɔ nɛ̀ liɛ, nɛ́ kùu nɛ̀ kɛ́ wi tuuliɛyɛ kúrugu yè yanyige nɛ̄. A wi jaala pe siin, nɛ́ Yakuba, sɛ́nì pe tuu tɔ́n wè.